“ʻOku Maʻau ʻa Hono Fakafoki Mai ʻo e Ongoongoleleí,” Ko e Kaumeʻá, Sānuali 2025, 2–3.

Mei he Kau Palesitenisī ʻUluakí

ʻOku Maʻau ʻa Hono Fakafoki Mai ʻo e Ongoongoleleí

Fai ʻe Palesiteni Lāsolo M. Nalesoni

Toʻo mei he “Fanongo Kiate Iá,” Liahona, Mē 2020, 88–92.

Tā fakatātā ʻo ha fāmili mo ha fānau iiki ʻi muʻa ʻi he temipalé

Ko e hā ʻene ʻuhinga kiate koe ʻa e pehē kuo ʻosi fakafoki mai ʻa e ongoongolelei ʻo Sīsū Kalaisí ki māmaní?

ʻOku ʻuhinga ia ʻe lava ke silaʻi fakataha ho fāmilí ke taʻengata! ʻOku ʻuhinga ia ko e taimi ʻoku papitaiso mo hilifakinima ai koe ko ha mēmipa ʻo e Siasi ʻo Sīsū Kalaisí, ʻe lava ke ʻiate koe maʻu ai pē ʻa e Laumālie Māʻoniʻoní. ʻOku ʻuhinga ia ‘e lava ke tāpuekina koe ʻe he mālohi ‘o e lakanga fakataulaʻeikí ʻi hoʻo fakahoko ha ngaahi fuakava mo Ia pea tauhi kinautolú.

Ko e palōfita ʻa e ʻOtuá ko Siosefa Sāmitá ko hoʻomou palōfitá. Ko ia ʻa e fuofua palōfita ʻo e Siasi kuo fakafoki maí. ʻOku kei tafe mai pē ʻa e fakahaá mei he ʻEikí lolotonga ʻa hono fakafoki mai ko ʻeni ʻo e ongoongoleleí.

ʻOku moʻui ʻa e ʻOtuá! Ko e Kalaisí ʻa Sīsū! Kuo ʻosi fakafoki mai Hono Siasí! ʻOkú Ne ʻafioʻi mo ʻetau Tamai Hēvaní ʻa kitautolu.

Fakafoki ʻa e Fakatātaá

ʻAlu ki he peesi 6 pea lau ʻa e ʻuhinga ʻo e fakafoki mai ʻo e ongoongoleleí. Hili iá pea feinga ke fakafoki ʻa e fakatātā ko ʻení ʻaki haʻo tā ki ai ʻa e ngaahi konga ʻoku puliá!