“Mālō e Lelei mei ʻEsitōnia!” Ko e Kaumeʻá, Sānuali 2025, 8–9.

Mālō e Lelei mei ʻEsitōnia!

ʻOku tuʻu ʻa ʻEsitōnia ʻi he Fakatokelau ʻo ʻIulopé pea ko e ngataʻanga ia ʻo e Tahi Palatiká. ʻOku meimei ko ha kakai ʻe toko taha miliona ʻoku nofo ʻi aí.

Laʻā ʻi he Tuʻuapoó

Lolotonga ʻa e faʻahitaʻu māfana ʻo ʻEsitōniá, ʻoku ʻi ai ha ngaahi uike siʻi ʻoku ulo ai ʻa e laʻaá ʻi he tuʻuapoó. ʻOku tō ʻa e laʻaá ʻo tōmui ange ʻi he angamahení, ʻo kei maama hinehina ai pē ʻa e langí lolotonga ʻa e poʻulí.

ʻApi ko ha Vaotaá

ʻOku ʻufiʻufi ha vaeua ʻo ʻEsitōnia ʻe he vaotaá! ʻOku tokolahi ha fanga monumanu ʻoku nau nofo ʻi he vaotaá, kau ai ʻa e lynxes, beavers, ulofí, otters, mo e puaka vaó.

Ko e Kolomuʻá

Ko Tālini ʻa e kolomuʻa ʻo ʻEsitōniá. Ko e taha ia ʻo e ngaahi kolo motuʻa taha ʻi he Fakatokelau ʻo ʻIulopé.

Fakaʻaliʻali Hivá mo e Hulohulá

Ko e fakaʻaliʻali ko ʻení ko ha konga mahuʻinga ia ʻo e ʻulungaanga fakafonua ʻo ʻEsitōniá. ʻOku fakahoko ia ʻi he taʻu ʻe nima kotoa pē pea kuo aʻu ʻo toko 100,000 ʻa e kakai ʻoku omi ki aí.

Fonua ʻo e Motu

ʻOku laka hake ʻi ha ngaahi motu ʻe 2,000 ʻi ʻEsitōnia. Ko e lahi taha ʻo e ngaahi ʻotu motú ni ʻoku iiki, ko ia ʻoku nofo ʻa e tokolahi taha ʻo e kakaí ʻi he fonua lahí mo ha ngaahi motu lalahi ange.