Fa’ata’ara’a nō te ’āmuira’a

Te pāuma ’e te mau fafaura’a

’Ua paraparau te peresideni Oaks nō ni’a i te hō’ē tamāroa ’e tōna metua tāne tē ha’ape’e ra i te pāuma. ’Ua ui a’era te tamāroa e nehenehe ānei e tāpū i te taura ’ia pe’e atu ā te pāuma. Fa’ata’a atu ra te metua tāne ē e topa te pāuma ’ia tāpūhia ana’e te taura. E au te taura i te mau fafaura’a e fa’atū’ati ia tātou i te Metua i te ao ra ’e ia Iesu Mesia. E tauturu te ha’apa’ora’a i tā tātou mau fafaura’a ’ia ha’afātata atu ā ia rāua.

Tē ha’api’i nei te reira iā’u :

Te hi’o māramarama

’Ua bāpetizohia Elder Uchtdorf ’a 75 matahiti i teienei ! ’Ua ha’amata tōna ’itera’a pāpū i tōna tamari’ira’a i Heremani. Tē ha’amana’o noa nei ā ’oia i tōna mau mana’o mo’a ’a hi’o ai i te hi’o māramarama nō Iesu Mesia, i roto i tā rātou fare purera’a. I fa’a’ite pāpū ai te Vārua i tōna ferurira’a ’e i tōna ’ā’au ē, ’o Iesu Mesia te Fa’aora o te ao nei.

Tē ha’api’i nei te reira iā’u :

Rōtahi i ni’a ia Iesu

’Ua fa’ati’a Elder Egbo nō ni’a i te pupu tu’e popo tāne nō Nītēria i te Tū’aro Nui nō te matahiti 1996. ’Aita tā rātou e faufa’a moni rahi ’aita ato’a te fa’aineinera’a maita’i roa a’e. ’Ua rōtahi rā rātou i ni’a i tā rātou fā, ma te tāu’a ’ore i te tahi atu mau fa’anevanevara’a, ’e ’ua noa’a ia rātou te feti’a ’auro ! ’Ia tāu’a ’ore ana’e tātou i te mau fa’anevanevara’a o te ao nei ’e ’ia rōtahi tātou i ni’a ia Iesu Mesia, e ’ite ato’a mai tātou i te manuiara’a.

Tē ha’api’i nei te reira iā’u :

Te uira’a i te mau uira’a

’Ua parau te tuahine Browning ē, tae roa mai i te matahiti 1992, tō te mau ’aivāna’a mana’ora’a ē ’o Pluton te hope’a nō tō tātou fa’a’ohura’a ’ati noa a’e te rā. ’Ua tāmau noa rā te mau ’aivana’a i te ’apo i te ’ite ’e i te ui i te mau uira’a. I teienei, ’ua ’ite tātou ē e mea rahi roa ’ia hi’o i’ō atu ia Pluton ! E uira’a ānei tā tātou, e nehenehe tātou e fāriu i ni’a i te Metua i te ao ra. E ti’a i te mau uira’a mau o te ’evanelia e tauturu ia tātou ’ia ha’api’i ’e ’ia tupu i te rahi.

Tē ha’api’i nei te reira iā’u :