E ho’i fa’ahou mai Iesu Mesia

’Ua hōro’a te Fa’aora i teie parau fafau nō ’outou : « E vai au i tō ’outou pae ’atau ’e i tō ’outou pae ’aui, e vai ho’i tō’u Vārua i roto i tō ’outou mau ’ā’au, ’e e fa’a’ati ho’i tā’u mau melahi ia ’outou na, nō te pāturu ia ’outou na » (Te Ha’api’ira’a Tumu ’e te mau Fafaura’a 84:88).

’Ua rave Iesu Mesia i ni’a iāna i tā ’outou mau hara, tō ’outou māuiui ’e tō ’outou ’ā’au māuiui. E fa’a’ore ’oia i tā ’outou hara mai te mea e tātarahapa ’outou. E ha’amaita’i ’oia ia ’outou i te mau mea e hina’arohia e ’outou.

I teie mahana, tē ti’aoro nei au ia ’outou ’ia tauturu i fa’aineine i te ao nei nō te Tae-Piti-Ra’a mai o te Fatu. Tē ti’aoro nei au ia ’outou ’ia paraparau nō ni’a i te Mesia, ’ia fa’a’ite pāpū nō ni’a i te Mesia, ’ia fa’aro’o i te Mesia, ’e ’ia ’oa’oa i roto i te Mesia ! Teie te parau ’ōmo’e nō te hō’ē orara’a ’oa’oa.

E tae mai te mea maita’i roa a’e, ’ia fāriu hope roa ana’e tātou i tō tātou ’ā’au ’e tō tātou orara’a ’ia Iesu Mesia ra.