Tū’atihia nā roto i te mau fafaura’a

E tā’amu te mau fafaura’a ia tātou i te Metua i te ao ra ’e ia Iesu Mesia. Ma te ha’apa’ora’a i tā tātou mau fafaura’a, e nehenehe tātou e fa’ari’i i te tauturu ’e te pūai o te ra’i. ’Ua ha’api’i te peresideni Nelson, « i te taime ’a rave ai ’outou ’e ’o vau i te hō’ē fafaura’a ’e te Atua, e mea fātata roa atu ā tō tātou tā’amura’a ’e ’ōna […] Maoti tā tātou fafaura’a ’e [’ōna], e ’ore roa ’oia e rohirohi i roto i tāna mau tauto’ora’a nō te tauturu ia tātou ».

’A hāmani i te hō’ē fifi o te tā’amu nō te fa’aha’amana’o ia ’outou i tā ’outou fafaura’a nō te bāpetizora’a ! ’A fa’atautau i te reira i te hō’ē vāhi e ’ite pinepine ai ’outou.

’A tāpūpū e ono pēha’a pāpie pa’ari 2,5 tenetimētera te ’ā’ano ’e e 20 tenetimētera i te roa.
I ni’a i te pēha’a tāta’itahi, ’a pāpa’i hō’ē o te mau rāve’a e nehenehe ai ’outou e ha’apa’o i tā ’outou fafaura’a nō te bāpetizora’a. (E nehenehe te tābula i muri nei e tauturu.)
’A rave i te pēha’a mātāmua ’e ’a tāpiri i te mau hope’ara’a nō te hāmani i te hō’ē menemenera’a. I muri iho, ’a rave mai i te hō’ē pēha’a ’āpī ’e ’a pātia nā roto i te menemenera’a ’e ’a tāpiri i nā hope’ara’a. ’A nā reira noa i te tāpiripirira’a i te mau fifi ē tae roa atu ’ua oti mai tā ’outou fifi !

’A ha’amana’o tāmau noa ia Iesu Mesia
(hi’o Te Ha’api’ira’a Tumu ’e te mau Fafaura’a 20:77, 79)
’A tāvini i te Atua ’e ’a ha’apa’o i te mau fa’auera’a
(hi’o Mosia 18:10 ’e Te Ha’api’ira’a Tumu ’e te mau Fafaura’a 20:77)
A fa’a’ite pāpū nō ni’a ia Iesu Mesia ’e ’ia riro ’ei hi’ora’a maita’i
(hi’o Mosia 18:9 ’e Te Ha’api’ira’a Tumu ’e te mau Fafaura’a 20:77, 79)
’A tauturu ia vetahi ’ē
(hi’o Mosia 18: 8–9)