Tere hiero

I roto i te hiero, e nehenehe tātou e ha’api’i rahi mai nō ni’a i te fa’anahora’a nō te fa’aorara’a, ’e e rave i te mau fafaura’a ’e te Metua i te ao ra. Tē vai ra e rave rahi piha nehenehe i reira tātou e putapū ai i te hau o te Vārua Maita’i.

Hō’ē piha nō te tā’atira’a ’o te vāhi ïa e tā’ati-’āmui-hia ai te mau ta’ata fa’aipoipo ’e te mau ’utuāfare nō teie tau ’e nō te tau a muri atu.

Te piha o te vahine fa’aipoipo ’o te vāhi ïa e fa’aineinehia ai te mau vahine hou ’a tā’atihia ai.

Te piha nō te ha’api’ira’a ’o te vāhi ïa e ha’api’i mai ai ’outou nō ni’a i te fa’anahora’a nō te fa’aorara’a ’e e rave ai i te mau fafaura’a mo’a ’e te Metua i te ao ra.

E tauturu te piha tiretiera ia tātou ’ia feruri mai te aha te huru ’ia ora fa’ahou i pīha’i iho i tō tātou Metua i te ao ra. E vāhi te reira nō te pure, nō te feruri hōhonu ’e nō te tai’o i te mau pāpa’ira’a mo’a.

Te ’āpo’o bāpetizora’a ’o te vāhi ïa ’outou e nehenehe ai e bāpetizohia nō te mau ta’ata tei pohe. E fa’ahōho’a nā ’ahuru ma piti pua’atoro e fa’a’ati ra i te ’āpo’o bāpetizora’a i nā ’ōpū ’ahuru ma piti o ’Īserā’ela.

Tāpura ’ohipa nō te hiero

E nehenehe ānei ’outou e ’ite mai i teie mau mea i roto i te hiero ?

• hō’ē mōrī tautau

• hō’ē hi’o

• hō’ē fāri’i tiare

• te pua’atoro i te ’āpo’o bāpetizora’a

• hi’o