Parau ’āpī nō te ’āmuira’a

E mea au nā’u ’ia fa’aro’o i te mau ’āpōsetolo ’e i tō tātou peropheta, te peresideni Russell M. Nelson, ’ia paraparau mai rātou i te ’āmuira’a. E mea au nā’u i te hō’ē peropheta 100 matahiti !

Luciano F., 6 matahiti, Magallanes, Tīreni

’Ua hāmani tō’u peresideni ’āma’a i te hō’ē ’api uira’a ’e pāhonora’a nō te ’āmuira’a, nō te mau tamari’i Paraimere. ’Ua tauturu te reira iā’u ’ia fa’aro’o i te mau a’ora’a i te ’āmuira’a. E mea au roa !

Yen-Ting C., 10 matahiti, Mata’eina’a nō Changhua, Tāiuane

E taime tano roa te ’āmuira’a rahi nō te hi’o mai ’e nō te fa’ari’i i te heheura’a nō’u iho.

Janice K., 12 matahiti, Goa, ’Īnītia

Iā’u i hīmene i te ’āmuira’a rahi, ’ua ’oa’oa vau, i te hīmenera’a iho ā rā nō ni’a ia Iesu Mesia ’e te Metua i te ao ra.

Annelise G., 10 matahiti, Utah, Marite

E rave rahi hānere tamari’i nō Utah, Marite, tei hīmene i roto i te tuha’a purera’a nō te avatea mahana mā’a. E toru hīmene tā rātou i hīmene, nō roto mai ïa i te buka hīmene ’āpī Cantiques—Pour le foyer et l’église.

Tē patuhia nei te mau hiero nā te ao ato’a nei ! E hia hiero tā te peresideni Nelson i fa’aara i teie ’āmuira’a ?

• 8 i Amerika Apato’erau

• + 1 i te mau fenua Caraibes

• + 1 i Amerika Rōpū

• + 2 i Amerika Apato’a

• + 2 i Europa

• + 3 i ’Āfirita

• = ___ hiero

• 190 tē tere ra

• 116 tei fa’aarahia

• 50 tē patuhia ra

• 7 tē fa’a’āpīhia ra

I te ha’amatara’a te ’āmuira’a rahi ’a 194 matahiti i teienei, hō’ē ana’e pupu ta’ata iti tē nehenehe e fa’aro’o tino atu i te peropheta.

’A 100 matahiti i ma’iri, e nehenehe tā rātou e fa’aro’o nā ni’a i te rātio.

’A 75 matahiti i ma’iri, e nehenehe tā rātou e māta’ita’i i ni’a i te ’āfata teata.

’A 25 matahiti i ma’iri, e nehenehe tā rātou e māta’ita’i ’aore rā e fa’aro’o nā ni’a i te natirara.

I teie mahana, e nehenehe te ta’ata e māta’ita’i ’aore rā e fa’aro’o i te ’āmuira’a rahi i te mau vāhi ato’a o te ao !