« ’Ia ora na nō Kēnia mai ! » Hoa, Novema 2024, 12–13.

’Ia ora na nō Kēnia mai !

Ha’api’i mai nō ni’a i te mau tamari’i a te Metua i te ao ra ’ati a’e te ao nei.

Tei ’Āfirita hiti’a o te rā ’o Kēnia. Hau atu i te 50 mirioni ta’ata e ora ra i reira.

Reo

E piti reo tumu i Kēnia : te swahili ’e te peretāne. E ’ahuru atu ā reo e paraparau-ato’a-hia i reira.

Māta’ita’ira’a ia Kēnia

I te ’āva’e Mē 2022, ’ua tere atu Elder Ronald A. Rasband i te vāhi patura’a o te hiero nō Nairobi i Kēnia. ’Ua parau ’oia ’o te hō’ē ’o tōna mau taime au roa a’e i roto i tōna tere i Kēnia.

Nana faramani [flamant] tārona

’Ia ’ī ana’e te roto o Nakuru i te remu, e rave rahi tauasini faramani tārona e haere mai e ’amu i te reira. E nehenehe te rahira’a faramani tārona e hōro’a mai i te roto tā’āto’a te hō’ē huru tārona !

Te feiā horo fa’ahiahia mau

Tei roto te fenua Kēnia e rave rahi feiā horo ātea maita’i roa a’e nā te ao nei. ’Ua roa’a ia rātou 106 fēti’a i roto te tata’ura’a horo ’āvae i te mau Tū’aro nui.

Tāpura fa’aineine mā’a

Chapati

E mā’a mātarohia teie i Kēnia. Teie te hō’ē huru hāmanira’a tā ’outou e nehenehe e tāmata !

’Āno’i 2 1/2 ’āu’a na’ina’i (600 ml) faraoa ota, 1/2 punu tāipu na’ina’i (2.5 ml) miti popa’a, ’e 1 punu tāipu rahi (14.7 ml) tihota i roto i te hō’ē ’āu’a rahi.
E māni’i fa’aiti iti noa fātata 1 1/4 ’āu’a na’ina’i (295 ml) pape māhanahana. ’Ia oti, ’a ha’amenemene e ono tūfa’a te faraoa fa’arapu [pāte].
’A fa’a’ohipa i te rūrō nō te ha’apārahurahu-menemene i te faraoa fa’arapu. ’A parai i te pata i ni’a iho.
Pōtaro i te faraoa fa’arapu mai te rā’au ri’i ’e ’a hāmani ’ei ’āureure. I muri iho ’a ha’apārahurahu i te rūrō te ’āureure.
’A farai i roto i te hō’ē farai pāni hinu ma te auahi pūai ri’i, ’ia ’ama nā pae e piti.