Moromona ’e te mau ’api ’auro

Fa’ahōho’ara’a nā Andrew Bosley

E peropheta Moromona. I te 10ra’a o tōna matahiti, ’ua parau te hō’ē ta’ata fa’atere ’o Amarona te i’oa, iāna, ’ia ha’amana’o i te ’ohipa i tupu i tōna nūna’a ’ia ti’a iāna ’ia pāpa’i i muri a’e i te reira i ni’a i te mau ’api ’auro. Te mau ’api ’o terā ïa tā te mau peropheta ’āti Nephi i pāpa’i i ni’a iho.

’Ua huna Amarona i te mau ’api nō te mea e rave rahi ta’ata ’ī’ino. ’Ua parau ’oia ia Moromona i hea e ’itehia mai ai te reira. I te pa’arira’a mai Moromona, ’ua roa’a iāna te mau ’api ’auro. ’Ua tāpe’a pāruru ’oia i te reira ’e ’ua pāpa’i nō ni’a i tōna nūna’a.

Tei roto noa ā te nūna’a i te ’ino, ’ua tāmata rā Moromona i te ha’api’i ia rātou. ’Ua pāpa’i ato’a ’oia nō ni’a i te Fa’aora i ni’a i te mau ’api. Maoti Moromona, ’ua nehenehe ia tātou e tai’o i teie mahana i te mau parau a te mau peropheta i roto i te Buka a Moromona.

Noa atu e mea ’āpī roa Moromona, ’ua ti’aturi te Fatu iāna. E nehenehe ato’a ’oe e pe’e i te Fatu i tō ’oe ’āpīra’a !