Ila-ilaha Kami
Si Jesukristo adunay importanteng bahin sa among mga tinuohan ug sa among kinabuhi. Ang among misyon mao ang pagdapit sa tanang anak sa Dios sa pagsunod ni Jesus ug mosinati sa hingpit nga kalipay nga posible tungod Kaniya.
Unsa ang Among Gituohan
Sabton unsa ang gipasabot nga mamahimong usa ka anak sa Dios ug makakat-on sa pag-ila sa Iyang giya diha sa imong kinabuhi.
Pagkat-on gikan sa kinabuhi ug mga pagtulun-an sa Manluluwas ug sinatia ang hingpit nga kalipay sa pagsunod Kaniya.
Diskobreha ang imong balaan nga potensyal ug ang plano sa Dios sa kalipay alang kanimo.
Sinatia kon sa unsang paagi nga ang paghigugma ug pagserbisyo sa uban sama sa gibuhat ni Jesus makadugang og kahulogan sa imong kinabuhi.
Suhira ang sagrado nga mga basahon sa kasulatan nga magdala kanimo nga mas maduol ngadto kang Jesukristo.
Diskobreha unsaon nimo pagpalig-on sa pinili nga mga relasyon, karon ug human sa kamatayon.
Tinguhaa ang tabang sa Manluluwas diha sa malisod nga mga panahon, ug konektar ngadto sa mga kapanguhaan aron sa pagsuporta kanimo latas sa mga hagit sa kinabuhi.
Dawat og inspirasyon gikan sa mga pulong sa mga propeta nga gitawag sa Dios nga mahimong mga mensahero alang sa atong panahon.
Diskobreha giunsa ni Kristo pagtukod sa Iyang Simbahan ug giunsa Niya paggiya ang Pagpahiuli sa Simbahan karon.
Pagkat-on bahin sa sagrado nga mga saad nga atong gihimo diha sa balaan nga mga templo sa Dios aron sa pagkonektar kanato sa atong mga pamilya ug ngadto sa Dios.
Pagkaplag og kalig-on samtang magtan-aw kamo sa Dios, sa Iyang Anak nga si Jesukristo, ug sa Balaang Espiritu alang sa kamatuoran.
Sabta ang mahangturong plano sa Dios alang kanimo ug sa unsang paagi nga ikaw makauban sa imong pamilya sa kahangturan tungod ni Jesukristo.
Kinsa Kami
Gitukod niadtong 1830
Ang Simbahan ni Jesukristo sa mga Santos sa Ulahing mga Adlaw pormal nga naestablisar niadtong 1830 sa Fayette, New York, uban ni Joseph Smith isip ang unang Presidente sa Simbahan.
Tibuok Kalibotan nga Komunidad
Ang Simbahan mitubo gikan sa mapainubsanon nga mga sinugdanan ngadto sa usa ka tibuok kalibotan nga komunidad sa 17 ka milyon nga mga tumutuo nga nagkahiusa sa pagsunod ni Jesukristo.
Gipangulohan pinaagi sa Pagpadayag
Kabahin kita sa gipahiuli nga Simbahan ni Jesukristo, gipangulohan sa Manluluwas pinaagi sa Iyang balaang dinasig nga propeta.
Komon nga mga Pangutana
Ang mga miyembro sa Ang Simbahan ni Jesukristo sa mga Santos sa Ulahing mga Adlaw mga Kristiyano ba?
Ang mga miyembro sa Ang Simbahan ni Jesukristo sa mga Santos sa Ulahing mga Adlaw mga Kristiyano ba?
Oo! Kami nagtuo ni Jesukristo nga mao ang Anak sa Dios ug ang Manluluwas sa kalibotan, ug naningkamot kami sa pagsunod Kaniya. Sama sa daghang denominasyon nga Kristiyano, ang mga detalye sa among mga tinuohan medyo lahi kaysa niadtong sa among mga silingan. Apan mahalaron kami nga mga sumusunod ni Kristo ug sa Iyang mga pagtulon-an. Ang talagsaon ug maanindot nga mga bahin sa among teyolohiya nagtabang nga mapalawman ang among pagsabot ni Jesus ug sa Iyang ebanghelyo.
Nagtuo ba kamo sa Biblia?
Nagtuo ba kamo sa Biblia?
Oo! Kami nagtuo nga ang Biblia mao ang pulong sa Dios. Kami kanunay nga nagtuon niini diha sa among mga panimalay ug sa simbahan, ug kami naningkamot sa pagsunod sa mga pagtulon-an niini. Kami nagtuo sa Daang Tugon ug sa Bag-ong Tugon nga nagtinabangay kauban sa Basahon ni Mormon, nga mao ang lain nga tugon ni Jesukristo, sa paglihok isip usa ka saksi ni Jesus ug naghatag kanamo og mas kompleto nga pagsabot sa plano sa Dios.
Unsay mahitabo sa sulod sa mga templo?
Unsay mahitabo sa sulod sa mga templo?
Ang mga templo lahi gikan sa among matag adlaw nga mga gambalay sa simbahan diin kami nagpahigayon og mga tulumanon sa pagsimba ma-Dominggo. Kini mao ang among labing balaan nga mga dapit, gigahin alang sa labing sagrado nga buhat sa Dios. Ang mga butang nga among himoon diha sa templo nagtutok sa saad nga kita makapuyo uban sa Dios ug sa atong mga minahal sa kahangtoran. Sa templo, kami mas hingpit nga mopasalig sa pagsunod ni Jesukristo. Kami mohimo og mga saad ngadto sa Dios, sama sa saad nga motuman sa Iyang mga sugo ug sa pagpahinungod sa among mga kaugalingon ug sa tanan nga anaa kanamo ngadto Kaniya. Ang mga bana ug mga asawa ug mga ginikanan ug mga anak pagahiusahon, o “iselyo” ngadto sa usag usa, sa kahangtoran. Ug kami nagbuhat sa sama nga buhat alang sa among mga katigulangan, naghatag kanila sa oportunidad sa pagdawat niadto nga mga panalangin sa sunod nga kinabuhi kon sila mopili niini.
Ang usa ka tawo nga sama nako abi-abihon ba sa simbahan?
Ang usa ka tawo nga sama nako abi-abihon ba sa simbahan?
Siyempre! Kami nagtuo nga kitang tanan mga anak sa Dios ug ang Iyang gisaad nga mga panalangin anaa alang kanatong tanan samtang maningkamot kita sa pagsunod sa Iyang pulong, bisan unsa pa ang atong mga kinaiya o ang atong nangagi. Ang simbahan mao ang usa ka dapit alang sa tanan aron magkat-on ug mouswag. Tingali ikaw naghunahuna nga ikaw dili angayan, apan ang kamatuoran mao nga ang among mga miyembro nagagikan sa tanang lain-laing mga kaagi ug mga interes. Dali bisita lang, ug tingali kamo masurprisa kinsa ang imong makita nga naglingkod tupad nimo sa lingkoranan.
Simba uban Kanamo
Kitang tanan mahimong mas maayo nga mga tawo pinaagi ni Jesus samtang mag-uban kitang magkat-on ug magserbisyo diha sa Iyang Simbahan. Dali ug tan-awa unsa kami ka talagsaon pinaagi sa pagsimba uban kanamo sa umaabot nga Dominggo.