Si Jesukristo Nakasabot sa Imong mga Hagit
Walay tawo nga kinahanglang molatas sa mga hagit sa kinabuhi nga mag-inusara. Si Jesukristo hingpit nga nakasabot kon unsa ang imong giagian ug mosuporta kanimo.
Ang Dios Nakasabot Kanimo
Sa dihang si Jesus nag-antos alang kanatong tanan didto sa Tanaman sa Getsemane ug sa krus, Siya nakabaton og hingpit nga pagsabot sa matag pagsulay nga atong giatubang. Nasayod Siya unsa ang imong gibati ug unsa ang imong giagian, ug ang Iyang grasya mohatag sa kalig-on nga imong gikinahanglan aron mabuntog kini.
Ang Basahon ni Mormon nagtudlo:
Ang Basahon ni Mormon nagtudlo:
Ug siya magpadayon, mag-antos sa mga sakit ug mga kasakit ug mga pagtintal sa matag matang; ug kini aron ang pulong matuman nga nag-ingon nga siya modala diha kaniya sa mga sakit ug mga balatian sa iyang mga katawhan.
“Ug siya modala diha kaniya sa kamatayon, nga siya mahimo nga mobadbad sa mga higot sa kamatayon diin naghigot sa iyang mga katawhan; ug siya modala diha kaniya sa ilang mga kahuyang, nga ang iyang kasingkasing mahimo nga mapuno uban sa kaluoy, sumala sa unod, nga siya mahimo nga masayod sumala sa unod unsaon pagtabang ang iyang mga katawhan sumala sa ilang mga kahuyang” (Alma 7:11–12 ).
Tungod kay ang Dios nahigugma kanimo ug gusto nga ikaw makahimo sa imong labing maayo, Siya mipadala sa Iyang hingpit nga Anak dinhi sa yuta aron sa pagtubos kanimo. Usa ka importante nga bahin sa misyon ni Jesukristo mao ang mahimong atong tigpataliwala. Siya mibuntog sa pag-antos ug kasakit aron nga siya makahibalo kon unsaon sa pagsuporta kanato. Siya nakaila kanimo sa hingpit ug nasayod kon unsaon sa pagtabang kanimo kon ikaw modangop ngadto sa Dios diha sa pag-ampo ug mangayo og giya.
Ikaw Makakaplag og Kalinaw ug Suporta diha sa Malisod nga mga Panahon
Samtang Ikaw modangop ngadto sa Dios ug ni Jesukristo, ang imong pagtuo mapalig-on ug magsilbing usa ka angkla diha sa mga unos sa kinabuhi. Ang ebanghelyo ni Jesukristo makatudlo kanimo sa paagi sa malungtaron nga kalipay, ug ang mga kamatuoran nga gitudlo diha sa Iyang Simbahan makadala og kalinaw ug paglaom.
Ang imong mga higala ug pamilya mahimong usa ka maanindot kaayo nga tinubdan sa suporta ug kalipay, lakip sa mga panaghigalaay nga namugna diha sa simbahan. Sa ilang labing maayo, ang atong kongregasyon sa simbahan nag-amuma sa mga kumunidad diin kita nangalagad sa usag usa sa praktikal ug espirituhanong mga paagi.
Ang imong mga higala ug pamilya mahimong usa ka maanindot kaayo nga tinubdan sa suporta ug kalipay, lakip sa mga panaghigalaay nga namugna diha sa simbahan. Sa ilang labing maayo, ang atong kongregasyon sa simbahan nag-amuma sa mga kumunidad diin kita nangalagad sa usag usa sa praktikal ug espirituhanong mga paagi.
Agi og dugang sa mga paagi nga ang indibidwal nga mga miyembro sa Simbahan nagpakita og gugma ug suporta, Ang Simbahan ni Jesukristo sa mga Santos sa Ulahing mga Adlaw nakamugna og mas maayong pagkahimo nga sistema sa pagsuporta alang sa pipila ka mga hagit sa kinabuhi. Ang Inyong lokal nga kongregasyon makahatag og dugang impormasyon mahitungod sa unsay mga oportunidad nga anaa sa inyong dapit.
- Pagbangotan ug Kamatayon
- Panarbaho
- Pagkaadik
- Pagkaginikanan
- Kahimsog sa Pangisip
- Edukasyon
- Ubang mga Kapanguhaan