Komon nga mga Pangutana bahin sa Simbahan
Kinahanglan ba akong moapil?
Ang mga bisita ikahinangop nga moapil, apan dili sila pugson. Kon ang pan ug tubig sa sakramento (sama sa Pagkalawat) iapod-apod sa kongregasyon, kon dili ka komportable nga moapil, ipasa lang ang tray ngadto sa sunod nga tawo. Gawas niana, puwede ka nga mo-relax lang ug maniid sa kalihokan.
Puwede ba ko nga moapil kon dili ko miyembro?
Oo! Gidapit ka sa pagpakig-uban kanamo sa among sinemanang mga kalihokan, mga social outing, mga proyekto sa pagserbisyo, ug mga serbisyo sa simbahan. Ganahan mi nga makaila nimo ug ikalipay ang imong pag-apil sa komunidad.
Unsay akong isul-ob?
Sobra pa sa ikahinangop ang imong pag-anhi nga magsinena sa unsay imong naandan. Kon nabalaka ka nga malahi sa uban, naningkamot mi nga magsul-ob og mas nindot nga mga sinina kaysa sa among isul-ob sa laing adlaw sa semana aron ipakita ang among pagtahod sa Dios. Ang labing sagad nga isul-ob nga imong makita sa simbahan mao ang polo ug korbata alang sa mga lalaki ug sayal o sinina alang sa mga babaye.
Unsa man kadugay ang mga tulumanon sa Simbahan?
Ang among kongregasyon sa tibuok kalibotan nagsunod sa parehong duha ka oras nga pormat alang sa mga tulumanon sa Dominggo. Adunay duha ka miting, ug ang matag miting mokabat og tagsa ka oras.
Panahon sa among gitawag nga “panagtigom sa sakramento,” ang tanang miyembro sa kongregasyon mag-abot. Kini nga panagtigom naglangkob sa mga kanta, mga pag-ampo, ug mga sermon (o “mga pakigpulong”) nga ihatag sa lainlaing mga sakop sa kongregasyon matag semana. Apan ang labing importante nga bahin sa panagtigom mao ang among pag-ambit sa sakramento (nga sama sa pagkalawat) aron sa paghinumdom sa Manluluwas.
Isip dugang sa panagtigom sa sakramento, ang mga tawo giawhag nga magpabilin alang sa ikaduhang oras sa pagkat-on diha sa mas gagmay nga grupo sa klase alang sa kalalakin-an, kababayen-an, kabatan-onan ug mga bata.
Unsa ang ward o branch?
Ang mga ward ug mga branch mao ang mga grupo sa mga miyembro sa Simbahan nga nagpuyo sulod sa pihong mga dapit sa siyudad o lungsod. Sa usa ka ward, makakaplag ka og mga higala, mobati nga nahisakop, ug makaugmad og konektado nga suporta sa ubang mga sakop sa imong komunidad. Depende kon asa ka nagpuyo, tingali adunay lain-laing matang sa ward o branch nga kaadtoan.
Mga ward para sa tanan
Ang tanan welcome nga motambong sa kinatibuk-ang kongregasyon. Sa kinatibuk-ang kongregasyon, ang mga tawo sa tanang pangedaron magtinabangay sa pagserbisyo sa komunidad sa Simbahan. Mga pamilya, mga single adult, mga bata, biyuda, ug bag-ong naminyo nga mga magtiayon dungan nga mosimba sa sama nga miting.
Mga ward alang sa piho nga pinulongan
Sa ubang mga dapit, tingali makabantay ka nga adunay mga ward og mga branch sa lista nga adunay gitapad nga lengguwahe. Mao kini ang mga kongregasyon nga magpahigayon og mga miting gamit ang pinulongan nga lahi kay sa komon nga pinulongan sa dapit nga imong gipangita.
Mga Ward sa Young Single Adult
Ang mga ward sa young single adult gihimo alang sa dili minyo nga mga indibiduwal nga nag-edad og 18-35. Kini nga mga kongregasyon sa kasagaran makita duol sa mga eskwelahan sa kolehiyo ug magpahigayon og mga kalihokan sa tibuok semana agig dugang sa mga tulumanon sa Dominggo nga pagsimba.
Mga Ward sa Single Adult
Ang mga kongregasyon sa single adult gihimo alang sa dili minyo nga mga indibiduwal nga nag-edad og 36-45. Kini nga mga kongregasyon motabang sa mga tawo nga magkauban sa pagsimba ug pagserbisyo nga anaa sa susamang mga sitwasyon nga adunay susamang interes.
Makakita ba ko og mapa nga anaa ang mga lokasyon sa Simbahan?
Oo. Ang The Meetinghouse Locator naggamit og bersiyon sa mapa nga magpakita sa tanang oras ug mga lokasyon kon asa ka makasimba sa tibuok kalibotan.