Mas Magpaduol sa Dios. Pakighimamat sa mga Misyonaryo sa Online o sa Personal.
Palawmi ang imong relasyon uban sa Dios ug pagkat-on sa Iyang plano alang kanimo samtang ikaw makigkita sa mga misyonaryo nga gikan sa Ang Simbahan ni Jesukristo sa mga Santos sa Ulahing mga Adlaw. Kami mag-ampo, magbasa, ug maghisgot sa mga pagtulun-an ni Jesukristo uban kanimo.
Unsa ang Dahoman sa Imong Pagbisita
Kami naghinamhinam nga makigkita kanimo ug motabang nimo nga mobati og kalinaw ug kaseguroan sa kinabuhi nga nagagikan sa pagsunod sa ebanghelyo ni Jesukristo. Susama niini ang mahitabo sa imong pagbisita:
- Mag-ila-ila kita sa usag usa.
- Magdungan kita sa pag-ampo.
- Kami makakat-on kabahin sa ebanghelyo ni Jesukristo.
- Dapiton ka namo sa pag-adto sa simbahan uban namo.
Mohangyo Nga Mabisitahan
Pagkaplag og kahupayan pinaagi sa pagpakig-istorya sa mga misyonaryo. Kami mahimong magbasa sa mga kasulatan uban nimo ug motabang nimo nga makakaplag og kalinaw pinaagi sa pag-ampo. Ipakigbahin ang imong impormasyon sa pagkontak ug ang mga misyonaryo sa imong dapit mokontak aron mag-eskedyul og oras nga makighimamat sa online o sa personal.
Gusto nga Masayod pa og Dugang?
Kinsa ang mga misyonaryo?
Kinsa ang mga misyonaryo?
Ang mga misyonaryo mga boluntaryo kinsa mihiklin sa ilang normal nga mga kinabuhi hangtod sa duha ka tuig aron sa pagtabang sa uban nga mas mapaduol ngadto ni Jesukristo. Sa wala pa sila magmisyon, sila mga estudyante, mga empleyado, mga atleta, mga himasa, mga musikero, ug seguro, nakuha nimo ang ideya. Human sa ilang serbisyo, sila mouli sa ilang panimalay aron humanon ang pag-eskwela, magtrabaho, mag-date ug magminyo, ug magpuyo og kinabuhi nga normal.
Gikan sila sa tibuok kalibotan. Komon na alang sa mga misyonaryo nga moserbisyo sa usa ka nasod ug mosulti sa usa ka pinulongan gawas sa ilang kaugalingong pinulongan. Ang mga misyonaryo nagserbisyo isip mga young adult o sa ilang retirado nga pangedaron isip dili pa mga minyo o mga magtiayon. Bisan unsa pa ang ilang pangedaron, ang ilang kadasig sinsero—mibiya sila sa ilang mga panimalay ug mga pamilya sulod sa usa ka panahon aron buhaton ang unsay gitudlo ni Jesus sa Iyang Apostoles: “Panglakaw kamo sa tibuok kalibotan ug isangyaw kining maayong balita ngadto sa tanang mga tawo” (Marcos 16:15).
Gikan sila sa tibuok kalibotan. Komon na alang sa mga misyonaryo nga moserbisyo sa usa ka nasod ug mosulti sa usa ka pinulongan gawas sa ilang kaugalingong pinulongan. Ang mga misyonaryo nagserbisyo isip mga young adult o sa ilang retirado nga pangedaron isip dili pa mga minyo o mga magtiayon. Bisan unsa pa ang ilang pangedaron, ang ilang kadasig sinsero—mibiya sila sa ilang mga panimalay ug mga pamilya sulod sa usa ka panahon aron buhaton ang unsay gitudlo ni Jesus sa Iyang Apostoles: “Panglakaw kamo sa tibuok kalibotan ug isangyaw kining maayong balita ngadto sa tanang mga tawo” (Marcos 16:15).
Aduna bay bayad ang pagbisita sa misyonaryo?
Aduna bay bayad ang pagbisita sa misyonaryo?
Wala. Ang ebanghelyo ni Jesukristo alang sa tanan. Siya nagdapit sa tanan nga moduol ngadto Kaniya “sa walay salapi ug walay bili” (Isaias 55:1). Ang mga misyonaryo sa pagkatinuod nagbayad aron makigkita kanimo, nga sila ang magbayad sa ilang kaugalingon nga mga galastohan sa pag-adto og misyon. Ang lokal nga mga lider sa Simbahan ug mga magtutudlo usab sa klase walay bayad.
Sama sa unsa ang mga tulumanon sa pagsimba sa Simbahan?
Sama sa unsa ang mga tulumanon sa pagsimba sa Simbahan?
Ang mga oras sa tulumanon sa Simbahan managlahi sa matag kongregasyon. Bisan paman, ikaw kanunay nga makasalig nga adunay usa ka nag-una nga tulumanon sa pagsimba alang sa tanan, nga gisundan sa mga klase alang sa kabataan, kabatan-onan, ug mga hamtong.
Ang tulumanon alang sa tanan gitawag og “panagtigom sa sakramento.” Kini nga panagtigom naglangkob sa mga kanta, mga pag-ampo, ug mga sermon (o “mga pakigpulong”) nga ihatag sa lainlaing mga sakop sa kongregasyon matag semana. Apan ang labing importante nga bahin sa panagtigom mao nga kon kita moambit sa sakramento (nga sama sa Pagkalawat) aron sa paghinumdom sa Manluluwas.
Ang tulumanon alang sa tanan gitawag og “panagtigom sa sakramento.” Kini nga panagtigom naglangkob sa mga kanta, mga pag-ampo, ug mga sermon (o “mga pakigpulong”) nga ihatag sa lainlaing mga sakop sa kongregasyon matag semana. Apan ang labing importante nga bahin sa panagtigom mao nga kon kita moambit sa sakramento (nga sama sa Pagkalawat) aron sa paghinumdom sa Manluluwas.