Ang Dios Nakaila ug Nahigugma Kanimo
Ang Dios nahigugma sa tanan Niyang anak—nagpasabot nga ang Dios nahigugma kanimo. Pinaagi sa pag-ampo, ikaw mahimong mas makapaduol ngadto sa imong Langitnong Amahan ug magkat-on sa pag-ila sa Iyang mahigugmaong giya diha sa imong kinabuhi.
Ikaw usa ka Anak sa Dios
Usa sa talagsaong mga kamatuoran diha sa Biblia mao nga kitang tanan “anak man sa Dios” (Mga Buhat 17:29 ), gilalang diha sa Iyang panagway. Isip anak sa Dios, ikaw adunay walay kataposang potensiyal ug bili.
Ang Dios Personal nga Nakaila Kanimo
Si Jesukristo mitudlo nga ang Dios nakaila kanato. Nasayod Siya sa matag higayon ang usa ka gamay nga langgam mahulog sa yuta, ug kita “labaw pag bili kay sa daghang mga langgam” ngadto Kaniya (Mateo 10:29–31
). Latas sa matag kalisdanan nga imong giatubang, ikaw wala gayod nag-inusara. Ang Dios hingpit nga nakaila kanimo ug nakahibalo kon unsa ang imong gikinahanglan aron sa pagtabang kanimo nga makalahutay sa imong mga hagit ug mobati sa Iyang gugma.
Ang Dios Maminaw sama sa usa ka Mahigugmaon nga Amahan
Isip atong Amahan sa Langit, ang Dios gusto nga makadungog gikan kanato. Siya matinguhaon sa paghatag kanimo og giya, ug ikaw mahimong makig-istorya ngadto Kaniya pinaagi sa pag-ampo.Ang Dios Gusto nga Makig-istorya
Ang pag-ampo labaw pa kay sa usa ka ritwal o usa ka paagi sa pagsulti sa langit unsa ang atong gusto—kini usa ka panag-istoryahanay. Mahimo kang makig-istorya sa Dios mahitungod sa mga butang nga mapasalamaton ka, ang imong mga paglaom ug mga pangandoy, ang imong mga kabalaka, ug ang mga butang nga imong gikinahanglan.Ang Dios Maminaw ug Motubag
Ang Dios maminaw ug motubag sa atong mga pag-ampo. Ang mga tubag sa pag-ampo kanunay nga moabot, bisan kon kini nagkinahanglan og panahon o dili ang mga tubag nga atong gidahom o gilaoman. Makahimo kita sa pagpahumok sa atong mga kasingkasing aron sa pagdawat sa Iyang kabubut-on alang kanato. Ang mga tubag sa pag-ampo mahimong adunay daghang matang, lakip sa mga hunahuna ug mga pagbati, mga aksiyon sa usa ka tawo nga naglibot kanimo, o kasulatan nga makatandog sa imong kasingkasing.Ang Espiritu mismo mohatag og pagsaksi ngadto sa atong espiritu, nga kita mga anak sa Dios.
Naglisod sa Pagbati sa Gugma sa Dios?
Kon ikaw nanglimbasog sa pagduhaduha o pagbati nga nahilayo gikan sa Dios, ikaw mahimong makakat-on nga mas makamatikod sa Iyang presensiya sa imong kinabuhi.
- Paggahin og panahon sa matag adlaw aron makalingkawas sa mga pagkabalda ug makakonektar sa Dios.
- Pag-ampo kanunay. Pangayo aron makabati sa Iyang gugma!
- Tun-i ang mga pulong sa Dios diha sa mga kasulatan.
- Paghupot og journal aron sa pagrekord sa mga panalangin ug espirituhanong mga impresyon.
- Pakig-istorya sa masaligan nga mga higala ug pamilya mahitungod kon sa unsang paagi sila mibati sa gugma sa Dios.
- Bansaya ang Kristohanong gugma pinaagi sa pagserbisyo ug pagpasaylo.