Si Kinsa Kami

Makita ninyo kami nga nagpuyo, nagtrabaho, ug nagpadako sa among mga pamilya sa tibuok kalibotan. Alang namo, ang pag-apil diha sa among komunidad mao ang usa ka paagi nga kami makahigugma sa among silingan sama sa gitudlo ni Jesus.

Imbes binayran nga tigpahigayon sa mga relihiyosong kalihokan, kaming tanan adunay buluhaton sa among lokal nga mga kongregasyon pinaagi sa mga tahas sa pagpangulo, mga gimbuhaton sa pagpakigpulong, ug uban pa nga mga oportunidad sa pagboluntaryo.

Alang namo, ang simbahan labaw pa kay sa pagsimba sa Dominggo—kini usa usab ka dapit nga makakaplag og suporta pinaagi sa panaghigalaay ug mga kasinatian nga molig-on sa pagtuo ug magtanyag og praktikal nga tabang alang sa mga hagit sa kinabuhi.

Sa sobra 30,000 ka lokal nga mga kongregasyon sa tibuok kalibotan, ang mga tawo nakigkonektar sa uban diha sa ilang komunidad aron sa pagsimba, pag-ampo, pagkanta og mga himno, ug pagtuon sa ebanghelyo ni Jesukristo.

Atol sa semana, mga tawo sa tanan nga pangedaron magpundok sa mga klase, sama sa seminary alang sa kabatan-onan o institute alang sa mga young adult, aron dungan nga magtuon sa mga pagtulon-an ni Jesus.

Ang mga proyekto sa pagserbisyo regular nga kabahin sa kalihokan sa simbahan ug ang mahinungdanong paagi nga kami motuman sa sugo sa Dios nga higugmaon ang among silingan.

Ang among mga kongregasyon kabahin sa kasilinganan diin kami nagpuyo, ug naningkamot kami og maayo nga mahimong maayo nga mga silingan ug mga higala. Ang sosyal nga mga kalihokan makalingaw ug mahinungdanon nga bahin sa pagtukod og komunidad sa simbahan.

Ang lig-on nga kasuod sa pamilya makahimo niini nga kinabuhi nga puno sa kamaya ug motabang nato nga makamugna sa matang sa kalibotan nga gusto nato. Ang atong kasinatian ug mga pagserbisyo sa simbahan mosuporta sa mas lawom ug dugang nga mahigugmaong mga relasyon sa pamilya.

Ang pagkahimong matang sa tawo nga atong gilaoman nga mamahimo usa ka importanteng bahin sa atong kinabuhi sa simbahan. Ang mga programa sa Simbahan motabang sa mga tawo nga makat-on ug molambo sa espirituhanon ug praktikal nga mga paagi pinaagi sa ebanghelyo ni Jesukristo.

Nagsunod sa sama nga sumbanan nga gitukod ni Jesukristo aron sa pagpangulo sa Iyang katawhan sa panahon sa biblia, ang Simbahan gipangulohan sa usa ka propeta ug mga apostol karon. Kini nga mga lider nagserbisyo ug milihok ubos sa Iyang dinasig nga pagdumala. Makakat-on ka og dugang mahitungod nila dinhi.

Kalalakin-an ug kababayen-an gikan sa nagkadaiyang kahimtang sa kinabuhi mitabang sa pagdumala sa buluhaton sa Simbahan sa tibuok kalibotan ug rehiyonal nga lebel. Usa ka sanglitanan niini mao ang kababayen-an nga nangulo sa Relief Society.

Imbes binayran nga tigpahigayon sa mga relihiyosong kalihokan, ang lokal nga mga kongregasyon gipangulohan sa mga miyembro sa Simbahan nga miboluntaryo sa ilang oras. Sila gisuportahan sa ubang ordinaryo nga mga miyembro sa Simbahan nga motabang sa tanan gikan sa pagtudlo sa mga klase sa Sunday School ngadto sa pagpanglimpyo sa bilding sa simbahan.

Kon kamo mobisita sa among mga kongregasyon, inyong mabantayan nga among gitudloan ang usag usa ug dungan nga nagkat-on gikan sa kasulatan. Nagtuo kami nga ang tanan adunay usa ka bililhon nga butang nga ikatampo, ug busa ang mga lider mohangyo og daghang nagkadaiya nga tawo aron mosangyaw sa pulpito, mag-ampo, ug magtudlo sa mga klase.