Unsay Malaoman diha sa Simbahan

Ang among Simbahan usa ka dapit diin makaadto ka kauban sa ubang mga tumutuo aron sa pagpamalandong, pagsimba, pagkat-on, ug pagkahimo nga mas maayo nga tawo.

Ang mga Bisita Gihangop Kanunay

Kini nag-ingon og “Dayon mga Bisita” sa tanan namo nga bilding—ug gituman gyod namo kini! Interesado ka man nga mahimong miyembro sa Ang Simbahan ni Jesukristo sa mga Santos sa Ulahing mga Adlaw, nagbisita kauban sa higala, o nanguryoso lang og gamay, malipayon kami nga makita ka.

Unsa ang Malaoman gikan sa mga Panagtigom sa Dominggo

Ang Simbahan usa ka dapit sa panaghiusa ug pagkat-on, apan labaw sa tanan kini usa ka dapit sa pagsimba sa Dios ug ni Jesukristo. Tanan nga 30,000 sa among mga kongregasyon sa tibuok kalibotan nagsunod og sama nga duha ka oras nga sumbanan alang sa mga panagtigom sa Dominggo:
A church congregation singing hymns

Panagtigom alang sa Sakramento

Atol sa unsay among gitawag og “panagtigom alang sa sakramento,” ang tanang miyembro sa kongregasyon mag-abot. Ang panagtigom maglakip sa pangbukas ug panapos nga pag-ampo, pipila ka himno, ug mga pakigpulong nga ihatag sa kauban nga mga miyembro sa Simbahan.

Ang labing importante nga bahin sa panagtigom sa sakramento mao ang pag-ambit sa sakramento, nga sama sa Pagkalawat sa uban nga Kristiyano nga mga relihiyon. Atol sa sakramento, among gihinumdoman si Jesukristo samtang nagkuha kami og gamay nga piraso sa pan ug sudlanan sa tubig nga nagsimbolo sa lawas ug dugo nga Iyang gisakripisyo alang nato. Atol niining mas hilom nga higayon, among gipaningkamotan nga maghunahuna mahitungod sa mga paagi nga kami mas matinud-anon nga makasunod Niya atol sa umaabot nga semana.

Isip usa ka bisita, wala kamo laomi nga moapil sa bisan unsa nga makapabati ninyo nga dili komportable. Lingkod lang diha sa kongregasyon ug bation ang kasinatian.

Mga Klase

Isip dugang sa panagtigom sa sakramento, ang mga tawo giawhag sa pagpabilin alang sa ikaduha nga oras sa pagkat-on sa mas gamay nga grupo.

Ang mga bata moadto sa Primary, diin ilang makat-onan ang mga istorya sa kasulatan, mga kanta, ug mga leksiyon nga tukma sa ilang edad mahitungod ni Jesus ug sa Iyang ebanghelyo. Ang mga tinedyer motambong sa susama nga mga klase nga tukma sa ilang kaugalingon nga pangedaron.

Sa magpuli-puli nga mga Dominggo, ang mga hamtong dungan nga motambong sa Sunday School, magtuon sa mga basahon sa kasulatan nga gipili alang sa tibuok kalibotan nga pagtuon nianang tuiga. Sa uban nga mga semana, sila bahinon ngadto sa managlahi nga mga klase alang sa kalalakin-an (naila isip ang korum sa mga elder) ug sa kababayen-an (naila isip ang Relief Society).

Kon dili ka segurado asa moadto, pangutana lang, ug adunay usa ka tawo nga motabang nimo nga matultolan ang tukma nga klase.
Members of the Sunday School Teacher's Council meet together to discuss Sunday School issues and learn from each other.

Uban pang mga Kalihokan sa Simbahan

Kon kamo motambong og panagtigom sa pagsimba sa Dominggo uban kanamo o adunay higala nga miyembro sa among Simbahan, tingali dapiton kamo sa usa sa ubang mga kalihokan nga gipahigayon sa inyong lokal nga kongregasyon. Ang pipila ka sanglitanan naglakip sa:
  • Sosyal nga mga kalihokan, sama sa Christmas party.
  • Sinemana nga mga kalihokan sa pundok sa kabatan-onan.
  • Mga institute of religion alang sa mga young adult aron makatuon sa mga kasulatan ug magkainilhanay.
  • Mga proyekto sa pagserbisyo sa komunidad.
  • Mga klase sa pagbarog pinaagi sa kinaugalingong paningkamot.
  • Mga konsiyerto o uban nga artistiko nga mga pasundayag.

Komon nga mga Pangutana

Ikaw welcome kaayo nga mosimba sa kon unsa ka. Kon nabalaka ka nga makakuha og atensiyon, kami naningkamot nga magsul-ob og mas nindot nga mga sinina labaw sa kon unsay among isul-ob sa ubang adlaw sa semana, aron ipakita ang among balaan nga pagtahod sa Dios. Ang kalabanan sa isul-ob nga imong makita sa simbahan mao ang polo o long sleeves ug necktie alang sa mga lalaki ug sayal o sinina alang sa mga babaye.
Kami adunay mga bisita sa hapit tanan nga kongregasyon, mao nga naanad na kami nga makakita og bag-o nga mga panagway. Sa dako nga kongregasyon, ang mga tawo tingali dili gani makabantay nga bisita ka. Sa ubang mga dapit, ang mga tawo tingali makabantay nimo og mangumusta. Bisan asa, ayaw pagduhaduha sa pagpaila sa imong kaugalingon ug mangutana og bisan unsang gusto nimong ipangutana.
Dili. Kon ang pan ug ang tubig sa sakramento ihatag na ngadto sa kongregasyon, mahimong ipasa lang nimo ang tray ngadto sa imong tupad ug dayon lingkod lang ug tagamtama ang nahibilin nga mga higayon sa panagtigom. Makakita ka og mga tawo nga moboluntaryo sa pag-apil sa ubang mga paagi, sama sa pagtubag sa pangutana sa magtutudlo atol sa Sunday School, apan dili nimo kinahanglan nga moisa sa imong kamot kon dili ka ganahan nga moapil.
Dili. Nagtuo kami sa balaod sa ikapulo nga makita sa Biblia. Apan ang among mga miyembro kinsa mipili sa pagbayad og ikapulo mohimo niana sa pribado nga paagi, dili isip kabahin sa panagtigom sa pagsimba. Dili ka pangayoan og mga amot atol sa panagtigom.
Oo! Kini nga simbahan haom alang sa pamilya. Ang mga bata molingkod tupad sa ilang mga ginikanan atol sa nag-una nga panagtigom sa sakramento ug dayon moapil sa mga kalihokan uban sa mga bata o mga tin-edyer nga ilang kaedad samtang ang mga hamtong moadto sa Sunday School. Ang mga klase sa kabataan ug kabatan-onan kanunay nga gipangulohan og duha o sobra pa nga mga hamtong. Usa ka lawak alang sa mga inahan naghatag og kapribado alang sa pagpakaon sa mga masuso o uban pang panginahanglan.

Gusto nga moadto sa simbahan nga dili mag-inusara?

Ang mga miyembro sa among Simbahan kinsa miboluntaryo isip mga misyonaryo sa inyong dapit mahimong mobisita ninyo og una aron motabang ninyo nga makahibalo unsa ang malaoman ug motubag sa inyong mga pangutana. Sila mahimong mag-andam gani og inyong lingkoranan tupad nila kon andam na kamo nga mobisita.