Ang Simbahan ni Jesukristo Gipahiuli

Bisan pa sa mga paningkamot nga gihimo panahon sa Protestant Reformation, usa ka hingpit nga pagpahiuli, nga gidumala pinaagi sa usa ka propeta nga pinili sa Dios, gikinahanglan.

Ang panahon alang niana nga pagpahiuli miabot niadtong 1820 sa dihang ang 14 anyos nga batang lalaki nga ginganlan og Joseph Smith misugod sa pagbati, sa iyang mga pulong, “dakong kabalisa” mahitungod sa kaayohan sa iyang kalag ug kon hain nga simbahan ang iyang apilan (Joseph Smith—Kasaysayan 1:8

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

).

Usa ka adlaw, samtang nagtuon siya sa Biblia, si Joseph nagbasa: “Kon aduna man kaninyoy nakulangan og kaalam, papangayoa siya sa Dios, nga nagapanghatag ngadto sa tanang mga tawo sa madagayaon gayod, ug sa walay pagpamoyboy; ug kini igahatag kaniya” (Santiago 1:5).

Kini nga kasulatan adunay gamhanang epekto diha ni Joseph, nag-aghat kaniya sa pagpangita og mahilom nga kakahoyan diin siya nag-ampo sa tibuok niyang kasingkasing alang sa direksiyon sa Dios. Siya misulat niini nga asoy kon unsa ang sunod nga nahitabo:

Ang Dios nga Amahan ug Iyang Anak si Jesukristo mipakita ngadto kang Joseph Smith, misulti kaniya nga ang iyang mga sala gipasaylo ug siya walay apilan sa mga simbahan. Hinuon, si Joseph napili isip propeta sa Dios nga mopahiuli sa tinuod nga Simbahan ni Jesukristo nganhi sa yuta.

Pinaagi ni Joseph Smith, si Jesukristo mipahiuli sa samang Simbahan nga Siya mitukod sa karaang mga panahon, nga nagpasabot:

Ang Simbahan subling gitukod nga adunay propeta ug Napulog Duha ka Apostoles.

• Ang mga disipulo ni Kristo mahimong mabunyagan ngadto sa Iyang Simbahan nga may husto nga awtoridad sa pagkapari gikan sa Dios ug hatagan sa gasa sa Espiritu Santo.
• Importanteng mga seremonya sa relihiyon nga nailhan isip mga ordinansa sa pagkapari gipahiuli sa yuta, lakip sa gahom sa paghiusa sa mga pamilya nga magkauban sulod sa panahon ug sa tanang kahangtoran.

Tingali ang labing matiman-an, ang usa ka mensahero gikan sa langit mipadayag ngadto ni Joseph sa pagkaanaa sa Basahon ni Mormon, nga mao ang laing tugon ni Jesukristo. Kini nga basahon sa kasulatan nahisulat pinaagi sa mga propeta sa karaan nga Amerika, ug si Joseph mihubad sa basahon pinaagi sa balaan nga pagdasig.

Pinaagi sa Basahon ni Mormon ug sa modernong panahon nga pagpadayag gikan sa Dios, ang importanteng mga kamatuoran sa plano sa Dios alang kanato ug sa atong katuyoan dinhi sa yuta gipadayag. Kini nga mga pagpadayag naglakip:

• Sa usa ka mas lawom nga pagsabot sa mga katungdanan ni Jesukristo.
• Sa kahibalo nga kita nabuhi na uban sa Dios sa wala pa kita mianhi sa yuta.
• Sa kahibalo nga kita anaa dinhi aron mas mahisama sa atong Langitnong Amahan ug makabalik aron makapuyo og usab uban Kaniya.
• Sa kasegurohan nga kita magkauban sa pagpuyo isip pamilya hangtod sa kahangtoran.

Karon, Ang Simbahan ni Jesukristo sa mga Santos sa Ulahing mga Adlaw nagpadayon nga gipangulohan sa usa ka buhi nga propeta ug mga Apostole. Ang ilang mga pagtulun-an alang niining “ulahing mga adlaw” naglakip sa pagpadako sa atong pagtutok diha sa Manluluwas, pag-amuma sa mga kabos, pagtapos sa personal nga kasungian diha sa atong mga kinabuhi, ug pagpalig-on sa mga pamilya. Salamat sa ilang propetikanhong giya ug kaalam, minilyon ka tawo sa tibuok kalibotan ang makasinati sa mga panalangin sa gipahiuli nga Simbahan ni Jesukristo.