Komon nga mga Pangutana mahitungod sa Ang Simbahan ni Jesukristo sa mga Santos sa Ulahing mga Adlaw

Mga Pagtuo sa Kristiyano

Oo! Kami nagtuo ni Jesukristo nga Anak sa Dios ug ang Manluluwas sa kalibotan, ug maningkamot kami sa pagsunod Kaniya. Sama sa daghang denominasyon nga Kristiyano, ang mga detalye sa among mga pagtuo medyo lahi kaysa niadtong sa among mga silingan. Apan mahalaron kami nga mga sumusunod ni Kristo ug sa Iyang mga pagtulon-an. Ang talagsaon ug maanindot nga mga bahin sa among teyolohiya nagtabang sa pagpalawom sa among pagsabot ni Jesus ug sa Iyang ebanghelyo.
Ang Balaan nga Trinidad mao ang termino nga gigamit sa daghang relihiyon nga Kristiyano sa paghulagway sa Amahan, Jesukristo, ug sa Espiritu Santo. Kami nagtuo sa pagkaanaa sa tanang tulo, apan kami nagtuo nga Sila buwag ug managlahi nga mga binuhat nga usa ra ang katuyoan. Ang ilang katuyoan mao ang pagtabang nato sa pagkab-ot og tinuod nga kalipay—niini nga kinabuhi ug human kita mamatay.

Pagkat-on pa og dugang
Oo!  Si Jesus mao ang pundasyon sa among tinuohan—ang Anak sa Dios ug Manluluwas sa kalibotan. Kami nagtuo nga ang kinabuhing dayon uban sa Dios ug sa atong mga minahal moabot pinaagi sa pagdawat sa Iyang ebanghelyo. Ang tibuok ngalan sa among Simbahan mao Ang Simbahan ni Jesukristo sa mga Santos sa Ulahing mga Adlaw, nagpakita sa Iyang labing importante nga tahas sa atong mga kinabuhi. Ang Biblia ug ang Basahon ni Mormon nagpamatuod ni Jesukkristo, ug among gimahal ang duha.

Kini nga bersikulo gikan sa Basahon ni Mormon nagtabang sa papasabot sa among pagtuo: “Kami naghisgot mahitungod kang Kristo, kami nalipay diha kang Kristo, kami nagsangyaw mahitungod kang Kristo, kami nanagna mahitungod kang Kristo, ug kami nagsulat sumala sa among mga panagna, nga ang among mga anak mahimo nga masayod sa unsa nga tinubdan sila mahimo nga mangita alang sa kapasayloan sa ilang mga sala” (2 Nephi 25:26).

Pagkat-on pa og dugang
Kami nagtuo nga ang kamatayon dili mao ang kataposan ni bisan kinsa kanato ug nga ang mga relasyon nga naporma nato niini nga kinabuhi makapadayon human niini nga kinabuhi. Tungod sa sakripisyo ni Jesukristo alang kanato, mabanhaw kitang tanan aron magpuyo sa kahangtoran sa hingpit nga mga lawas nga luwas sa sakit ug kasakit. Ang Iyang grasya motabang kanato sa pagpuyo og matarong nga mga kinabuhi, sa paghinulsol sa sayop nga binuhatan, ug pagkahimong mas sama Kaniya aron kita makabaton og oportunidad sa pagpuyo uban sa Dios ug sa atong mga minahal sa kahangtoran.

Pagkat-on pa og dugang

Pamaagi sa Pagpakabuhi

Ang termino nga “mga Mormon” usa ka angga gikan sa usa ka basahon sa kasulatan nga talagsaon sa among Simbahan nga gitawag og ang Basahon ni Mormon. Wala kami maghimo sa angga, apan daghang tawo ang mogamit niini sa paghulagway sa Simbahan ug sa mga miyembro niini. Kaniadto, gidawat namo ang termino ug gani gigamit namo kini sa among kaugalingon, apan karon mohangyo kami sa mga tawo sa pagtawag sa Simbahan sa tibuok ngalan niini: Ang Simbahan ni Jesukristo sa mga Santos sa Ulahing mga Adlaw. 

Kining paghatag og gibug-aton sa paggamit sa tibuok ngalan sa Simbahan nagtabang namo sa pagsunod sa sugo sa Ginoo nga gihatag ngadto ni Propeta Joseph Smith: “Kay sa ingon ang akong simbahan pagatawgon sa kataposan nga mga adlaw, gani Ang Simbahan ni Jesukristo sa mga Santos sa Ulahing mga Adlaw” (Doktrina ug mga Pakigsaad 115:4). Kini usab nagtabang sa pagmatuod nga si Jesus mao ang sentro sa among relihiyon ug mga pagtuo.

Ang “Mga Santos sa Ulahing mga Adlaw” mao ang usa ka maayong paagi sa pagpa-ila sa inyong mga higala nga mga miyembro sa among tinuohan.
Ang mga miyembro sa Ang Simbahan ni Jesukristo sa mga Santos sa Ulahing mga Adlaw sama ra kaayo ni bisan kinsa nga inyong mga higala ug mga silingan. Kami motrabaho, moeskwela, mogahin og panahon sa mga higala ug pamilya, moapil sa mga sport, ug malingaw sa nagkalain-laing mga kalingawan.

Makasinati kami og mga kalipay ug mga hagit sama ni bisan kinsa, apan kami nagtuo nga kon kita mohimo sa atong labing maayo sa pagsunod sa ehemplo ni Jesukristo, ang Dios mohatag nato og dugang panglantaw ug kalig-on aron makapadayon latas sa mga hagit sa kinabuhi. Kami usab adunay matinabangon nga komunidad sa simbahan nga kadangpan.

Kami maningkamot sa paghimo ni Jesus ug sa Iyang mga pagtulon-an nga labing importanting mga butang sa among mga kinabuhi. Ang among mga pagtuo mahitungod sa Manluluwas ug sa Iyang mga pagtulon-an makaapekto sa among inadlaw nga mga desisyon mahitungod sa unsa nga paagi kami mosulti, magsinina, ug maglihok. Pananglitan, maningkamot kami nga makalikay nga motrabaho o mangompra sa Dominggo aron sa pagbalaan sa Igpapahulay nga adlaw, sumala sa gitudlo sa Biblia. Ang among relihiyon mao ang usa ka relihiyon nga isangyaw sa Dominggo ug buhaton kada adlaw.


Pagkat-on pa og dugang
Usahay sa panahon sa Biblia, ang Dios mihatag og panudlo pinaagi sa Iyang mga propeta sa paglikay gikan sa piho nga mga pagkaon (tan-awa sa Levitico 11). Kana nga sumbanan nagpadayon karon sa Pulong sa Kaalam, balaanon nga dinasig nga mga baroganan sa kahimsog nga gihatag ngadto ni Propeta Joseph Smith alang sa atong pisikal ug espirituwal nga kaayohan. Ang Pulong sa Kaalam naglakip sa direksyon gikan sa Dios sa mga butang sama sa pagkaon og mahimsog nga mga pagkaon ug pag-ehersisyo, ingon man usab sa giya sa paglikay sa kape, tsa, tabako, alkohol, ug pag-abuso sa druga.

Duha sa mahinungdanong gasa nga gihatag sa Dios nato mao ang atong pisikal nga mga lawas ug sa atong gawasnong kabubut-on. Ang pagsunod sa Pulong sa Kaalam nagtabang nato sa pagtahod ug pag-atiman sa atong mga lawas ug paghimo sa atong mga hunahuna nga tin-aw aron nga kita mas bukas ngadto sa Balaan nga Espiritu. Nagtabang usab kini nato nga makalikay sa adiksyon, nga makapahuyang sa atong gawasnong kabubut-on.

Pagkat-on pa og dugang
Members are shaking hands and greeting each other in a foyer of a meetinghouse in India.

Mga Tulumanon sa Simbahan

Ang mga oras sa pagsugod sa among mga tulumanon sa Dominggo magkalahi depende sa lugar. Sa mga dapit nga adunay daghang miyembro sa Simbahan, tingali adunay daghang kongregasyon nga magmiting sa lain-laing mga oras sa samang gambalay. Makita ninyo ang lugar ug oras sa miting sa kongregasyon nga labing duol ninyo dinhi: mangita ug simbahan
Ang kongregasyon sa tibuok kalibotan nagsunod sa parehong duha ka oras nga pormat alang sa mga tulumanon sa Dominggo. Atol sa unsay among gitawag nga panagtigom alang sa sakramento, ang tanan mag-abot. Ang miting maglakip sa pangbukas ug panapos nga pag-ampo, pipila ka himno, ug mubo nga mga wali nga ihatag sa mga miyembro sa kongregasyon.

Ang labing importante nga bahin sa panagtigom sa sakramento mao ang pag-ambit sa sakramento, nga sama sa pagkalawat sa ubang Kristiyano nga mga relihiyon. Atol sa sakramento, among hinumdoman si Jesukristo ug mopasalig pag-usab sa pagsunod Kaniya samtang mokuha kami og gamay nga piraso sa pan ug kupa sa tubig nga nagsimbolo sa lawas ug dugo nga Iyang gisakripisyo alang nato.

Dugang sa panagtigom alang sa sakramento, ang mga tawo gidapit ngadto sa ikaduha nga oras sa pagkat-on pinaagi sa mas gagmay nga pundok, mas dunay inter-aksiyon nga mga pamaagi sa pagkat-on. Adunay lain-laing mga klase nga alang sa mga hamtong, mga tin-edyer, ug mga bata diin among tun-an ang mga kasulatan ug ang mga pulong sa buhi nga mga propeta ug hisgotan unsaon nga kami makasunod ni Jeskristo.

Pagkat-on pa og dugang
Ikaw welcome kaayo nga mosimba sa kon unsa ka. Kon nabalaka ka nga ikaw molahi, kami naningkamot nga magsul-ob og mas nindot nga mga sinina labaw sa unsay among isul-ob sa ubang adlaw sa semana, aron ipakita ang among balaan nga pagtahod sa Dios. Ang labing sagad nga isul-ob nga imong makita sa simbahan mao ang polo ug kurbata alang sa mga lalaki ug sayal o sinina alang sa mga babaye.
Kami adunay mga bisita sa hapit tanan nga kongregasyon, mao nga naanad na kami nga makakita og bag-o nga mga panagway. Sa dako nga kongregasyon, ang mga tawo tingali dili gani makabantay nga bisita ka. Sa ubang mga dapit, ang mga tawo tingali makabantay nimo og mangumusta. Bisan asa, ayaw pagduhaduha sa pagpaila sa imong kaugalingon ug mangutana og bisan unsang gusto nimong ipangutana.
Dili. Kon ang pan ug ang tubig sa sakramento ihatag na ngadto sa kongregasyon, mahimong ipasa lang nimo ang tray ngadto sa imong tupad ug dayon lingkod lang ug tagamtama ang nahibilin nga mga higayon sa tulumanon. Makakita ka og mga tawo nga moboluntaryo sa pag-apil sa ubang mga paagi, sama sa pagtubag sa pangutana sa magtutudlo atol sa klase, apan dili nimo kinahanglan nga mopataas sa imong kamot kon dili ka ganahan nga moapil.
Dili. Nagtuo kami sa balaod sa ikapulo nga makita sa Biblia. Apan ang among mga miyembro kinsa mopili sa pagbayad og ikapulo mohimo niana sa pribado nga paagi, dili isip kabahin sa tulumanon sa pagsimba. Dili ka pangayoan og mga amot atol sa miting.
Oo! Kini usa ka mahigaloan sa pamilya nga simbahan. Ang mga bata molingkod tupad sa ilang mga ginikanan atol sa nag-una nga panagtigom alang sa sakramento ug dayon moapil sa mga kalihokan uban sa mga bata o mga tin-edyer nga ilang kaedad samtang ang mga hamtong moadto sa Sunday School. Ang mga klase sa kabataan ug kabatan-onan kanunay nga pangulohan og duha o sobra pa nga mga hamtong. Usa ka lawak alang sa mga inahan mohatag og kapribado alang sa pagpakaon sa mga masuso o uban pang panginahanglan.
Siyempre! Kami nagtuo nga kitang tanan mga anak sa Dios, ug ang Iyang gisaad nga mga panalangin anaa alang natong tanan samtang maningkamot kita sa pagsunod sa Iyang pulong, bisan unsa pa ang atong mga kinaiya o ang atong nangagi. Ang simbahan mao ang usa ka dapit alang sa tanan aron makat-on ug mouswag. Tingali ikaw naghunahuna nga ikaw dili angayan, apan ang kamatuoran mao nga ang among mga miyembro nagagikan sa tanang lain-laing mga kaagi ug mga interes. Dali bisita lang, ug tingali kamo masurprisa kinsa ang inyong makita nga naglingkod tupad ninyo sa lingkoranan.
Oo. Sa among mga kongreagasyon, ang tanan adunay oportunidad nga mosalmot. Ang mga babaye ug mga lalaki naghupot og mga katungdanan sa pagpangulo, pagserbisyo sa mga komitiba, pagtudlo og mga klase, pagpamamulong sa pulpito, paghalad og mga pag-ampo, ug pag-organisar ug pagpangulo og mga kalihokan. Bisan ang mga bata ug mga tin-edyer adunay mga oportunidad sa paghimo niining mga butanga.

Nagsunod sa mga sumbanan nga gihimo ni Jesus sa pagtawag sa Iyang Napulog Duha ka Apostoles ug paghatag kanila sa mga yawe sa awtoridad sa pagkapari gikan sa Dios, ang mga lalaki lamang ang maghupot sa mga yawe sa pagkapari karon. Tungod niana nga rason, adunay piho nga mga posisyon ug mga katungdanan sa Simbahan nga himoon lamang sa mga lalaki. Apan ang ubang importante nga mga posisyon ug mga katungdanan gihuptan lamang ug gituman sa mga babaye. Ang mga babaye moserbisyo, mogiya, mopamatuod, ug motudlo kanunay diha sa mga miting sa simbahan. Kon ikaw andam nga mosalmot sa imong lokal nga kongregasyon, sa kanunay adunay mga oportunidad sa pagbuhat sa ingon.

Pagkat-on kabahin sa among grupo sa mga babaye.
Daghang tawo ang dili komportable sa organisado nga relihiyon ug mas gusto nga makasinati og pagkaespirituhanon ug magpuyo og maayong mga kinabuhi sa ilang kaugalingon. Ang kamatuoran mao, nga kita nagkinahanglan sa duha.

Ang espirituhanon nga mga kasinatian ug pagserbisyo sa matag semana mao ang pundasyon ngadto sa relasyon uban sa Dios. Apan ang pipila sa mga sugo sa Dios sama sa pagpabunyag ug pag-ambit sa sakramento nga gipasiugdahan ni Jesukristo, nagkinahanglan og awtoridad sa pagkapari gikan sa Dios. Ang Simbahan ni Jesukristo sa mga Santos sa Ulahing mga Adlaw naghatag sa estraktura ug awtoridad sa pagkapari nga gikinahanglan sa pagtuman niana nga mga sugo. Naghatag usab kini og mahigugmaon ug maayong mosuporta nga palibot diin ikaw makapaningkamot nga mahimong usa ka maayong tawo ug makadungog og mga pagpasabot nga mahimong dili nimo mahibaloan samtang nagtuon sa pulong sa Ginoo nga ikaw ra. Ang laing benepisyo sa organisado nga relihiyon mao ang paagi nga kini nag-awhag ug naghatag og mga oportunidad alang sa pagserbisyo.
Ang kinatibuk-ang komperensya mao ang tibuok kalibotan nga panagpundok sa mga tumutuo. Kaduha sa usa ka tuig, igahin namo ang kataposan sa semana sa pagpaminaw sa mga propeta, mga apostoles, ug sa ubang mga lider sa Ang Simbahan ni Jesukristo sa mga Santos sa Ulahing mga Adlaw nga mopakigbahin og mga mensahe sa Dios alang sa atong panahon. Liboan ka mga tawo ang personal nga moapil didto sa Siyudad sa Salt Lake, Utah, USA, samtang minilyon pa ang motan-aw gikan sa layo nga mga dapit o magtuon sa mga mensahe sa ilang kaugalingon sa laing umaabot nga petsa.

Pagkat-on pa mahitungod sa kinatibuk-ang komperensiya.
Tan-awa o basaha ang miaging mga mensahe sa kinatibuk-ang komperensiya.
Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Kasaysayan sa Simbahan

Niadtong 1820, usa ka14 anyos nga batang lalaki nga ginganlan og Joseph Smith nagsugod sa pagpanguta sa kaayohan sa iyang kalag ug naghunahuna hain nga simbahan ang iyang apilan. Usa ka adlaw, samtang siya nagtuon sa Biblia, nabasa niya ang Santiago 1:5:

“Kon aduna man kaninyoy nakulangan og kaalam, papangayoa siya sa Dios, nga nagapanghatag ngadto sa tanang mga tawo sa madagayaon gayud, ug sa walay pagpamoyboy, ug kini igahatag kaniya.”

Ang kasulatan adunay gamhanan nga epekto ni Joseph, nag-aghat kaniya sa pagpangita og hilom nga kakahoyan ug misulay sa unang higayon sa iyang kinabuhi nga mag-ampo og kusog. Ang Dios nga Amahan ug ang Iyang Anak nga si Jesukristo nagpakita ngadto ni Joseph Smith nianang adlawa, nagsulti kaniya nga ang iyang mga sala gipasaylo na ug nga siya kinahanglan nga walay apilan sa mga simbahan nga iyang nahibaloan.

Si Joseph gipili isip Propeta sa Dios kinsa, ubos sa direksyon ni Jesukristo, mopahiuli sa Iyang Simbahan nganhi sa yuta. Ang Simbahan ni Jesukristo sa mga Santos sa Ulahing mga Adlaw pormal nga naestablisar niadtong 1830.

Pagkat-on pa og dugang
Ang mga wali nga gihatag sa propeta, sa apostoles, ug sa ubang mga lider sa Simbahan sa kinatibuk-ang komperensiya makita pinaagi sa pag-browse sa general conference archives. Makahibalo ka unsay bag-ong gisulti sa mga lider sa Simbahan sa gawas sa kinatibuk-ang komperensiya—sama sa mga pagpahinungod sa templo o multifaith nga mga kalihokan—pinaagi sa pagbisita sa Church Newsroom. Magamit usab nimo ang search nga function sa ChurchofJesusChrist.org sa pag-browse sa mga pakigpulong sa kinatibuk-ang komperensiya, mga artikulo sa magasin, ug ubang mga kapanguhaan pinaagi sa hilisgotan.
Kon ang propeta ug Presidente sa Simbahan mamatay, ang labing senior nga apostol (pinaagi sa gitas-on sa pagserbsiyo, dili edad) mao ang mahimong bag-ong propeta. Kon adunay bakante sa Korum sa Napulog Duha ka Apostoles, ang propeta mopili og bag-ong tawo nga moserbisyo, pinaagi sa inspirasyon gikan sa Dios.

Ang ubang mga posisyon sa responsibilidad sa Simbahan—unsay among gitawag nga “mga calling”—sa rehiyonal ug lokal nga lebel gipili usab pinaagi sa inspirasyon gikan sa Dios. Pananglitan, ang bishop nga nangulo sa usa ka kongregasyon mahimong mag-ampo ug mobati og kadasig sa paghangyo sa piho nga babaye sa pagpangulo sa organisasyon sa mga babaye nga nailhan nga Relief Society. Siya, usab, mag-ampo alang sa direksyon mahitungod kon kinsa ang motabang niya isip mga magtatambag, isip mga secretary, isip mga magtutudlo, ug ubang mga tahas.

Pagkat-on pa og dugang
A bible and triple combination on a table with papers.

Ang Biblia ug ang Basahon ni Mormon

Oo! Kami nagtuo sa Biblia nga pulong sa Dios. Kami kanunay nga magtuon niini sa among mga panimalay ug sa simbahan, ug kami maningkamot sa pagsunod sa mga pagtulon-an niini. Kami nagtuo sa Daang Tugon ug sa Bag-ong Tugon nga nagkahiusa sa Basahon ni Mormon, nga mao ang lain nga tugon ni Jesukristo, sa nahimong isip usa ka saksi ni Jesus ug naghatag namo og dugang kompleto nga pagsabot sa plano sa Dios.

Pagkat-on pa og dugang
Ang Basahon ni Mormon usa ka basahon sa balaan nga kasulatan nga nagpamatuod ni Jesukristo ug nagtudlo nato mahitungod sa plano sa Dios ug sa Iyang mga sugo ngari kanato. Usa sa mga panalangin sa Basahon ni Mormon mao nga kini naghatag og dugang pagpatin-aw ug pagpasabot sa mga pagtulon-an ni Jesus diha sa Biblia—susama kon giunsa pagsulti nila ni Mateo, Marcos, Lucas, ug Juan kanato mahitungod sa pangalagad ug mga pagtulon-an ni Jesus gikan sa lain-laing panglantaw aron mohatag og dugang kompleto nga talan-awon.

Magkauban, ang Basahon ni Mormon ug ang Biblia naglangkob sa liboan ka tuig nga bili sa inspirasyon, giya, ug instruksyon. Pinaagi sa pagtuon sa duha ka basahon, ikaw makakuha og mas maayo nga pagsabot kon kinsa ang Dios ug unsa ang gusto Niya para kanimo.

Tun-i ang Basahon ni Mormon ug ang Biblia kauban sa mga misyonaryo.
Sama sa Biblia, ang Basahon ni Mormon adunay daghan nga tagsulat. Koleksiyon kini sa mga journal ug mga kasaysayan nga gipasa gikan sa usa ka magsusulat ngadto sa lain sa gidugayon nga mga 1,000 ka tuig. Ang unang tagsulat mao si propeta Nephi, kinsa mibiya sa Jerusalem uban sa iyang pamilya niadtong 600 BC ug mibiyahe ngadto sa mga Amerika. Gipasa ni Nephi ang rekord ngadto sa iyang manghod nga igsoong lalaki, kinsa mihatag niini ngadto sa iyang anak nga lalaki. Ang matag tagsulat mihatag sa rekord ngadto sa usa ka tawo nga ilang gisaligan. Si Mormon mao ang ngalan sa propeta nga mipundok sa tanang sinulat ngadto sa usa ka basahon, maong gitawag kini og Basahon ni Mormon.

Niadtong 1823, si Joseph Smith gigiyahan diin gitago ang karaan nga rekord, ug gihubad niya kini pinaagi sa gahom sa Dios. 

Pagkat-on pa og dugang.
Pagkuha og kopya sa Basahon ni Mormon.
Sama sa Balaang Biblia, ang Basahon ni Mormon nagpamatuod ni Jesukristo. Ang mahinungdanong panghitabo nga natala diha sa Basahon ni Mormon mao ang pagbisita ni Jesukristo—lakip ang Iyang mga pagtulon-an ug pangalagad—ngadto sa mga tumutuo didto sa karaang Amerika.

Ang Basahon ni Mormon nagsugod sa istorya sa usa ka pamilya. Ang amahan niana nga pamilya, si Lehi, usa ka propeta sa karaang Jerusalem mga 600 BC. Ang Dios mipasidaan ni Lehi diha sa usa ka damgo nga dad-on ang iyang pamilya ug mobiya sa Jerusalem, tungod kay ang siyudad ug ang daghang katawhan niini sa dili madugay mabihag sa laing nasod. Mitabok sila sa kadagatan ngadto sa Amerika.

Ang mga kaliwat ni Lehi ug sa iyang asawa nga si Sariah, sa kataposan nabahin ngadto sa duha ka nasod, ang mga Nephita ug ang mga Lamanita. Sa milabay nga sunod nga pipila ka siglo, kadto nga mga nasod kanunay nga naggubat sa usag usa, ug ang ilang hugot nga pagtuo sa Dios ug ni Jesukristo kanunay nga gisulayan. Kini nga mga kasinatian mipuno sa mga pahina pinaagi sa gamhanan nga mga wali, mga panagna, mga leksiyon sa kinabuhi, ug mga istorya.

Human mabanhaw si Jesus didto sa Jerusalem, Siya nagpakita ngadto sa mga tawo sa Amerika. Nagtudlo Siya mahitungod sa bunyag, paghinulsol, ug pagpasaylo. Siya miayo sa ilang masakiton ug mipanalangin sa ilang mga anak. Siya mitukod sa Iyang Simbahan. Pagkahuman, nagpuyo sila nga malinawon sulod sa gatosan ka tuig. Paglabay sa panahon, ang mga tawo nawad-an sa ilang hugot nga pagtuo ug daghan ang namatay sa gubat. Usa ka propeta gikan nianang higayona nga ginganlan og Moroni milubong sa ilang rekord aron mapreserbar kini alang sa umaabot nga panahon ug sa mga tawo—alang kanato!

Pagkat-on pa og dugang.
Pagkuha og kopya sa Basahon ni Mormon.
A father and mother talk and interact with their children as the walk around the grounds in front of the Oakland Temple.

Mga Templo ug Kaminyoon

Kadaghanan sa among pagsimba mahitabo sa sulod sa mga simbahan, nga usahay gitawag usab nga mga chapel, mga balay tigomanan, o mga sentro sa stake. Ikaw makaila niini nga mga gambalay pinaagi sa mga pulong nga “Mga Bisita Welcome” ug “ Ang Simbahan ni Jesukristo sa mga Santos sa Ulahing mga Adlaw” nga makita duol sa entrada sa kadaghan sa mga gambalay. Sa sulod, naghimo kami og mga tulumanon sa pagsimba sa Dominggo, mga kalihokan sa kabatan-onan sa adlaw sa semana, sosyal nga panagpundok, mga pasundayag sa kultura, ug ubang mga kalihokan nga bukas ngadto sa tanan diha sa komunidad.

Ang mga templo adunay mas piho nga katuyoan. Kini mao ang mga dapit nga espesyal nga gigahin alang sa sagrado nga tulumanon ug mga seremonya. Kini gitudlo sa Ginoo ug gipahinungod ngadto sa Iyang mga katuyoan. Ang mga templo mao lamang ang mga dapit diin ang pipila ka ordinansa gitugotan nga ipahigayon. Kining sagrado nga mga seremonya mobayaw ug modasig sa mga partisipante samtang mohimo sila og mga pasalig sa pagsunod sa mga pagtulon-an ug ehemplo ni Jesukristo.

Ang mga templo adunay espesyal nga balaang pagtahod—dili kamo makakita og mga tawo nga kaswal nga mag-istorya mahitungod sa labing ulahing salida, mogamit sa ilang mga telepono, o maghimo og laing kada adlaw nga mga kalihokan. Hinuon, ang mga miyembro sa Ang Simbahan ni Jesukristo sa mga Santos sa Ulahing mga Adlaw kinsa naningkamot sa pag-andam sa ilang mga kaugalingon alang sa sagrado nga kasinatian nakatutok sa pag-apil sa mga ordinansa ug pagtinguha og personal nga pagpadayag gikans sa Dios.

Ang mga templo gitukod aron sa pagpahaom sa talan-awon, kultura, ug sa panginahanglan sa dapit, mao nga ang matag usa makita nga medyo lahi. Apan kadaghanan niini gitukod sa maputi nga marmol ug nagpakita sa mga panting nga padulong sa langit. Makita ninyo kanunay ang mga pulong “Kabalaan sa Ginoo—ang Balay sa Ginoo” sa gawas sa usa ka templo.
Sa dihang ang mga templo unang gitukod o human nga kini miagi og malukpanon nga mga pag-ayo, ang mga open house pagahimoon alang sa publiko aron sila makatan-aw sa sulod. Usab, daghang templo adunay mga sentro sa mga bisita, hulatanan nga mga dapit, o mga nataran nga bukas ngadto sa tanan.

Human makompleto ang templo, ipahinungod kini alang sa sagrado nga pagsimba. Tungod sa balaan nga kinaiyahan sa buhat nga among gihimo sa mga templo, bukas lamang kini ngadto sa mga miyembro sa Ang Simbahan ni Jesukristo sa mga Santos sa Ulahing mga Adlaw kinsa nag-andam sa ilang mga kaugalingon alang sa kasinatian. Samtang kamo dili makahimo sa pagsulod sa templo karon, ang tanan anak sa Dios gidapit sa pagkat-on pa og dugang mahitungod sa ebanghelyo ni Jesukristo ug mosulod ngadto sa mga relasyon sa pakigsaad nga makatugot kaninyo sa pag-apil sa hingpit sa mga panalangin sa templo.
Ang mga templo lahi gikan sa among matag adlaw nga mga gambalay sa simbahan diin kami maghimo og mga tulumanon sa pagsimba sa Dominggo. Kini mao ang among labing balaan nga mga dapit, gigahin alang sa labing sagrado nga buhat sa Dios. Ang mga butang nga among himoon sulod sa templo nagtutok sa saad nga kita makapuyo uban sa Dios ug sa atong mga minahal sa kahangtoran.

Sa templo, kita mas hingpit nga mopasalig sa pagsunod ni Jesukristo. Kita mohimo og mga saad uban sa Dios, sama sa pagsaad nga motuman sa Iyang mga sugo ug sa pagpahinungod sa atong mga kaugalinon ug sa atong tanan ngadto Kaniya. Ang mga bana ug mga asawa ug mga ginikanan ug mga anak pagahiusahon, o “iselyo” sa usag usa, alang sa kahangtoran. Ug buhaton namo ang sama nga buhat alang sa among mga katigulangan, maghatag nila sa oportunidad sa pagdawat niadto nga mga panalangin sa sunod nga kinabuhi kon sila mopili niini.

Pagkat-on pa og dugang
Gitudlo ni Jesus nga ang bunyag gikinahanglan sa pagsulod sa gingharian sa Dios (tan-awa sa Juan 3:5). Apan unsay mahitabo niadtong namatay nga wala mabunyagi o gani wala masayod bahin ni Jesus?

Salamat na lang, mihatag ang Dios og paagi alang sa tanan aron modawat sa Iyang tanang mga panalangin—bisan human sa kamatayon. Diha sa templo, ang mga bunyag pagahimoon alang niadtong kinsa namatay nga walay oportunidad nga mabunyagan niini nga kinabuhi. Si Apostol Pablo naghisgot sa bunyag alang sa mga patay diha sa Biblia (tan-awa sa 1 Mga Taga-Corinto 15:29), ug ang mga miyembro sa Ang Simbahan ni Jesukristo sa mga Santos sa Ulahing mga Adlaw nagpadayon nianang sama nga buhat sa mga templo karon. 

Ania kon unsaon kini: Ang mga Santos sa Ulahing mga Adlaw magtuon sa kasaysayan sa pamilya ug makakaplag sa mga ngalan sa mga sakop sa pamilya nga namatay nga wala mabunyagi. Sila dayon bunyagan alang niadtong mga katigulangan didto sa templo. Kini nga tulumanon alang sa uban gihalad pinaagi sa gugma—ug tungod kay ang kinabuhi magpadayon human sa kamatayon, kadtong kinsa namatay makahibalo sa mga ordinansa ug makapili kon modawat ba sila niini. 

Pagkat-on pa og dugang.
Sa templo, ang bana ug asawa pagahiusahon sa kahangtoran. Kining seremonya sa kaminyoon gitawag og “pagselyo” diha sa templo tungod kay ang magtiayon pagahiusahon alang niini nga kinabuhi ug alang sa kahangtoran. Atol sa mubo, yanong seremonya, ang pangasaw-onon ug ang pamanhonon magginunitay sa mga kamot ibabaw sa altar. Sila makigsaad uban sa Dios nga sila motahod ug mohigugma sa usag usa sa hingpit ug mopasalig nga mosunod sa mga pagtulon-an ug ehemplo ni Jesus. Agi og balos, saaran sila nga ang ilang kaminyoon ug ang ilang pamilya molahutay ngadto sa sunod nga kinabuhi ug sa kahantoran. 

Ang mga magtiayon nga naminyo sa templo sa kasagaran magsaulog uban sa mas dagko nga grupo sa pamilya ug mga higala pagkahuman sa usa ka salosalo sa kasal o ubang tradisyon sa kultura. Ang mga magtiayon kinsa naminyo sa una sa sibil nga mga seremonya sa gawas sa templo (sama sa niadtong miapil sa Simbahan human na sila naminyo) makasinati usab sa mga panalangin nga maselyo sa templo.

Pagkat-on pa og dugang.
Ang simbolikanhong relihiyoso nga sinina ug alahas mao ang usa ka komon nga praktis alang sa daghang tawo sa tinuohan sa tibuok kalibotan, lakip sa mga miyembro sa Ang Simbahan ni Jesukristo sa mga Santos sa Ulahing mga Adlaw. Ang hamtong nga mga miyembro magsul-ob og mga garment sa templo isip usa ka personal nga pahinumdom sa ilang relasyon sa Dios, sa mga saad nga gihimo ngadto Kaniya diha sa templo, ug sa ilang pasalig sa pagsunod ni Jesukristo ug sa pagtuman sa Iyang mga sugo. Ang garment sa templo adunay duha ka piraso, susama sa gaan nga pang-ilawon nga t-shirt ug mga short. Kini giisip nga sagrado sa mga miyembro kinsa mosul-ob niini.

Pagkat-on pa og dugang
Oo. Ang mga miyembro sa Ang Simbahan ni Jesukristo sa mga Santos sa Ulahing mga Adlaw makaminyo ni bisan kinsa nga ilang pilion. Apan, ang sagrado nga mga kaminyoon sa templo gitagana lamang alang sa usa ka lalaki ug babaye nga pareho nga mga miyembro sa Ang Simbahan ni Jesukristo sa mga Santos sa Ulahing mga Adlaw ug kinsa nag-andam sa ilang mga kaugalingon nga mohimo og mahangtoron nga pasalig ngadto sa usag usa ug ngadto sa Dios. Tungod niana nga katarongan, daghang mga Santos sa Ulahing mga Adlaw nga dili pa minyo nagtutok nga makig-date sa mga tawo nga pareha sa ilang pagtuo ug sa ilang tumong nga maminyo sa templo.

Mga Misyonaryo

Ang tumong sa matag misyonaryo mao ang pagpakigbahin sa ebanghelyo ni Jesukristo. Ang pipila sa mga butang nga ilang buhaton naglakip sa pakighimamat ug pakig-interaksiyon sa mga tawo nga interesado nga makat-on pa og dugang, pagtudlo kanila, pagdungan sa pagtuon sa mga kasulatan, ug pagboluntaryo sa pagserbisyo diha sa komunidad.

Ang mga misyon medyo lahi og gamay depende sa dapit. Pananglitan, ang pipila ka misyonaryo maglakaw o magsakay og biseklita samtang ang uban magdryab og mga sakyanan. Ang uban gidestino sa rural nga mga dapit, ang uban sa dagko nga mga siyudad. Usahay ang buhat sa misyonaryo ingon og mokonektar sa mga tawo pinaagi sa social media; sa ubang panahon kini naglakip sa pagpanuktok sa mga pultahan o pagsuroy sa mga tawo sa makasaysayanong mga dapit sa Simbahan.

Usa ka butang nga komon sa tanang misyonaryo mao nga sila gusto nga motabang sa uban nga makahibalo ug makapalambo og relasyon uban ni Jesus. Kon kamo adunay mga pangutana kalabot sa tinuohan, nangita og tawo nga ikauban sa pag-ampo, o gusto nga moadto sa simbahan kauban sa usa ka tawo, pahibaloa kami! Ang mga misyonaryo malipayon nga makigsulti kaninyo!

Konektar sa mga misyonaryo sa inyong dapit.
Ang matag miyembro sa Ang Simbahan ni Jesukristo sa mga Santos sa Ulahing mga Adlaw giawhag nga mopakigbahin sa ebanghelyo ni Jesukristo ngadto sa uban. Ang ubang mga miyembro gidapit ug mahimong mopili nga moserbisyo og full-time nga misyon alang sa piho nga tagal sa panahon (kasagaran 18 o 24 ka bulan). Kadaghanan sa mga misyonaryo mga single adult nga anaa sa ulahing bahin sa ilang pagkatin-edyer o sayong bahin sa pangidaron nga baynte, ug ang mas tigulang nga mga miyembro ug minyo nga mga magtiayon moserbisyo usab. Tungod kay ang mga sitwasyon sa matag tawo lahi, ang pipila mahimong mopili sa pagserbisyo og misyon sulod sa pipila ka oras sa usa ka semana. Daghang mga miyembro sa Simbahan wala gayod makaserbisyo og opisyal nga misyon apan mipakigbahin sa ebanghelyo pinaagi sa ilang inadlaw nga mga lihok.

Pagkat-on pa og dugang mahitungod sa mga misyonaryo o himamata ang mga misyonaryo sa inyong dapit.
Tingali nakamatikod mo nga ang mga misyonaryo nailhan pinaagi sa Elder o Sister giubanan sa ilang apilyedo. Kini usa ka titulo nga among gigamit isip timaan sa pagtahod ug dungog. Sa samang paagi, kada adlaw ang mga miyembro sa Ang Simbahan ni Jesukristo sa mga Santos sa Ulahing mga Adlaw kanunay nga motawag sa usag usa og Brother o Sister imbes nga Mr. o Ms. sa pagtahod sa among relasyon isip mga anak sa Dios.
Christ being Baptised - A young being baptized

Bunyag

Oo. Giklaro ni Jesus nga ang bunyag gikinahanglan aron sa pagsulod sa gingharian sa langit, nagtudlo nga kita kinahanglan nga “matawo sa tubig ug sa espiritu” (Juan 3:5). Si Jesus Mismo gibunyagan—bisan og Siya hingpit—aron mopakita og ehemplo alang kanato.
Oo. Daghan ang nabunyagan sa laing simbahan mihimo niana nga lakang nga maayo og tuyo, uban sa sinsero nga tinguha sa pagdawat ug pagsunod ni Jesukristo.

Kami nagtuo nga kon bahin na kini sa sagrado nga mga ordinansa o mga buhat nga importante alang sa atong mahangtoron nga kaluwasan, kita kinahanglan nga mosunod sa sumbanan nga giestablisar ni Jesukristo. Kini nagpasabot nga ang mga bunyag kinahanglan nga ipahigayon pinaagi sa awtoridad sa pagkapari nga gikan sa Dios ug sa paagi nga tukma kon giunsa si Jesus pagbunyag (pinaagi sa pagpaunlod).

Ang pagpabunyag ngadto sa Ang Simbahan ni Jesukristo sa mga Santos sa Ulahing mga Adlaw sundan sa pagdawat sa gasa sa Espiritu Santo pinaagi sa usa ka tawo kinsa adunay awtoridad gikan ni Jesus mao ang paagi nga gipakita sa Manluluwas aron mahimong usa ka miyembro sa Iyang Simbahan.

Pagkat-on pa og dugang
Ang tanan gidapit ug giawhag sa pagsimba uban namo, apan ang pagkahimong opisyal nga miyembro sa Simbahan magkinahanglan nga magtuon mahitungod sa ebanghelyo ni Jesukristo, mopili sa bunyag, ug modawat sa gasa sa Espiritu Santo.

Ang unang lakang sa pag-apil sa Ang Simbahan ni Jesukristo sa mga Santos sa Ulahing mga Adlaw mao ang pagtuon og dugang mahitungod ni Jesukristo ug sa mga saad ug mga pasalig nga inyong himoon samtang kamo bunyagan ngadto sa Simbahan ni Jesukristo.

Ang ebanghelyo ni Jesukristo manalangin sa mga tawo og paglaom, kalipay, ug mas dako nga pagsabot sa katuyoan sa kinabuhi. Kon kamo andam na nga makakita kon sa unsa nga paagi nga ang pagkamiyembro sa Simbahan sa Manluluwas makapanalangin kaniyo, kamo makasugod pinaagi sa pagtuon uban sa mga misyonaryo kinsa makatabang sa pagpaila nganha kaninyo sa among mga pagtuo ug sa inyong lokal nga kongregasyon.

Pagkat-on pa og dugang mahitungod sa mga misyonaryo o himamata ang mga misyonaryo sa inyong dapit.

Pagkuha og Dugang nga mga Tubag

Aduna pay mga pangutana alang namo? Ang mga misyonaryo sa inyong dapit makabisita ninyo sa online o sa personal aron tubagon ang inyong mga pangutana ug mopakigbahin og makapadasig nga mensahe.