Tema Niining Bulana: Pagpunting sa Inyong Kinabuhi ngadto ni Jesukristo

Maayong Pasko, mga higala!

Isip usa ka young single adult, ang akong kinabuhi puno sa lisod nga mga desisyon ug mga kasinatian. Akong gilaoman nga kamo—akong minahal nga mga magbabasa—tingali anaa sa susama nga mga sitwasyon.

Ang sayo nga bahin sa pagkahamtong mahimong maghulagway og daghang mahinungdanong mga panghitabo sa kinabuhi: pagbiya sa panimalay sa inyong pamilya, pagkat-on unsaon pagdumala sa mga pinansyal, pagkab-ot og edukasyon, pagpakigdate, pagsulod og trabaho, pagpalambo og maayo nga kaminyoon, pagkahimong ginikanan, ug daghan pa kaayo.

Swerte lang, kita bag-ohay lang nakadawat og daghang propetekanhon nga tambag nga makatabang nato sa pagdumala sa atong mga ekspektasyon ug lista sa mga buhatonon kon ang kinabuhi magkaanam og kabug-at. Si Elder Ronald A. Rasband sa Korum sa Napulog Duha ka Apostoles mipakigbahin og usa ka mensahe nga sa tinuoray nakapausab sa paagi sa akong pagbalanse sa akong kinabuhi: “Bisan unsa man ang anaa sa listahan sa inyong buluhaton, paghatag og patas nga oras, dili salin nga oras, ngadto sa Ginoo.”

Niini nga kapanahonan sa Pasko, gusto kaming mopahinumdom kaninyo sa lawom nga gugma ug pagpakabana sa Manluluwas alang kaninyo. Among gimugna kini nga isyu sa YA Matag Semana aron matabangan mo a pagsentro sa inyong kinabuhi ngadto sa Manluluwas. Kon inyo Siyang tutokan, inyong mabati ang Iyang gugma ug giya samtang inyong suhiron ang pagka-young adult.

Ania ang ubang mga artikulo nga malaoman ninyo gikan sa mga young adult sa tibuok kalibotan niini nga bulan.

• Unsay atong mahimo aron sa pagsaulog kang Kristo sa tibuok tuig

• Unsaon nato paghangop ang kahilom atol sa daghang kalihokan sa kapanahonan sa Pasko

• Nganong angay man kitang mosalig sa kahayag ni Kristo sa atong inadlaw-adlaw nga kinabuhi

May mga istorya usab kami nga kabahin sa atong nagpadayon nga mga serye:

• Mga Kahanas sa Kinabuhi: Usa ka young adult mipakigbahin sa iyang mga sugyot sa pagpaminos sa oras sa screen sa inyong kinabuhi—ug sa mga panalangin nga nagagikan niini.

• Ilabi na sa mga Bag-ong Kasal: Usa ka young adult naghisgot kon sa unsang paagi siya misugod sa iyang tahas isip usa ka kapikas pinaagi sa pagpalambo og kultura nga nakatutok kang Kristo.

• Gikan sa Natad sa Misyon: Sa unsang paagi ang misyonaryo nga serbisyo sa usa ka young adult mitudlo kaniya mahitungod sa kalipay sa Pasko

Hinumdomi, ang kapanahonan sa Pasko labaw pa kay sa milagro sa pagkatawo ni Kristo—mahitungod usab kini sa milagro sa Iyang kinabuhi ug kahayag, nga mahimong dapiton natong tanan sa atong kaugalingong kinabuhi sa kada adlaw sa tuig.

Inubanan sa gugma,

Maddy Poll, YA Matag Semana Editorial nga Intern