Gamitin ang Kapangyarihan ng Aklat ni Mormon

• Paano pinadadali ng kasangkapang ito ang iyong buhay?

• Anong mga kasangkapan ang ibinigay sa atin ng Diyos para gawin ang Kanyang gawain?

Itinuro ni Elder David A. Bednar:

Ang Aklat ni Mormon ay isa pang tipan ni Jesucristo at mabisang instrumento ng pagbabalik-loob sa mga huling araw. (“Nasasandatahan ng Kabutihan at Kapangyarihan ng Diyos sa Dakilang Kaluwalhatian,” Liahona, Nob. 2021, 28–30)

Nagpatotoo si Elder Ulisses Soares:

Ang Aklat ni Mormon ay kasangkapan ng Diyos upang maisagawa ang pagtitipon ng Israel sa ating panahon at maipakilala sa mga tao ang Kanyang Anak na si Jesucristo. (“Ang Paglabas ng Aklat ni Mormon,” Liahona, Mayo 2020, 33)

Pumili ng bahagi mula sa kabanata 5 ng Mangaral ng Aking Ebanghelyo (pahina 129–40) na pag-aaralan. Habang binabasa mo ito, alamin ang iba pang mga dahilan kung bakit ang Aklat ni Mormon ay mahalagang kasangkapan sa pagbabahagi ng ebanghelyo ng Tagapagligtas.

• Ano ang mga karanasan mo sa pagbabahagi sa ibang tao ng mga katotohanan mula sa Aklat ni Mormon?

• Paano mo nakita ang mga katotohanan sa Aklat ni Mormon na nakatulong sa iyo o sa ibang tao na mapalapit kay Jesucristo?

1. Hanapin ang bahaging pinamagatang “Sinasagot ng Aklat ni Mormon ang mga Tanong ng Kaluluwa” sa kabanata 5 ng Mangaral ng Aking Ebanghelyo (pahina 134–35).

2. Pumili ng isang tanong mula sa bahaging iyon na gusto mong pagtuunan.

3. Basahin ang kaugnay na mga scripture passage at isipin kung paano makatutulong ang mga scripture passage na iyon sa tanong na pinili mo.

4. Maghanda na ibahagi ang isa sa mga talatang pinag-aralan mo at ipaliwanag kung paano nito sinasagot ang tanong.

Inaanyayahan ko kayo, sa araw na ito, na magbigay ng Aklat ni Mormon sa inyong mga kaibigan at kapamilya, sa inyong mga kasamahan sa trabaho, sa inyong soccer coach, o sa tindero sa inyong palengke. Kailangan nila ang mga salita ng Panginoon na matatagpuan sa aklat na ito. Kailangan nila ng mga sagot sa mga tanong tungkol sa pang-araw-araw na buhay at tungkol sa buhay na walang hanggan na darating. Kailangan nilang malaman ang landas ng tipan na nakalatag sa kanilang harapan at ang matibay na pagmamahal ng Panginoon para sa kanila. Naritong lahat iyon sa Aklat ni Mormon.

Kapag inabutan ninyo sila ng Aklat ni Mormon, binubuksan ninyo ang kanilang puso’t isipan sa salita ng Diyos. Hindi ninyo kailangang magdala ng nakalimbag na mga kopya ng aklat. Madali ninyo itong maibabahagi mula sa inyong mobile phone sa bahaging mga banal na kasulatan ng Gospel Library app. (“Sa Araw na Ito,” Liahona, Nob. 2022, 27)

Mapanalanging isipin kung kanino mo maibabahagi ang Aklat ni Mormon. Alamin kung ano ang maituturo mo sa kanila tungkol sa Aklat ni Mormon at kung ano pa ang maaari mong sabihin. Itala ang iyong plano.

Mahal kong mga kapatid, gaano kahalaga sa inyo ang Aklat ni Mormon? Kung aalukin kayo ng mga diyamante o mga rubi o ng Aklat ni Mormon, alin ang pipiliin ninyo? Ang totoo, alin ang mas mahalaga sa inyo? (“Ang Aklat ni Mormon: Ano Kaya ang Buhay Ninyo Kung Wala Ito?” Liahona, Nob. 2017, 61)

• Bakit mas mahalaga ang Aklat ni Mormon kaysa sa mga mamahaling bagay, tulad ng mga diyamante o rubi?

Basahin ang mga bahaging may pamagat na “Ang Aklat ni Mormon ay Nagpapatotoo kay Cristo” at “Tinutulungan Tayo ng Aklat ni Mormon na Mapalapit sa Diyos” sa kabanata 5 ng Mangaral ng Aking Ebanghelyo (pahina 132, 134). Hanapin at i-highlight ang hindi bababa sa tatlong pangungusap na naglalarawan kung bakit mahalaga ang Aklat ni Mormon.

• Paano nakatulong sa iyo ang pag-aaral ng Aklat ni Mormon at pagsasabuhay ng mga turo nito na mapalapit sa Diyos?

• Ano ang natutuhan mo tungkol kay Jesucristo mula sa pag-aaral mo ng Aklat ni Mormon?

• Paano naimpluwensyahan ng pagbabasa ng Aklat ni Mormon ang iyong patotoo kay Jesucristo?

Maghanap ng mga scripture passage sa Aklat ni Mormon na nagpapatotoo kay Jesucristo. Maaari kang makahanap ng mga scripture passage mula sa mga kabanatang nakalista sa kahon na “Personal na Pag-aaral o Pag-aaral ng Magkompanyon” sa kabanata 5 ng Mangaral ng Aking Ebanghelyo (pahina 133, sa ilalim ng heading na “Ang Aklat ni Mormon ay Nagpapatotoo kay Cristo”). O maaari kang maghanap ng iba pang mga scripture passage.

Para sa scripture passage na nahanap mo, itala ang mga sagot mo sa mga tanong na ito:

• Ano ang itinuturo sa akin ng scripture passage na ito tungkol kay Jesucristo?

• Paano makakaimpluwensya ang kaalamang ito tungkol kay Jesucristo sa akin at sa ibang tao?

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Pag-aralan ang Aklat ni Mormon araw-araw. Pagtuunan ng pansin ang natutuhan mo tungkol kay Jesucristo.

• Ibahagi sa social media o sa isang kakilala mo ang isang talata mula sa Aklat ni Mormon na talagang makabuluhan para sa iyo. Ipaliwanag kung bakit mo piniling ibahagi ito.

• Tingnan ang mga features ng Book of Mormon app (halimbawa, audio, mga wika, pakikipag-ugnayan sa mga missionary). Ibahagi sa isang tao ang Book of Mormon App.

Isipin na kausap mo ang isang kaibigan na hindi miyembro ng Simbahan at pinag-uusapan ninyo ang tungkol sa iyong mga paniniwala sa relihiyon. Pagkatapos malaman ang tungkol sa iyong paniniwala tungkol sa Aklat ni Mormon, tinanong ka ng iyong kaibigan “Bakit mayroon pang Aklat ni Mormon kung mayroon na tayong Biblia?”

Basahin ang bahagi sa kabanata 5 ng Mangaral ng Aking Ebanghleyo na may pamagat na “Sinusuportahan ng Aklat ni Mormon at ng Biblia ang Isa’t Isa” (pahina 135–36). Maghanap ng mga turo na makakatulong sa taong tinanong sa sitwasyon.

• Bakit mahalaga na magkaroon ng maraming saksi kay Jesucristo?

• Paano napalakas ng pag-aaral ng Biblia at Aklat ni Mormon ang iyong paniniwala kay Jesucristo?

Maghanap ng mga halimbawa sa banal na kasulatan na nagpapakita kung paano sinusuportahan ng Biblia at ng Aklat ni Mormon ang isa’t isa. Pumili ng isa o higit pa sa sumusunod na mga opisyon para matulungan kang gawin ito:

1. Pag-aralan ang mga halimbawang nakalista sa kahon na “Personal na Pag-aaral o Pag-aaral ng Magkompanyon” sa dulong bahagi ng “Sinusuportahan ng Aklat ni Mormon at ng Biblia ang Isa’t Isa” sa kabanata 5 ng Mangaral ng Aking Ebanghelyo (pahina 136).

2. Gamitin ang Gabay sa mga Banal na Kasulatan para makahanap ng paksang interesado ka. Maghanap ng mga scripture passage mula sa Biblia at Aklat ni Mormon na nakalista sa paksang iyon.

3. Hanapin ang ilan sa mga paborito mong talata sa Aklat ni Mormon. Suriin ang mga footnote kung may mga talata sa Biblia na nakalista na magpapalalim sa iyong pag-unawa sa mga talatang ito.

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Sa pag-aaral mo ng Aklat ni Mormon, tingnan ang mga footnote at hanapin ang mga reperensya sa mga scripture passage sa Biblia na may kaugnayan sa pinag-aaralan mo.

• Pag-aralan ang isa sa apat na Ebanghelyo sa Bagong Tipan (Mateo, Marcos, Lucas, o Juan). Habang nagbabasa ka, bigyang-pansin ang natututuhan at nadarama mo tungkol kay Jesucristo. Tingnan ang mga footnote at hanapin ang mga reperensya sa mga scripture passage sa Aklat ni Mormon na may kaugnayan sa inaaral mo.