Hangarin at Umasa sa Espiritu

Dapat ipangaral ng lahat ang Ebanghelyo, sa pamamagitan ng kapangyarihan at impluwensya ng Espiritu Santo; at hindi maipangangaral ninuman ang Ebanghelyo kung wala ang Espiritu Santo. (Mga Turo ng mga Pangulo ng Simbahan: Joseph Smith [2007], 389)

• Sa palagay mo, bakit napakahalaga ng papel ng Espiritu Santo sa pangangaral ng ebanghelyo ni Jesucristo?

1. Pag-aralan ang mga talata sa ilalim ng heading na “Hangarin ang Patnubay ng Espiritu Santo” at “Ang Kapangyarihan ng Espiritu sa Pagbabalik-loob” (Mangaral ng Aking Ebanghelyo, 115–16; 118).

2. Pag-aralan ang hindi bababa sa dalawa sa mga scripture passage na nakalista sa kahon na “Pag-aaral ng Banal na Kasulatan” sa ilalim ng pamagat na “Ang Kapangyarihan ng Espiritu sa Pagbabalik-loob” (Mangaral ng Aking Ebanghelyo, 119).

3. Batay sa natutuhan mo, maghanda na ibahagi ang iyong mga sagot sa sumusunod na mga tanong:

   • Paano ako matutulungan ng Espiritu Santo na ipangaral ang ebanghelyo ng Tagapagligtas?

   • Ano ang papel na ginagampanan ng Espiritu Santo sa pagtulong sa mga tao na lumapit kay Cristo?

   • Ano ang magagawa ko para maanyayahan ang Espiritu sa pagbabahagi ko ng ebanghelyo ni Jesucristo?

1. Ibahagi ang iyong mga sagot sa tatlong tanong mula sa nakaraang aktibidad sa pag-aaral:

   1. Paano ako matutulungan ng Espiritu Santo na ipangaral ang ebanghelyo ng Tagapagligtas?

   2. Ano ang papel na ginagampanan ng Espiritu Santo sa pagtulong sa mga tao na lumapit kay Cristo?

   3. Ano ang magagawa ko para maanyayahan ang Espiritu sa pagbabahagi ko ng ebanghelyo ni Jesucristo?

2. Ibahagi ang isang talata sa banal na kasulatan na natagpuan mo. Ipaliwanag kung paano nauugnay ang talatang iyon sa isa sa tatlong tanong na tinalakay kanina.

3. Magbahagi ng isang personal na karanasan o patotoo tungkol sa kung paano tayo matutulungan ng Espiritu Santo.

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Gamit ang mga tool sa pag-aaral tulad ng Gabay sa mga Banal na Kasulatan, pag-aralan pa ang iba’t ibang tungkulin ng Espiritu Santo. Isipin kung paano ka matutulungan ng Espiritu Santo ngayon at bilang missionary.

• Alamin kung anong mga pagbabago ang magagawa mo para mas regular mong maanyaya ang Espiritu Santo sa iyong buhay.

Isipin na may nagtanong sa iyo kung paano malalaman ang pagkakaiba ng mga pahiwatig mula sa Espiritu Santo at ng sarili mong mga iniisip at nadarama.

• Paano ka sasagot?

Pumili ng isa sa sumusunod na mga opsiyon sa pag-aaral mula sa kabanata 4 ng Mangaral ng Aking Ebanghelyo para mapalalim ang iyong pag-unawa tungkol sa pagkilala sa Espiritu Santo:

1. Pag-aralan ang “Matutong Tukuyin ang mga Pahiwatig ng Espiritu” (Mangaral ng Aking Ebanghelyo, 121–22).

2. Basahin ang mga paglalarawan sa Espiritu Santo sa kahon na “Personal na Pag-aaral” (Mangaral ng Aking Ebanghelyo, 122–23). Pag-aralan ang ilan sa mga nakalistang scipture passage na nakaagaw ng iyong atensyon.

• Ano ang mga natutuhan mo tungkol sa kung paano nakikipag-ugnayan sa atin ang Diyos sa pamamagitan ng Espiritu Santo?

• Aling mga halimbawa ang sa palagay mo ay naglalarawan sa iyong mga personal na karanasan sa Espiritu Santo?

1. Ang isang tao ay naghahanap ng patnubay at direksyon para sa isang bagay na mahalaga sa kanya. Nagdasal siya at hiniling sa Ama sa Langit na magbigay ng sagot bago matapos ang linggo.

2. Napansin mo na kapag nadarama nila ang Espiritu, ang ibang mga tao ay nagiging mas emosyonal kaysa sa iyo. Iniisip mo kung baka may mali sa iyo.

3. Pakiramdam ng isang tao ay tumanggap siya ng patnubay mula sa Espiritu na gumawa ng isang bagay na salungat sa mga turo ng mga propeta at apostol.

4. Isang binata at dalaga ang seryosong nagde-date. Isang araw, sinabi ng binata sa dalaga, “Nakatanggap ako ng inspirasyon na dapat mo akong pakasalan.”

5. Ang isang tao ay natanggap sa dalawang magkaibang unibersidad. Sa kabila ng pag-aayuno at panalangin, hindi niya nadarama na sinasabi sa kanila ng Panginoon kung saang paaralan siya papasok.

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Sa susunod na ilang araw, pansining mabuti ang iba-ibang paraan na nadarama mong ginagabayan ka ng Espiritu o kung paano mo nararanasan ang mga bunga ng Espiritu (tingnan sa Galacia 5:22–23). Itala ang iyong mga karanasan.

• Pag-aralan ang bawat scripture passage sa kahon na “Personal na Pag-aaral” sa pahina 122 ng Mangaral ng Aking Ebanghelyo. Itala ang mga kaalamang natanggap mo tungkol sa kung paano madarama at makikilala ang Espiritu.

Mahal kong mga kapatid, nakikiusap ako sa inyo na dagdagan ang inyong espirituwal na kakayahan na tumanggap ng paghahayag. … Magpasiyang gawin ang espirituwal na bagay na kailangan upang matamasa ang kaloob na Espiritu Santo at marinig ang tinig ng Espiritu nang mas madalas at mas malinaw. (“Paghahayag para sa Simbahan, Paghahayag para sa Ating Buhay,” Liahona, Mayo 2018, 96)

• Sa palagay mo, bakit mahalagang makatanggap palagi ng patnubay at paghahayag mula sa Espiritu Santo?

Basahin ang bahaging may pamagat na “Umasa sa Espiritu” sa Mangaral ng Aking Ebanghelyo (pahina 123). Hanapin ang mga dahilan kung bakit mahalagang makasama ang Espiritu habang ginagawa mo ang gawain ng Panginoon.

• Ano ang natutuhan mo tungkol sa kung bakit mahalagang umasa sa Espiritu Santo?

• Ano ang makakahadlang sa lubos nating pag-asa sa Espiritu?

• Ano ang nakatulong sa iyo na higit na madama ang impluwensya ng Espiritu sa iyong buhay?

Isipin na ikaw ay isang bagong missionary at hiniling sa iyo na magbigay ng mensahe sa susunod ninyong district meeting tungkol sa “Paano Tayo Higit na Makakaasa sa Espiritu Santo?” Gamit ang kahon na “Pag-aaral ng Banal na Kasulatan” sa dulo ng bahaging “Umasa sa Espiritu” (Mangaral ng Aking Ebanghelyo, 123), maghanda ng dalawa hanggang tatlong minutong mensahe na tumatalakay sa tanong na ito. Magtala ng mga alituntunin at kaalamang nais mong ibahagi sa iyong mensahe.

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Isaulo ang isang scipture passage tungkol sa Espiritu Santo, tulad ng isa sa mga ito: 1 Nephi 4:6; 2 Nephi 32:5; Moroni 10:5; o Doktrina at mga Tipan 8:2.

• Tukuyin kung ano ang maaari mong simulang gawin at kung ano ang ititigil mong gawin para matulungan kang mas madalas na makasama ang Espiritu Santo.