Tulungan ang mga Tao na Gumawa at Tumupad ng mga Pangako

Paulit-ulit na itinuturo ng mga awtorisadong tagapaglingkod ng Panginoon na isa sa mga pangunahing layunin ng ating buhay sa lupa ay espirituwal na magbago at mapanibago sa pamamagitan ng Pagbabayad-sala ni Jesucristo. (“Kinakailangan Ngang Kayo’y Ipanganak na Muli,” Ensign o Liahona, Mayo 2007, 19–20)

• Sa palagay ninyo, bakit ang espirituwal na pagbabago o pagbabalik-loob ang isa sa mga pangunahing layunin ng ating panahon dito sa mundo?

Kumpletuhin ang sumusunod na aktibidad sa pag-aaral. Markahan ang natutuhan mo tungkol sa (1) kung ano ang ibig sabihin ng nagbalik-loob sa Panginoon at (2) kung paano nangyayari ang pagbabalik-loob.

1. Basahin ang bahaging may pamagat na “Pagsisisi, Tapat na Pangako, at Pagbabalik-loob” sa kabanata 11 ng Mangaral ng Aking Ebanghelyo (pahina 231–32).

2. Pag-aralan ang hindi bababa sa dalawa sa sumusunod na mga scripture passage: Juan 3:3–5; Mosias 5:2; Mosias 27:25–26; Alma 5:12–14.

• Paano nauugnay sa pagbabalik-loob ang pagsisisi, mga pangako, at mga tipan?

• Sa palagay mo, bakit magiging posible lamang ang pagbabalik-loob sa pamamagitan ni Jesucristo at ng Kanyang Pagbabayad-sala?

• Ano ang nakatulong sa iyo na mapalalim ang iyong sariling pagbabalik-loob kay Jesucristo?

Pumili ng isa sa mga sumusunod na sitwasyon. Maghanda ng tugon para sa taong nabanggit sa sitwasyon sa pamamagitan ng pagsagot sa mga tanong sa ibaba.

1. Si Christina ay hindi kailanman naging kabilang sa isang simbahan. Kamakailan ay nakadama siya ng pagnanais na mapalapit sa Diyos. Iniisip niya kung saan siya magsisimula.

2. Si Isaac ay tinuturuan ng mga missionary. Sa isa sa mga lesson, itinuro ng mga missionary kay Isaac na kabilang sa pagsisisi ang pagbaling sa Diyos at pagtalikod sa ating mga kasalanan. Sinabi ni Isaac na, “Hindi ako sigurado kung magagawa ko iyan. Ganito na talaga ako.”

3. Napansin ni Jasmine na parang mas madali para sa ibang tao na sundin ang mga kautusan at mas matibay ang kanilang patotoo kaysa sa kanya. Nalulungkot siya kapag inihahambing niya ang kanyang sarili sa iba.

• Ano ang maibabahagi mo mula sa mga banal na kasulatan o Mangaral ng Aking Ebanghelyo na makatutulong?

• Ano ang maituturo mo tungkol sa Ama sa Langit at kay Jesucristo?

• Anong paanyaya ang maaari mong ibigay?

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Isulat ang iyong personal at patuloy na kuwento ng pagbabalik-loob. Isama ang mga partikular na paraan na naimpluwensyahan ng Diyos ang mga pagbabago sa iyong buhay.

• Itanong sa isang kaibigan o kapamilya ang tungkol sa kanyang proseso ng pagbabalik-loob kay Jesucristo.

• Magsulat ng tatlong paraan kung paano mo mahihingi ang tulong ni Jesucristo para mapalakas ang iyong personal na pagbabalik-loob.

• Anong paanyaya na natanggap at sinunod mo na nakatulong sa inyo na mapalapit kay Jesucristo?

• Paano kaya maaaring maiba ang mga bagay-bagay kung hindi ibinigay sa iyo ang paanyayang ito?

Alamin ang tungkol sa pagbibigay ng mga paanyaya sa pamamagitan ng pag-aaral ng kabanata 11 ng Mangaral ng Aking Ebanghelyo:

1. Ang dalawang talata at mga bullet point sa ilalim ng heading na “Magbigay ng mga Paanyaya” (pahina 232)

2. “Mga Alituntunin sa Pagbibigay ng mga Paanyaya” (pahina 233)

• Ano ang natutuhan mo tungkol sa kahalagahan ng pagbibigay ng mga paanyaya habang ibinabahagi natin ang ebanghelyo ni Jesucristo?

• Ano ang ilang halimbawa ng mga paanyayang maaari nating ibigay para matulungan ang ibang tao na lumapit kay Cristo?

Daan-daang paanyaya ang maipararating natin sa iba. Maaari nating anyayahan ang iba na “pumarito at tingnan” ang isang sacrament service, isang aktibidad ng ward, isang online video na nagpapaliwanag sa ebanghelyo ni Jesucristo. Ang “pumarito at tingnan” ay maaaring maging isang paanyayang basahin ang Aklat ni Mormon o bisitahin ang isang bagong templo sa open house nito bago ito ilaan. (“Magmahal, Magbahagi, Mag-anyaya,” Liahona, Mayo 2022, 86)

Magtakda ng mithiin na nauugnay sa iyong napag-aralan. Gumamit ng mga ideyang tulad ng sumusunod, o mag-isip ng sarili mo.

• Magpraktis na ibigay ang iyong paanyaya sa isang kapamilya o sa isang kaibigan sa labas ng klase.

• Tingnan ang bahaging “Pagbabahagi ng Ebanghelyo” sa Gospel Library at maghanap ng mga halimbawa ng mga paanyaya na maaari mong ibigay sa iyong pamilya o mga kaibigan. Kumilos ayon sa inspirasyong natanggap mo.

• Anyayahan ang isang kaibigan na magsimba o dumalo sa isang aktibidad ng simbahan kasama ka. Gamitin ang mga tuntunin na napraktis mo kapag inanyayahan mo sila.