Na cakacaka vakalotu kei na veiyalayalati e dolava vei iko na veivakalougatataki ni Kalou

Na cakacaka vakalotu era dusimaki iko vei Jisu Karisito. Na cakacaka vakalotu esa dua na soqo tabu e vakatavulici Jisu Karisito na ibalebale na kedra ivakatakarakara. Na sakaramede, me ivakaraitaki, e sega walega ni madrai kei na wai. E sa vakananumi keda me baleta na iVakabula.

Na veiyalayalati sa ivakatakilakila ni loloma, veivakabauti, kei na nanamaki ni Kalou. Era kauta na nomu veimaliwai kei na Kalou ki na dua na ivakatagedegede titobu sara. Na caka veiyalayalati e vakaraitaka ni o lomana na Kalou ka sa veidinadinati kei Koya. O rawa ni vakararavi Vua, ka rawa ni vakararavi vei iko o Koya. Ena veidinadinati titobu oya o sa vakatarai vakalevu tu ki na Nona kaukauwa kei na veivuke ni ko maroroya na nomu veiyalayalati.

O caka veiyalayalati kei na Kalou ni o papitaisotaki ka vakadeitaki kei na gauna o vakayagataka kina na sakaramede. Ni o sa papitaiso, o yalataka ni taura tu kivei iko na yaca i Jisu Karisito, qaravi Koya, ka muria na Nona ivunau ena nomu bula taucoko. Ena gauna ni sakaramede, o yalataka talega mo dau nanumi Koya tikoga. Sai ira oqo na nomu yalayala. Ni sa lomamu tu mo maroroya, sa yalayalataka na Kalou me solia vei iko na Yalo Tabu me nomu itokani tudei.

Qarava na sakaramede me vaka e dua na isolisoli tabu. Vakaraitaka na nomu veidinadinati kei Jisu Karisito ena vakavakarau ki na dua na gauna tabu donuya na sakaramede. Vakasamataka vagumatua na ka o rawa ni cakava me ka vakayalo kina na cakacaka vakalotu oqo ena nomu macawa .

Vakaraica na iVakabula ena cakacaka vakalotu eso. Ni o sarava se vakaitavi ena dua na cakacaka vakalotu, tarogi iko, “Na cava au vulica tu ena ka oqo baleti Jisu Karisito?” se “Na sala cava e vakavolekati au kina ki Vua?” Taura matua na ka e vakatavulici iko kina na Yalotabu.

Me sa tubera na nomu qaravi tavi na nomu veiyalayalati. Ni tiko e dua na digidigi mo cakava, nanuma na nomu veiyalayalati vakaveiwekani kei na Kalou. Mo yalovinaka tu Vua. Tarogi iko: E veidonui li oqo kei na noqu veiyalayalati? Me ivakaraitaki, au dau lomani ka qaravi ira li na tani, vakacegui ira ka gadreva tu mera vakacegui, ka duri vakai vakadinadina i Karisito—ena vanua kecega ka vaka tu kina?

E rawa ni tiko vei iko na kaukauwa mo ulabaleta na veitemaki, valavala ca, kei na veivakatovolei ni bula. Na vakayacori kei na maroroi ni veiyalayalati sa tadolava vei iko na kaukauwa ni Kalou. Ena kaukauwa oya, o rawa ni sotava na ka cavaga ena yalonuidei. Sa nomu qaqa o Jisu Karisito!

O rawa ni savai ka vosoti tu. Sa tiki ni yalayala ni Kalou vei iko ena maroroi tu ni nomu veiyalayalati ni papitaiso na kena bokoci na nomu ivalavala ca. Sa kena ibalebale ni ko sa veivutuni ka maroroya na nomu yalayala kei na Kalou, ena vosoti iko o Koya ka vukei iko mo vinaka cake.

Sa rawa ni tiko vata kei iko na Yalo Tabu ena veigauna. E dua tale na yalayala e semati ki na papitaiso kei na sakaramede oya na veitokani tudei ni Nona Yalotabu kei na nodra veiqaravi na agilosi. E sega ni dodonu mo sotava duadua na bolebole eso. Na Kalou ena sega ni vakawaleni ira na Luvena ni veiyalayalati—sa dei tu oya.

Era rawa ni tokoni iko na tamata ni veiyalayalati ni Kalou. O sa itaukei ni dua na itikotiko raraba ni tamata ni veiyalayalati ena Lotu ni iVakabula. Ni veilaveti ka veivakauqeti vakai kemuni. Ni tagi vata ka marau vata. Ni veivuketaka na nomuni dui icolacola. Na nomu matavuvale, bisopi, iliuliu, kei na lewe ni Lotu tale eso sa tiko oqo mera vukei iko, ka rawa ni o vukei ira.