Vakayaco digidigi e veivakauqeti

Ena Me iSakisaki ni iTabagone, o na raica na ivakavuvuli i Jisu Karisito kei ira na Nona parofita. Ni sa nomu idusidusi na dina eso oqo, o rawa caka digidigi e veivakauqeti era na rawa ni vakalougatataki iko oqo kei na veigauna tawamudu.

Ko sa dua na luvena lomani vakayalo na Kalou. Na Nona ituvatuva levu ni bula marau sa vakavuna tu mo tubu vakayalo ka vakatoroicaketaka na kemu yaga vakalou. Sa talai Jisu Karisito mai o Koya me nomu iVakabula.

E nuitaki iko tu na Tamamu mai Lomalagi. Sa solia vei iko o Koya na veivakalougatataki levu, oka kina na taucoko ni kosipeli kei na cakacaka tabu vakalotu kei na veiyalayalati eso e vauci iko ki Vua ka vakavurea na Nona kaukauwa ki na nomu bula. Ena veiyalayalati eso oqo sa vakuri kina na reki kei na qaraviitavi. Sa kila o Koya ni ko rawa ni vakayaco veisau e vuravura, ka sa gadrevi kina, ena vuqa na gauna, mo duatani tu e vuravura. Qara na veituberi ni Tamamu Vakalomalagi ni ko vakayaco digidigi. Ena vakalougatataki iko o Koya ena veivakauqeti ni Yalo Tabu.

O Jisu Karisito na sala ki na reki tawamudu. Ni o vakayagataka na nomu galala mo digitaka ni muri Jisu Karisito, o sa tiko e na salatu e muataki tu ki na marau tawamudu. Me sa nomu idusidusii o Jisu Karisito, nomu yavu tudei kaukauwa. Tara cake na nomu bula ena Nona ivakavuvuli, ka vakarautaka mai kina na nomu digidigi. Na veiyalayalati o vakayacora ena papitaiso, ena gauna ni sakaramede, kei na valetabu era sa ituvatuva ni nomu yavu dei vei Karisito. O na sotava tikoga na dredre kei na veitemaki, ia na vukei iko na Tamada Vakalomalagi kei na iVakabula mo ulabaleti ira taucoko.

Na inaki ni Me iSakisaki ni iTabagone e sega ni mai vaka “io” se “sega” vei iko ena digidigi kecega o rawa ni sotava. Ia, sa sureti iko tu na Turaga mo bula ena dua na ivakarau cecere ka dokai—na bula e vakanamata tu ki na dina tawamudu kei na veivakalougatataki yalataki ni Turaga. Oqo na Nona ivakarau. Na idusidusi oqo ena vakatavulici iko ena Nona ivakarau. E vakamacalataka na dina eso sa vakatakila o Koya. Me sa nomu idusidusi na dina eso oqo ni vakayaco digidigi—digidigi levu, vaka na vakayaco veiyalayalati ena valetabu kei na veiqaravi vakaulotu, vakakina na digidigi e veisiga, vaka na iwalewale ni nodra qaravi na tamata se na iwalewale ni vakayagataka na nomu gauna.

Ni rawa ni ra vukei iko eso tale, na nomu tubu vakayalo sa nomu vakatabakidua. E sa nomu itavi. Cakava na nomu vinaka taucoko mo toro cake e veisiga, muria na ivakaro ni Kalou ka doka na nomu veiyalayalati, ka vukea na tani mera toro volekata na iVakabula.

Raica na Mosaia 4:29–30 (sa tawawili rawa na iwalewale ni valavala ca, meda sa qarauni keda sara), Ilamani 5:12 (tara na nomu yavu vei Karisito); Vunau kei na Veiyalayalati 45:57 (me sa nomu idusidusi na Yalo Tabu); 25:13 (kukube matua ki na nomu veiyalayalati).