iTukutuku mai na Mataveiliutaki Taumada

Keitou sa lomani kemuni, ka nuidei tu kivei kemuni. Ko ni sa maliwai ira vakaidina na yalo digitaki ni Tamada Vakalomalagi, talai mai ki vuravura ena gauna oqo me vakayacora na ka bibi eso.

Ko ni sa kaukauwa ka gumatua sara ena ka o ni rawa ni rawata. Ni ko vakararavi vua na iVakabula, sa tubu vakalevu cake na nomu kaukauwa. Sai Koya na “isakisaki ni itabagone.”

Na idusidusi oqo ena vukei iko ni tara cake e dua na yavu tudei ni vakayaco digidigi mo tiko ga ena salatu e muataki tu ki na bula tawamudu. Ena vukea na nomu vakavakarau ni cakava na veiyalayalati tabu eso ena valetabu, vakavakarau ki na kaulotu, ka kune marau ni muri Jisu Karisito tu ena nomu bula taucoko. Sa nomu e dua na tikina bibi ena Nona Lotu. Ena vukei iko o Jisu Karisito mo vakayacora na Nona inaki kivei iko.

Keitou kila ni sa bula tiko na Kalou. Sa neitou masu ni ko na tudei tu ena salatu ni veiyalayalati—na salatu ni vakayaco kei na vakamuri ni veiyalayalati tabu kei na Kalou. Oqori na salatu e muataki lesu kivua na Tamamu mai Lomalagi. Ni vakayacori vakakina, o na dua tu na ivakaraitaki vinaka, ni wasea na kosipeli ena reki, vakasokomuni ira na luve ni Kalou, ka vakarautaka tu na vuravura ki nai Karua ni Lesumai ni iVakabula. Nanuma: sa nomu qaqa o Jisu Karisito!