Okoki kosunga na mosala ya Nzambe

Mosala mpe nkembo ya Nzambe ezali ya kokokisa bozangi kufa mpe bomoi na yo ya seko. Bozangi kufa ezali kobika mpo na libela na nzoto oyo esekwi. Bomoi ya seko, to bonetoli, ezali kokoma mingi lokola Nzambe mpe kobika elongo na Ye mpo na seko lokola mabota. Nyonso oyo ekoki kosalema mpo na Yesu Klisto mpe Bomikabi na Ye. Okoki kondimela Ye.

Okoki kosalisa na mosala ya Nzambe na koyaka epayi ya Klisto mpe kosalisa basusu basala ndenge moko. Ntango nyonso oyo osali eloko moko mpo na kosunga moto moko alanda Yesu Klisto, ozali kosunga na mosala ya Nzambe.

Bika nsango malamu. Tonga bondimi na yo kati na Yesu Klisto. Yambola mikolo nyonso. Zwa makuli ya bonganganzambe ya Nzambe mpe bomba mayokani na yo. Komisa yango ndakisa mpo na mikolo oyo etikali ya bomoi na yo.

Salisa baye bazali na bosenga. Luka banzela ya kosalela mpe kosala epayi ya basusu, kobakisa libota na yo, baninga na yo, mpe esika na yo ofandaka. Lolenge moko malamu ya kosunga bato oyo bazali na bosenga ezali ya kotosa mobeko ya kokila bilei mpe kopesa makabo ya kokila bilei.

Bengisa banso mpo na bazwa nsango malamu. Tika ete maloba mpe misala na yo elakisa bondimi na yo kati na Yesu Klisto. Zala pene ya koyebisa moto nyonso oyo azali kotuna yo maye etali elikya mpe bosepeli ozali koyoka lokola moyekoli na Ye. Mpo na bilenge mibali, kosala misio ya ntango mobimba ezali mokumba ya bonganganzambe. Mpo na bilenge basi, ezali libaku ya nguya mpenza; bondela mpo na koyeba soki Nkolo akolinga ete osalela Ye. Milengela mpo na kokabola nsango malamu na bomoi na yo mobimba.

Kosangisa mabota mpo na seko na kosalaka mambi ya libota mpe mosala ya tempelo. Yekola maye etali bankoko na yo. Yeba nani azali na mposa ya makuli ya tempelo. Kende na tempelo mbala mingi ndenge okoki mpo na kobatisama mpe kokotisama mpo na bango. Soki ozali na mposa ya lisungi, kende na FamilySearch.org.

Okazala na lisungi ya Nzambe. Tata na Lola azali te kozela yo osala mosala oyo na makoki na yo moko. Azali elongo na yo. Ntango ozali na bomikitisi nyonso kopesa ntango mpe motema na yo, Akosala makambo ya kokamwa na nzela na yo. Yesu Klisto azali makasi na yo!

Okotondisama na esengo. Mosala ya Nzambe ezali mosala ya esengo! Ntango ozali kosangana kati na yango, okoki koyoka esengo oyo Ye ayokaka. Kanisa esengo oyo okokabola elongo na Tata na Lola mpe bana na Ye oyo osungaki komema epayi na Ye!