Mwango ya Nzambe ezali mpo na yo

Tata na Lola azali mokomi (mosali) ya mwango. Azali Tata ya molimo na yo, mpe Alingi yo. Alingi kopesa yo lipamboli na Ye eleki monene—bomoi ya seko elongo na Ye. Na maloba mosusu, Alingi yo okoma mingi lokola Ye mpe ozala na bomoi ya esengo, mpe ya nkembo oyo Ye azali na yango. Azali na nguya nyonso mpe ayebi makambo nyonso. Okoki kotyela Ye motema, atako ntango bomoi ezali mpasi.

Yesu Klisto asali ete mwango ekokisama. Yambo mokili ekelama, Tata na Lola aponaki Ye mpo na azala Mobikisi na Yo. Yesu Klisto azali nse moto moko oyo akoki kozongisa yo epayi ya Tata na yo ya Lola. Yango nde ntina toponaka kolanda Ye. Makambo nyonso efandisami na liponi yango!

Libala mpe libota ezali na motuya mingi na mwango ya Nzambe. Ozali na kati ya libota ya Nzambe, mpe banso ya bana na Ye ya molimo bayaka na mabele na nzela ya mama mpe tata. Nzambe alingi ete bana na Ye ya basi mpe mibali bakende liboso elongo kino bobongi nie ya seko. Mibali mpe basi moko na moko basungaka ndenge moko na libala ya bolingo mpe bomoko. Bomoi ya libota awa na mabele—atako na mabunga na yango nyonso—ekoki komema esengo monene. Yango esalami mpo ete esunga na kolengela yo mpo na bomoi ya seko elongo na Nzambe.

Bomba makanisi ya seko. Ntango nyonso oyo ozali kokutana na masenginia, mimekano, koyokisama motema mpasi, to maponi ya mpasi, mikundola mwango ya Nzambe. Tala lolenge nini bosolo ya seko oyo oyebi na maye etali mwango na Ye ekoki kosalisa yo otala mikakatano na yo na lolenge ya kokesena.

Luka loboko ya Nzambe na bomoi na yo. Tala banzela Nzambe azali kopambola yo. Ekoki kozala eloko moko ya boboto uta na moto moko, ngonga moko ya kimia, to eyano moko na libondeli.

Pona kolanda mwango ya Nzambe. Yekola maye etali makambo Tata na yo ya Lola alingi ete yo osala. Luka litambwisi na Ye ntango ozali koyekola makomi, maloba ya baprofeta ya bomoi, libota esakweli, mpe lipamboli na yo ya batata. Yango ekosunga yo omilengela mpo na kosalela Nkolo, lokola misionele mpe na bomoi na yo mobimba. Sala ete mosala epayi ya Nkolo, libala ya seko, mpe kokolisa bana ezala na esika ya liboso. Sala nyonso oyo okoki mpo na kozala na libota ya esengo sikawa na kolandaka mateya ya Yesu Klisto.

Okoki kobunda na mimekano ya bomoi na mpiko mpe elikya kati na Klisto. Mpo ete oyebi maye etali mwango ya seko ya Nzambe, ozali na esalelo moko ya motuya oyo ekoki kosunga yo na ntango ya mpasi. Oyebi ete bomoi ezali na makambo mingi koleka oyo esalemaka kati ya mbotama mpe liwa. Oyebi oyo ozali ya solo, nini ntina na yo ezali, mpe nani yo okoki kokoma na lisalisi ya Mobikisi. Yesu Klisto azali makasi na yo!

Okoki kozwa bomoi ya seko ntango ozali kolanda Yesu Klisto. Ye akopesa yo nguya ya kokoma mingi lokola Ye, kozonga epayi ya baboti na yo ya lola, mpe kobika kati na esengo elongo na baye olingaka mpo na libela. Tyela Yesu Klisto motema.