ຂ່າວສານຈາກຝ່າຍປະທານສູງສຸດ
ບັນດານ້ອງນຸ່ງຊາວໜຸ່ມທີ່ຮັກແພງຂອງພວກເຮົາ,
ພວກເຮົາຮັກເຈົ້າ, ແລະ ພວກເຮົາເຊື່ອໝັ້ນໃນຕົວເຈົ້າ. ເຈົ້າຄືໜຶ່ງໃນບັນດາວິນຍານທີ່ພຣະບິດາເທິງສະຫວັນໄດ້ເລືອກໄວ້ຢ່າງແທ້ຈິງ, ທີ່ຖືກສົ່ງລົງມາເທິງແຜ່ນດິນໂລກໃນເວລານີ້ເພື່ອເຮັດສິ່ງສຳຄັນ.
ເຈົ້າເຂັ້ມແຂງ ແລະ ມີຄວາມສາມາດຫລາຍກວ່າທີ່ເຈົ້າຄິດ. ແລະ ເມື່ອເຈົ້າເພິ່ງອາໄສພຣະຜູ້ຊ່ວຍໃຫ້ລອດ, ຄວາມເຂັ້ມແຂງຂອງເຈົ້າກໍຈະຍິ່ງເພີ່ມຫລາຍຂຶ້ນ. ພຣະອົງຄື “ຄວາມເຂັ້ມແຂງຂອງຊາວໜຸ່ມ.”
ຄູ່ມືນີ້ຈະຊ່ວຍເຈົ້າໃນການສ້າງຮາກຖານທີ່ໝັ້ນຄົງໃນການເລືອກທີ່ຈະຢູ່ໃນເສັ້ນທາງທີ່ຈະນຳພາໄປສູ່ຊີວິດນິລັນດອນ. ມັນຈະຊ່ວຍເຈົ້າກຽມພ້ອມທີ່ຈະເຮັດພັນທະສັນຍາອັນສັກສິດໃນພຣະວິຫານ, ກຽມພ້ອມທີ່ຈະຮັບໃຊ້ວຽກງານເຜີຍແຜ່, ແລະ ພົບຄວາມສຸກໃນການຕິດຕາມພຣະເຢຊູຄຣິດຕະຫລອດຊີວິດຂອງເຈົ້າ. ເຈົ້າມີຕຳແໜ່ງທີ່ສຳຄັນໃນສາດສະໜາຈັກຂອງພຣະອົງ. ພຣະເຢຊູຄຣິດຈະຊ່ວຍເຈົ້າໃນການເຮັດໃຫ້ພຣະປະສົງຂອງພຣະອົງເກີດສຳເລັດຜົນເພື່ອເຈົ້າ.
ພວກເຮົາຮູ້ວ່າພຣະເຈົ້າຊົງພຣະຊົນ. ພວກເຮົາອະທິຖານວ່າເຈົ້າຈະຍຶດໝັ້ນຢູ່ໃນເສັ້ນທາງແຫ່ງພັນທະສັນຍາ—ເສັ້ນທາງໃນການເຮັດ ແລະ ການຮັກສາພັນທະສັນຍາທີ່ສັກສິດກັບພຣະເຈົ້າ. ນັ້ນຄືເສັ້ນທາງທີ່ນຳພາກັບຄືນໄປຫາພຣະບິດາຜູ້ສະຖິດຢູ່ໃນສະຫວັນຂອງເຈົ້າ. ເມື່ອເຈົ້າເຮັດເຊັ່ນນັ້ນ, ເຈົ້າຈະເປັນອິດທິພົນທີ່ດີ, ແບ່ງປັນພຣະກິດຕິຄຸນດ້ວຍຄວາມຊື່ນຊົມຍິນດີ, ເຕົ້າໂຮມລູກໆຂອງພຣະເຈົ້າ, ແລະ ກຽມໂລກໃຫ້ພ້ອມສຳລັບການສະເດັດມາຄັ້ງທີສອງຂອງພຣະຜູ້ຊ່ວຍໃຫ້ລອດ. ຈົ່ງຈື່ຈຳໄວ້ວ່າ: ພຣະເຢຊູຄຣິດຄືຄວາມເຂັ້ມແຂງຂອງເຈົ້າ!
ຝ່າຍປະທານສູງສຸດ