Poraus seni ewe Aewin Presetensi

Aua tongei kemi, me a wor am apinukunuk non ami. Ami ennetin me nein noun Samach won Nang ngun mi kefinita, oua titito fonufan atun ei fansoun ne fori auchean mettoch.

Ami mi pochokun me taweoch nap seni oua apareni. Me nupwen oua anongonong won ewe Chon Amanau, ami pochokun a pwan watteno. I ewe “pochokunen sarafo.”

Ei emwen epwe anisi kemi ne aueta eu pochokunen nongonongun fori ekkewe finata ami oupwe nom won ewe aan mi wenengeni manau esemuch. Epwe anisi kemi ne amoneta ami oupwe fori pwon mi pin non ewe tempel, amoneta ngeni angangen misin, me kutta pwapwa non ami tapweno mwirin Jises Kraist non unusen manauemi. Mi wor neniemi mi auchea me non An Mwichefen. Jises Kraist epwe anisi kemi ne apwonueta An kewe popun fan itemi.

Am mi sinei Kot mi manau. Ina am iotek pwe oupwe nom pochokun won ewe anen pwon—ewe anen fori me apwonueta pwon mi pin ren Kot. Ina ewe aan mi emweni kemi sefan ngeni Sememi won Nang. Nupwen oua fori, oupwe eu pochokunen mettoch mi och, afanafana ewe kapas allim non pwapwa, ionfengeni noun Kot semirit, me amonnata ewe fonufan ngeni ewe Oruwen Wareto an ewe Chon Amanau. Chechemeni: Jises Kraist I ami pochokun!