Jane Manning ferðast til Nauvoo

Jane Manning og fjölskylda hennar bjuggu á stað þar sem sumum líkaði illa við þau og komu illa fram við þau vegna hörundslitar þeirra. Dag einn heyrði Jane trúboða kenna. Hún vissi að boðskapur hans væri sannur. Næsta sunnudag lét hún skírast.

Heilagir, 1:500–501

Fjölskylda Jane gekk líka í kirkjuna. Drottinn vildi að hinir heilögu söfnuðust saman í Nauvoo. Jane elskaði Drottin. Hún og fjölskylda hennar vildu vera með hinum heilögu. Þau hófu því ferð sína til Nauvoo.

Kenning og sáttmálar 124:25; Heilagir, 1:501

Fólkið þurfti að ferðast með bát að hluta í ferðinni. Flestir í bátnum gátu greitt fyrir ferðina í lok ferðarinnar. En einhverjir menn sögðu fjölskyldu Jane að þau yrðu að borga fyrirfram. Þau áttu ekki næga peninga. Mennirnir neyddu þau þá til að fara frá borði bátsins og hann sigldi án þeirra.

Heilagir, 1:501

Fjölskylda Jane þurfti samt að ferðast 1.300 kílómetra. Þau urðu að fara yfir djúpa brúarlausa á. Þau urðu að sofa úti. Oft var mjög kalt í veðri. Fjölskylda Jane var þó staðráðin í að komast til Nauvoo. Þau hughreystu hvert annað með því að syngja á göngu sinni.

Heilagir, 1:501, 505–6

Jane og fjölskylda hennar gengu og gengu, þar til skórnir þeirra urðu útslitnir og fætur þeirra urðu sárir. Þegar þau þó báðu til Guðs um hjálp, læknaði hann fætur þeirra.

Heilagir, 1:505

Þau hjálpuðu fólkinu sem þau mættu á ferð sinni. Þau hjálpuðu jafnvel við að lækna veikt barn vegna trúar þeirra.

Heilagir, 1:505–6

Að lokum komust Jane og fjölskylda hennar til Nauvoo! Þau voru þreytt og vantaði stað til að dvelja á. Þau fóru því heim til Emmu og Josephs. Þegar Joseph heyrði allt sem þau höfðu gengið í gegnum, sagði hann við Jane: „Guð blessi ykkur. Þið eruð núna meðal vina.“ Joseph og Emma buðu Jane að búa hjá sér.

Heilagir, 1:506