Trúboð Parleys til Kanada

Skömmu eftir vígslu Kirtland-musterisins, fóru margir leiðtogar kirkjunnar í trúboð til að boða fagnaðarerindið.

Kenning og sáttmálar 88:81; 109:22–23; 112:28–29; Heilagir, 1:249

Parley Pratt hafði unun af því að miðla fagnaðarerindinu. Honum fannst samt að hann ætti að vera heima, því eiginkona hans, Thankful að nafni, var veik. Þau áttu heldur ekki mikla peninga.

Heilagir, 1:249

Heber Kimball, vinur Parleys og einn af postulunum, kom í heimsókn. Hann veitti Parley blessun og sagði að hann ætti að boða fagnaðarerindið í Kanada. Í blessuninni lofaði Heber því að Thankful myndi batna. Hann lofaði að hún myndi eignast son og Drottinn myndi hjálpa Parley með peningana sem hann þyrfti.

Heilagir, 1:249–50

Thankful og Parley höfðu verið gift í tíu ár. Þau áttu engin börn. Þau trúðu þó á loforð Drottins. Þótt erfitt væri að vera svo fjarri Thankful í Kanada, fór Parley til að miðla fagnaðarerindinu.

Heilagir, 1:250

Í Kanada leitaði Parley að stöðum þar sem hann gæti kennt fólki. Hann spurði hvort hann gæti kennt í kirkjunum og öðrum byggingum. Allir neituðu því.

Heilagir, 1:252–53

Þá hitti Parley John og Leonoru Taylor. Þau elskuðu Jesú Krist og Biblíuna. John spurði Parley hvort það sem hann kenndi væri frábrugðið Biblíunni.

Heilagir, 1:252–53

Parley sagðist hafa kennt um Jesú, spámenn, skírn og heilagan anda. Allt þetta væri í Biblíunni. John spurði: „Hvað með Joseph Smith og Mormónsbók?“ Parley sagði John að hann vissi að Mormónsbók væri sönn, alveg eins og Biblían, og að Joseph Smith væri spámaður Guðs.

Heilagir, 1:253

John trúði því sem Parley sagði. Hann las Mormónsbók og vissi að hún var sönn. John og Leonora buðu vinum sínum, Joseph, Mercy og Mary Fielding og fleirum, að koma og hlýða á kennslu Parleys. Margir létu skírast og gengu í kirkjuna.

Heilagir, 1:254–55

Parley var ánægður, en hann vildi fara heim til Thankful í Kirtland. Hann kvaddi nýju vinina sína í Kanada. Þegar hann kvaddi þau með handabandi, létu þau hann fá peninga til að hjálpa honum að sjá fyrir fjölskyldu sinni.

Heilagir, 1:255–56

Þegar Parley kom heim, komst hann að því að Thankful leið mikið betur. Parley náði í fleiri eintök af Mormónsbók og fór aftur til Kanada til að halda áfram að miðla fagnaðarerindinu. Í þetta sinn fór Thankful með honum.

Heilagir, 1:256

Fljótlega komust Thankful og Parley að því að þau myndu eignast barn. Þau mundu eftir blessuninni sem Heber hafði veitt Parley. Þeim fannst sem allt sem Drottinn hafði lofað í þeirri blessun væri að uppfyllast.

Heilagir, 1:256