„Hin dýrmæta perla,“ Sögur úr Kenningu og sáttmálum (2024)
„Hin dýrmæta perla,“ Sögur úr Kenningu og sáttmálum
Júlí 1835–mars 1842
Hin dýrmæta perla
Fleiri ritningar frá Drottni
Dag einn kom maður til Kirtland með múmíur frá Egyptalandi. Með múmíunum voru nokkrar bókrollur eða mjög gamlar pappírsrúllur. Á bókrollurnar var ritað egypskt letur. Maðurinn sýndi þær spámanninum Joseph Smith. Joseph hafði mikinn áhuga á handritinu.
Heilagir, 1:219–20
Nokkrir vinir hjálpuðu Joseph að kaupa múmíurnar og bókrollurnar. Er Joseph lærði ritmálið, opinberaði Drottinn honum forn rit frá spámanninum Abraham í Biblíunni. Með hjálp vina eins og Olivers Cowdery, ritaði Joseph það sem Drottinn kenndi honum um kenningar Abrahams.
Heilagir, 1:220
Abraham hafði í sýn séð líf okkar með himneskum föður áður en við fæddumst. Hann sá að Jesús var útvalinn til að verða frelsari okkar. Abraham lærði einnig um sköpun heimsins. Hinir heilögu voru spenntir yfir að fá þessar kenningar frá Abraham. Þeir glöddust yfir því að Drottinn vildi kenna þeim meira.
Abraham 2:6–11; 3–5; Heilagir, 1:220
Ritverk Abrahams varð hluti af ritningarbók sem nefnd var Hin dýrmæta perla. Í þeirri bók er einnig ritverk frá Móse, öðrum spámanni í Biblíunni. Hún kennir sannleika sem vantar í Biblíuna. Drottinn vildi að fólk þekkti þennan sannleika, svo hann miðlaði honum Joseph Smith.
Hin dýrmæta perla hefur líka að geyma vitnisburð Josephs Smith og Trúaratriðin þrettán. Joseph Smith skrifaði þetta til að segja heiminum frá því hverju Síðari daga heilagir trúa. Hin dýrmæta perla er lítil bók, líkt og lítil perla, en afar dýrmæt.