Mensahe sa Unang Kapangulohan alang sa Pasko sa Pagkabanhaw

The Ascension of Jesus [Ang Pagkayab ni Jesus], ni Harry Anderson

Samtang si Maria Magdalena ug ang iyang mga kauban nagbangotan nga nagpadulong sa Tanaman nga Lubnganan, duha ka anghel ang mipakita ngadto nila ug mipakigbahin og kusganong panawagan sa tanang Kristiyanismo:

“Nganong gipangita man ninyo ang buhi diha sa mga patay?

“Wala na siya dinhi! Nabanhaw siya” (Lucas 24:5–6).

Niining panahon sa Pasko sa Pagkabanhaw kita usab malipayong mopamatuod niining sama nga mahangtorong kamatuoran—si Jesukristo nabanhaw. Buhi Siya! Ang Manluluwas sa kalibotan gilansang sa krus ug, sa ikatulo ka adlaw, nabanhaw gikan sa mga patay, “ang nahaunang gibanhaw gikan sa mga patay” (1 Mga Taga-Corinto 15:20). Ang Iyang Pagkabanhaw nagtugot sa tanan nga mabanhaw, ug pinaagi sa Iyang grasya, kita makakaplag og kalinaw “nga dili matugkad sa tawo” (Mga Taga-Filipos 4:7) ug “[ma]hingpit diha kaniya” (Moroni 10:32).

Kami modapit sa matag usa kaninyo atol niining panahon sa Pasko sa Pagkabanhaw sa “pagpangita niining Jesus nga gisulat sa mga propeta ug apostoles” (Ether 12:41). Kon kamo mohimo sa ingon, kami mopamatuod nga ang inyong pagsaulog sa Pasko sa Pagkabanhaw makapalig-on sa inyong kaugalingong pagtuo ug pagpamatuod nga “nabuntog kamatayon; katawhan gawasnon. Kristo ang madaugon” (“Siya Nabanhaw!,” Mga Himno, nu. 118).

Ang Unang Kapangulohan