“Utambulisho wa Kiungu: Ukweli wa Injili Ambao Ulibadilisha Maisha Yangu,” Liahona, Machi 2026.
Kutoka VW Kila Wiki
Utambulisho wa Kiungu: Ukweli wa Injili Ambao Ulibadilisha Maisha Yangu
Mungu anakujua kikamilifu na anajua kilicho bora kwako.
Nilikuwa nikisali kwa kukata tamaa ili kuelewa hali yangu. Wito wangu wa misheni ulikuwa umekuja baada ya ucheleweshaji mkubwa, na nilikuwa nimedhalilishwa: Misheni ya Alpine‑inayozungumza Kijerumani.
Nyumbani kwangu.
Nini?
Sikutaka kuhudumu nyumbani! Nilitarajia kwenda kwingineko kama marafiki zangu wengi. Habari hii ilinifanya nihisi kama Baba wa Mbinguni hakuniona mimi kama mwenye uwezo wa kumtumikia Yeye.
Lakini niliposema sala hii ya kukata tamaa, nikimwomba Yeye kama alinijali na kama wito huu wa misheni ulikuwa kosa, nilihisi mzigo wa kimwili ukiinuliwa mabegani mwangu. Nilihisi Roho akinihakikishia kwamba Mungu ananijua kikamilifu na anajua kilicho bora kwangu.
Katika wakati huo, Roho alinithibitishia kwamba mimi ni mtoto wa Mungu.
Hiyo ilikuwa mojawapo ya mara ya kwanza nilihisi hasa nguvu ya utambulisho wangu wa kiungu.
Ukweli Muhimu Zaidi
Ukweli unaobadili maisha wa injili ya Yesu Kristo ni kwamba sisi ni watoto wa wazazi wa mbinguni.
Mzee Patrick Kearon wa Akidi ya Mitume Kumi na Wawili alifundisha kuhusu “zawadi inayojumuisha yote ya ukweli wa milele ambayo inatoa uwezo wetu wa kupokea mengine yote ambayo Baba yetu anatamani kutupatia—zawadi muhimu ya maarifa ambayo ikikubaliwa kwa ukamilifu na kupokelewa kwa kina ndani ya nafsi, inaweka mazingira ya shangwe na magumu ya maisha, na maswali yetu yasiyojibiwa: ni kwamba Sisi hakika ni watoto wa Mungu.”
Tangu tukio lile la wito wangu wa misheni, nimehisi ukweli wa maneno hayo. Sijawahi kusahau jinsi nilivyohakikishiwa tena na kuwezeshwa nilipogundua kwamba Mungu ananijua na ananipenda.
Kufokasi kwenye Utambulisho Wangu
Licha ya ukweli huu, ulimwengu ulionizunguka unafanya kidogo sana kunikumbusha mizizi yangu ya kiungu. Nimegundua lazima niwe na makusudi kuhusu kukumbuka utambulisho wangu wa kiungu na nguvu inayokuja.
Kwangu mimi, hii inajumuisha mambo kama kutafakari muujiza wa mwili wangu na nini kinaniruhusu mimi kufanya na uzoefu wa kila siku.
Pia ninahisi kuunganishwa na Muumba wangu ninapokuwa katika utulivu wa mazingira ya asili. Kuona uzuri wa milima au machweo ya jua hunikumbusha kwamba Mungu hakupaswa kuipamba dunia. Lakini Yeye na Yesu Kristo walifanya hivyo kwa ajili yetu kwa sababu Wanataka tufurahie maajabu ya ulimwengu huu na kukumbushwa upendo Wao (ona Musa 6:63).
Na kusali kwa Baba wa Mbinguni kila siku—kumjulisha jinsi ninavyohisi na kutambua kwamba Yeye anataka kusikiliza na kuzungumza nami—hunisaidia kuongeza kwa kina muunganiko wangu wa kiungu pamoja Naye. Maombi yananikumbusha kwamba siko peke yangu na kwamba Ananiongoza, hata kama kile ninachotaka hakitokei sasa. Ninaamini kwamba Yeye, Baba mwenye upendo, anajua wakati muafaka kwa baraka fulani kuja katika maisha yangu.
Zawadi ya Maisha ya Duniani
Misheni yangu haikuwa kile nilichotarajia kingekuwa, lakini nilikuwa na uzoefu ambao ulinisaidia kuona kwa nini Baba wa Mbinguni alinitaka niwe katika eneo langu la nyumbani. Kushiriki ukweli wa utambulisho wa kiungu na wale ambao hawakuwahi kuujua kabla ya kulinijaza furaha.
Siwezi kufikiria maisha bila kujua mimi ni nani hasa—ningejihisi mtupu na niliyepotea.
Ninapofikiria madhumuni ya maisha yangu, inanipa tumaini kubwa kujua kwamba maisha ya duniani ni sehemu ndogo tu ya mpango wa Baba wa Mbinguni kwa ajili yangu. Ninapata kufanya, kujifunza, na kuwa zaidi ya nilivyo sasa kwa sababu ya zawadi takatifu ya maisha aliyonipa mimi kama mtoto Wake. Nina shukrani kwamba alimtoa Mwanawe mpendwa kama Mwokozi wangu na kwamba Yeye aliniacha nichague kuingia katika maisha ya duniani ili niwe kama Yeye na kurudi nyumbani.
Cho chote ulimwengu unachokitupa kwako , natumaini daima unakumbuka wewe ni nani hasa. Ukweli huo utakupa uwezo wa kukabiliana na cho chote ambacho kinachokuja katika njia yako.
Kama vile Mungu alivyonisikia katika wakati wangu wa kukata tamaa, ninajua daima anasikia na anakupenda wewe pia.
Mwandishi anaishi Liestal, Uswisi.