Te Rongorongo ae Kakukurei

kamataata n te tamnei iroun Briana Kranz

Ngkai kain rarikira, ngai ma Maritza ti kaitibo ngke ti uarereke. E ngae ngke e ikawai riki tabeua te ririki iaou, ti a riki bwa rao ao ti a rangi ni kinaira.

Ngke ai 19 au ririki riki ao n rang kainnanoa te kairaki, e kairai raoraou nakon ana euangkerio Iesu Kristo ae kaokaki irouia mitinare aika a bwanin aia tai Iai teutana ataakin Ana Ekaretia Iesu Kristo ibukiia Aika Itiaki ni Boong aika Kaitira mairoun ai tamau ao tibu te unnaine. Bon kain te Ekaretia aika bwaeoniia n au utu.

Bon raou Maritza inanon rairakiu, e buokai ni karikirakea au koaua iroun te Tia Kamaiu ao Ana euangkerio, ao e taua baiu ni kairai ni katoa tai are I kainnanoia iai.

I reiakinna mai irouna kakukurein maiuakinan te euangkerio n ae beebete ao te nanomwaaka. I mataiakina arona ni bobo ma aomata, arona ni katiteuanaia utu ao rao, ao nanomatoana ni kakoroan nanon kouru n te maiu n rabwata ao n tamnei. I reiakinna mairouna bwa ngkana ti kunea te koaua, ti riai ni karaoa nanona, kawakin tuua ao ni karaoi nanon reirein te euangkerio inanon maiura ao ara utu. N tiku ni kakaonimaki, ti riai ni bwaina te ninikoria inanon ara koaua ao ni kataia n taua ara onimaki, n aki tabe ma te kakaitara.

N 2010, e mate Maritza n te kabuanibwai n te kaa. Bon te tai ae kananokawaki irou, ma I ataia bwa te babaire ni kamaiu ao ana mwakuri ni kamaiu Iesu Kristo, N na manga nooria riki. I ataia bwa e reitinako ma anuana ni kukurei ao te nanomwaaka n te tabo are e mena iai ngkai are bon anuana ngke e mena iaon te aba.

I ataia bwa aio “ te tai n tarataraaki;” (Aramwa 12:24) e aki bane ikekei. I ataia bwa tina manga nooriia ara utu ao raraora n iteran te rabuna are teuana. Tina manga noriia, kamauriia, ao ni manga ikotaki riki. Tina manga karekea te namakin n tangira are mai imwaina imarenara iaon te aba (taraa Reirei ao Berita aika Tabu 130:2). Kain au utu a mena ikekei. I ataia bwa Maritza e mena naba ikekei.

E kukurei Maritza n taetae ma aomata nako taekan te euangkerio ikai iaon te aba. I kakoaua bwa e bon karaoa naba anne n te aonaaba n tamnei (taraa Reirei ao Berita aika Tabu 138:57). E angareirei taekan Ana Mwakuri ni Kamaiu te Tia Kamaiu ae akea tokina ma te rongorongo ae kakukurei ibukina bwa iai Ngaia ao rinanon otenanti n te tembora, ti kona n okiria ao Tamana ni maeka bwa utu n akea tokina.