“Maata n Noora te Raoiroi,” Riaona, Maati 2026.
Bwanaaia Aika Itiaki ni Boong aika Kaitira
Maata n Noora te Raoiroi
Ngke e a moanna ni keerikaaki ana taratara kainnabau, ti rairaki nakon Ana Mwakuri ni Kamaiu Iesu Kristo ibukin te kabebeteaki.
kamataata n te tamnei iroun Briana Kranz
Inanon Tianuare 2025, kainnabau, Kayla, e a moanna n rootaki ana taratara. E teimatoa n reke irouna te maraki n atu ao te maraki ni matana are te maing. E aki bati n nooraba, ao e a moanna n raraoma.
Ngke e nakon taokitan te mata [optometrist], e kunea bwa matana are te maing e a korakora ana kangaanga. E kanakoira nakon te ophthalmologist bwa e na tuoa te glaucoma. Matan Kayla e a rangi kakaiaki. Ti tareboniia tabeman taokita, ma angiin aobiti a in ibukin te motirawa. Ti te bwai ae ti kona ni karaoia bon te tataninga.
Te raraoma e a rikirake ni korakora n ara iango. Ti rairaki nakon Tamara re i Karawa n tataro ibukin buokara, ni bubuti bwa a na nakoraoi bwaai ni kabane ni kaineti ma Ana babaire. Ti ingainga ibukin te boutoka, ao ti namakina Ana tangira. Ti ataia bwa a na bane n nakoraoi bwaai ni kabane.
N tokina, ti a karekea ara tai ae ti aua te bong ma te tibetioriti are e korakora rinanin ana aomata n tataninga inanon namwakaina aika bati. Taokitan te mata e kunea bwa te korakora are ni matan Kayla e a keerikaaki. E korei ara bwainaoraki tabeua ni bwain katimwakin te mata, ao tia waakinako iaon kawaira.
Akea te bitaki n riki nakon matan kainnabau, ma ti a noori bwaai aika raoiroi man rairakira nakon Ana mwakuri ni kamaiu Iesu Kristo. Te Tia Kamaiu e buokiira bwa tina nakoraoi ao ni kimwareirei e ngae ngke iai kataakira. Ti ataia bwa E kona ni kamarurungiira n oin Ana tai ao n oin Ana kawai.
Iesu Kristo e aki tii kabooi ara bure—E korakai naba ibukin ni kabane “marakira ao te karawawataaki … n aekaia nako; … bwa e na on nanoia n te nanoanga, ni kaineti ma te maiu n rabwata, bwa e na ataia ni kaineti ma te maiu n rabwata bwa e na kanga ni buokiia ana aomata ni kaineti ma mamaaraia.” (Aramwa 7:11–12).
Ti namakina karauan nanora ibukina bwa ti ataia bwa Iesu Kristo e atai nanokawakira. Ibukina bwa ti katikui rawawatara Irouna, ti kunea “karauan nano [ra]” (taraa Mataio 11:28–30).
Beretitenti ni Kabuta n te Bootaki n Aine, Camille N. Johnson, e reirei:
“E kona n kabebetea uotara Iesu Kristo.
“E kona n tabekii nako rawawatara Iesu Kristo. …