Pōpoaki Toetuʻu ʻa e Kau Palesitenisī ʻUluakí

Ko e Hāʻele Hake ʻa Sīsuú, tā fakatātaaʻi ʻe Harry Anderson

ʻI he fakaofi loto-mamahi atu ʻa Mele Makitaline mo hono kau fonongá ki he Fonualoto ʻi he Ngoué, naʻe hā ha ongo ʻāngelo kiate kinautolu ʻo fakahā ange ʻa e pōpoaki mahino ʻa e tui faka-Kalisitiané kotoa:

“Ko e hā ʻoku mou kumi ai ʻa e moʻuí ʻi he potu ʻo e maté?

ʻOku ʻikai ʻi heni ia, ka kuo tuʻu hake” (Luke 24:5–6).

ʻOku tau fakamoʻoni fiefia foki ʻi he faʻahitaʻu Toetuʻu ko ʻení ki he moʻoni taʻengata tatau ko ʻení—Kuo toe tuʻu ʻa Sīsū Kalaisi. ʻOkú Ne moʻui! Naʻe tutuki ʻa e Fakamoʻui ʻo e māmaní pea, ʻi he ʻaho hono tolú, naʻe toe tuʻu mei he maté, “ko e ʻuluaki fua ʻo kinautolu naʻe mohé” (1 Kolinitō 15:20). ʻOku fakaʻatā ʻe Heʻene Toetuʻú ke toetuʻu ʻa e tokotaha kotoa pē, pea ʻi Heʻene ʻaloʻofá, te tau lava ai ʻo maʻu ha melino “ʻa ia ʻoku lahi hake ʻaupito ʻi he faʻa-ʻiloa kotoa” (Filipai 4:7) pea “hoko ʻo haohaoa ʻiate ia” (Molonai 10:32).

ʻOku mau fakaafeʻi kimoutolu takitaha ʻi he lolotonga ʻo e faʻahitaʻu Toetuʻú ni ke mou “fekumi ki he Sīsū ko ia ʻa ia kuo tohi ki ai ʻa e kau palōfitá mo e kau ʻaposetoló” (ʻEta 12:41). ʻI hoʻomou fai iá, ʻoku mau fakamoʻoni atu ʻe lava ʻe hoʻomou fakamanatua ʻa e Toetuʻú ʻo fakamālohia hoʻomou tui mo e fakamoʻoni kuo “ikunaʻi ʻa e maté; ʻoku tauʻatāina ʻa e tangatá. Kuo ikuna ʻa Kalaisi” (“Kuo Toetuʻu!,” Ngaahi Himi, fika 108).

Ko e Kau Palesiteni ʻUluakí