Ua Tuufaatasia e le Aso Faamanatu o Musika a le Autalavou le Silia i le 3,000 Tagata

O le Aso Toonai 16 o Aukuso i le paka i tafatafa o le sami i le taulaga o Papeete, e silia ma le 3,000 tagata na omai faatasi mo se koneseti ma se eseesega.

O le “Aso Faamanatu o Autalavou a Ekalesia Eseese” o Falani Polenisia 2025 na musuia ai tagata faafiafia ma tagata maimoa mai ekalesia Kerisiano eseese. Sa lagiina e le autalavou pese mai le Ekalesia a Iesu Keriso “Taumafai e Avea Ai” ae faapea foi pese mai isi ekalesia Kerisiano.

O le aso faamanatu sa tuufaatasia ai autalavou mai ekalesia eseese e fa: Ekalesia Katoliko, Ekalesia Porotesano Ma‘ohi, Le Ekalesia a Iesu Keriso o le Au Paia o Aso e Gata Ai, ma le Nuu o Keriso.

Na fatuina ai se avanoa maoae mo le autalavou e molimau lautele atu ai e faapea o le faatuatua ia Iesu Keriso o loo ola ma o Ia o le puna o le faamoemoe mo tagata talavou.

Na faaalia e le autalavou lagona o le loto faafetai, saolotoga, ma le mitamitaga i le faaalia lauaitele o lo latou faatuatua. E toatele na maua tagata talitonu i o latou siosiomaga i aoga, ma aveesea ai le faaesea faaleagaga.

O gaoioiga na faamalosiauina ai i latou e tautatala, tatalo, molimau, ma pepese faatasi—ma fatuina ai faigauo fou ma faamalolosia ai a latou tautinoga faaKerisiano.

O Tehea, mai le Nuu o Keriso, sa faapea mai, “I le taimi muamua, ou te lei manao moni e auai. Sa ou manatu o le a faigata ona pepese faatasi ma tagata talavou mai isi tapuaiga. Peitai ane, na suia mea uma i le taimi o faataitaiga. Sa faasolo ona iloa o le tasi ma le isi, talie faatasi, ma faasoa o matou faatuatuaga. E oo mai i le afiafi o le aso faamanatu, ua o matou faatasia, ma sa matua ou fiafia moni lava. Sa ou iloaina e le toatele a matou ekalesia, ae e tasi le autalavou ua tuufaatasia e vivii i le Alii.”

O Kainuku, mai Le Ekalesia a Iesu Keriso o le Au Paia o Aso e Gata Ai, na faapea mai, “Sa ou matua fiafia moni lava i le lua masina ua mavae. E ui lava matou te omai i tapuaiga eseese, e lei taofia i matou mai lena mea i le tuufaatasi o lo matou alofa mo le Atua e ala i musika. E ui lava i le atuatuvale, vaivai, ma e oo lava i ma‘i, sa matou tutumau pea e oo i le iuga. Sa faia e tagata taitoatasi le mea sili mo le Alii. O lenei aafiaga na faaalia ai ia te a‘u, pe a tatou pepese mo le Atua, o le a mou atu o tatou eseesega, ma o le a faamalosia atili lo tatou faatuatua.”

O le Aso Faamanatu a le Autalavou o Ekalesia Eseese sa o se faamanuiaga ofoofogia na musuia ai tagata talavou, faamalolosia o latou faatuatua, ma fatuina ai ala laupapa o e malamalama ma faauooga.