“O Lau Uo Sau, Mulimuli Mai ia te A’u,” Liahona, Ian. 2026.

O Lau Uo Sau, Mulimuli Mai ia te A’u

Saunia e Ted Barnes

Atinae o Mataupu Aoaoina a le Ekalesia

O le punaoa o le tausaga lenei ua faaopoopo ai faatufugaga fou ma malamalamaaga faatupu manatu mo lau suesuega o le Feagaiga Tuai.

atatusi o se tagata ua sii ae i luga i maea

Mata e le manaia pe afai, a o faitauina au tusitusiga paia, e i ai lava sau uo o loo nofo i ou autafa, ma faamalosiau atu ia te oe? Atonu o se tasi e fiafia i tusitusiga paia ma e fiafia tele o loo e faitauina, e tau le mafai ona taofia o ia lava. E i ai taimi e fai mai ai e lau uo ni upu faapenei, “Pe le ofoofogia ea lena vaega?” “O le a sou manatu i na fuaiupu?” “Oi, aue, e pei lava o o tatou olaga, a ea?” Afai e i ai se taimi e te le malamalama pe le mautonu ai i se fuaitau faigata, atonu e fai atu lau uo se tala faapea, “Ia, o se tasi lenei o auala e mafai na e tilotilo i ai. E fesoasoani lena mea?” —e ui o le a faaeteete o ia ia aua nei faaalia ni vaega manaia e lei oo i ai lau faitau . O le mea moni, o ia o se uo.

O le Sau, Mulimuli Mai ia te A’u e pei lava o lena uo. O lona faamoemoega o le fesoasoani lea ia te oe ia maua se aafiaga ofoofogia i le faitauina o tusitusiga paia. E mafai ona faasino atu oe i fuaitau o le a fesoasoani e fausia ai lou faatuatua i le Tama Faalelagi ma Iesu Keriso—ona mafai lea ona fesoasoani ia te oe e faafesootai na fuaitau i mea o loo tutupu i lou olaga. E mafai ona fesoasoani pe a i ai ni au fesili, ae o le tele lava, o le Sau Mulimuli Mai ia te A’u o le a fesili atu ai ia te oe i ni fesili nai lo le tali atu i ai—aua o se uo lelei lava o le a le faoa lou fiafia i le iloaina o upumoni faaleagaga mo oe lava ia.

E mafai e le Sau, Mulimuli Mai ia te A’u ona faia nei mea uma peiseai o se uo i soo se taimi e te faitauina ai tusitusiga paia. Ioe, e oo lava i lou faitauina o le Feagaiga Tuai i lenei tausaga.

E faaopoopo atu i fesili faatupu manatu ma manatu mo gaoioiga, o le a e maua isi vaega aoga i le Sau, Mulimuli Mai ia te A’u. O ni nai auala nei:

Vaaiga Aoao o le Feagaiga Tuai

I le latalata i le amataga o le Sau, Mulimuli Mai ia te A’uo le 2026, o le a e maua ai se vaaiga aoao o le Feagaiga Tuai. E pei o se faasologa o taimi e aofia ai suafa o perofeta, tupu, ma isi tagata autu. E aoga lea aua o tusi i le Feagaiga Tuai e le o i ai i se faatulagaga o se faagasologa o le taimi. O le vaaiga aoao e mafai ona faaali atu ia te oe, mo se faataitaiga, le vaega e fetaui lelei ai tusitusiga a perofeta e pei o Isaia ma Ieremia i le talafaasolopito o le Malo o Iuta. E mafai ona e vaai po o fea e fetaui ai tala ia Tanielu ma Eseta i le ata lautele o le Feagaiga Tuai. Afai e i ai se taimi e te lagona ai le leiloa i le Feagaiga Tuai, susue i le “Vaaiga Aoao o le Feagaiga Tuai” ina ia toe manino lelei ai.

Galuega Faatufugaga Fou

E sefululua atavali fou na faatonuina mo le Sau, Mulimuli Mai ia te A’umo lenei tausaga. O nisi o vaega taua e aofia ai:

Ua Vaai Enoka i le Taulotoa’iga o Taimi, saunia e Jennifer Paget, o se faatusa faafaatusa o le faaaliga a Enoka i le taulaga a le Faaola (tagai Mose 7).
Tu Atu o se Molimau, saunia e Kwani Povi Winder, o loo faatumatila ai le “tavini laitiiti“ o lana molimau faatauvaana taitai atu ai i se vavega maoae (tagai 2 Tupu 5).
E i ai Sa’u Galuega Tele e Fai, saunia e Tyson Snow, o loo faaalia ai le naunautaiga o Neemia e toe fausia pa puipui o Ierusalema, e ui lava i le tetee mai o ona fili (tagai Neemia 4).
O Le A Ou Laveaiina Moni Oe, saunia e Eva Timothy, o se ata o Ieremia ua faasaolotoina mai se aga palapala na saunia e Epetemeleka, o se Aitiope (tagai Ieremia 38–39).

“Manatu e Nofouta i Ai”

E i ai lava nisi o taimi i le faasologa o taiala mo suesuega faalevaiaso i le Sau, Mulimuli Mai ia te A’u e taofi ai “Nisi o Manatu e ao ona Manatua pea.” O tusitusiga pupuu nei e uiga i autu e pei o feagaiga, osigataulaga, o le faapotopotoina o Isaraelu, ma solo o le Feagaiga Tuai. O vaega o le “Nisi o Manatu e ao ona Manatua pea” ua ofoina mai ai le talaaga faasolopito, vaaigao aso e gata ai, ma manatu faigofie e faifaigofie ai ona maua ni aafiaga e fausia ai le faatuatua a o suesueina le Feagaiga Tuai.

E pei o tausaga ua mavae, o le Sau, Mulimuli Mai ia te A’u e le o le auga lea o lau suesuega. Ua na o se soa e fesoasoani a o e suesue afioga a le Atua i tusitusiga paia. O le aoga lena o uo.