“Nomu iTokani Lako Mai, Mo Muri Au,” Liaona, Janu. 2026.

Nomu iTokani Lako Mai, Mo Muri Au

Mai vei Ted Barnes

Vakatoroicaketaki ni Lewenivuli ni Lotu

Na ivurevure ni yabaki oqo e vakaikuritaka na veicakacaka ni liga vou ka vakavure vakasama me baleta na nomu vuli ena Veiyalayalati Makawa.

ivakaraitaki ni dua na tamata e laveti cake ena dali

Ena sega beka ni vinaka kevaka, ni o wilika tiko na nomu ivolanikalou, e dau tiko ga e yasamu e dua na nomu itokani, ka tokoni iko tiko? E dua beka e taleitaka na ivolanikalou ka marautaka ni o wilika tiko, e sega ni rawa ni kinoca. Ena so na gauna e dau tukuna na nomu itokani na veika vakaoqo, “E sega beka ni dua na tikina vakasakiti oya?” “Na cava na nomu vakasama baleta na tikina oya?” “Isa lei, oqori sara ga na neirau bula, o sega beka ni vakasamataka?” Kevaka o dau tao se veilecayaki ena dua na malanivosa dredre, na nomu itokani ena rawa ni tukuna e dua na ka vakaoqo, “Io, oqo e dua na sala me da raica kina. E veivuke beka oya?” — e dina ga ni na qarauna me kakua ni vakatakila e dua na ka me vakacaca. O koya e dua na itokani, me kena ilutua.

NaLako Mai, Mo Muri Au e sa vakataki koya na itokani oya. Na kena inaki me vukei iko mo sotava e dua na ka vakasakiti ena wiliki ni ivolanikalou. E rawa ni dusimaki iko ki na veimalanivosa ka na vukea na tarai cake ni nomu vakabauta na Tamada Vakalomalagi kei Jisu Karisito—ka na rawa ni vukei iko mo semata na veitikina oqori ki na veika sa yaco tiko ena nomu bula. E rawa ni vukei ni tu na nomu vakatataro, ia e vakavuqa, na Lako Mai mo Muri Au ena tarogi iko ka sega ni sauma—baleta ni na sega ni rawa ni butakoca vei iko e dua na itokani vinaka na marautaki ni nomu raica rawa na dina vakayalo me baleti iko.

NaLako Mai, Mo Muri Au e rawa ni cakava na veika kece vakaveitokani oqo ena dua ga na gauna o wilika kina na ivolanikalou. Io, ena gauna mada ga o wilika tiko kina na Veiyalayalati Makawa ena yabaki oqo.

Me ikuri ni taro veivakauqeti kei na vakasama eso ni itaviqaravi, o na kunea eso tale na iyaya veivuke ena Lako Mai, Mo Muri Au. Oqo e vica:

Raici Raraba ni Veiyalayalati Makawa

Volekata na itekivu ni Lako Mai, Mo Muri Au, ena 2026 ko na raica kina e dua na iyaloyalo ni Veiyalayalati Makawa. E vaka e dua na laini ni gauna ka okati kina na yacadra na parofita, tui, kei na so tale na tamata kilai. Oqo e veivuke baleta na ivola ena Veiyalayalati Makawa e sega ni tuvai vakagauna era yaco kina. Na rai vakararaba e rawa ni vakaraitaka vei iko, me kena ivakaraitaki, na vanua e veisotari kina na nodra volavola na parofita me vakataki Aisea kei Jeremaia ki na itukutuku makawa ni Matanitu i Juta. E rawa ni o raica na vanua e veirauti kina na italanoa kei Taniela kei Esiteri ki na iyaloyalo rabailevu ni Veiyalayalati Makawa. Kevaka o vakila ni o sa lakosese ena Veiyalayalati Makawa, vuki ki na “Vakamacala Raraba ni Veiyalayalati Makawa” mo laveti cake kina.

Cakacaka ni Liga Vou

E Tinikarua na droini vou ka lesi me baleta na Lako Mai , Mo Muri Auni yabaki oqo. E oka kina na vakasama eso oqo:

Raica ko Inoke na iTuvaki ni Gauna, mai vei Jennifer Paget, e dua na ivakatakarakara ka matataka na raivotu nei Inoke me baleta na solibula ni iVakabula (raica na Mosese 7).
Tu mo iVakadinadina, mai vei Kwani Povi Winder, ka rokataka na “leba lailai” ka basika ki na dua na cakamana levu na nona ivakadinadina (raica na 2 Tui 5).
Sa tu e Dua na Cakacaka Cecere Meu Cakava, mai vei Tyson Snow, ka vakaraitaki kina na sasaga nei Niemaia me tara tale na bai kei Jerusalemi, dina ga ni veisaqasaqa mai vei ira na nona meca (raica na Niemaia 4).
Au na Sereki Iko Vakaidina,mai vei Eva Timothy, e dua na ivakatakarakara kei Jeremaia ni sa sereki mai na dua na qara soso vei Epeti-mileki, e dua na kai Iciopea (raica na Jeremaia 38–39).

“Vakasama me Nanumi Tiko”

Ena veigauna kece, na veitaravi ni idusidusi ni vuli ena veimacawa ena Lako Mai, Mo Muri Au me baleta na “Vakasama mo Nanuma Tikoga.” Oqo na italanoa lalai me baleta na ulutaga me vaka na veiyalayalati, solibula, nodra vakasoqoni vata o Isireli, kei na serekali ni Veiyalayalati Makawa. Na “Vakasama me Nanumi Tiko” e solia na itukutuku makawa, rai ni gauna oqo, kei na rai rawarawa eso ka rawa me vakarawarawataka na veika me sotavi ena vakabauta ena kena vulici na Veiyalayalati Makawa.

Me vaka ena veiyabaki sa oti, na Lako Mai, Mo Muri Au e sega ni iyaya ni nomu vuli. E dua ga na itokani veivuke ni o vulica na vosa ni Kalou ena ivolanikalou. Oqori na veika era cakava na itokani.