Au a vakila na vakacegu

Mai vei Nicole Muramatsu, São Paulo, Brazil

“ke sega ni veirauti na noqu mosi, ”au a vakasamataka, “ oqo meu sa na vakatagitaka e dua na serenilotu dredre.”

ivakaraitaki ni kena vakatagitaki e dua na piano ena liga

Niu ciqoma e rua na veikacivi vakadautabapiano ena macawa vata oya, sa tekivu meu lomaleqataka na sala au na kunea kina na gauna meu vakayacora kina na noqu itavi tale eso e vale, cakacaka, kei na vuli. E yaloqu, na noqu gagadre levu duadua meu qarava na Turaga ka kauta mai na Nona Yalotabu kivei ira na tamata ena gauna au vakatorocaketaka tiko kina noqu taledi. Ia, au vakila ni sega ni rawa meu vakatabakiduataki au ki na noqu veikacivi vou me vaka au a gadreva.

Ena macawa ka tarava, a levu cake na veika e namaki ena kabani au cakacaka kina. Baleta ni levu na noqu cakacaka e oka kina na taipa, sa tekivu me mosi na ligaqu kei na ilabeniika. Au lomaleqataka seu na rawa ni vakatagitaka na piano kevaka e sega ni oti na noqu mosi.

Ena Sigatabu, niu vakatagitaka na sereivakatagi ni curumai ena valenilotu, sa tekivu me mosi tale na noqu masela. Au masu totolo sara ena vu ni yaloqu, ka kerea na veivakaukauwataki meu qirqiri tikoga.

Ena gauna ni sakaramede, au qai kila ni sere ni lotu e tarava au a sega ni vakatagitaka ena dua na gauna balavu. “Ke sega ni veirauti na noqu mosi,” au a vakasamataka, “ oqo meu sa na vakatagitaka e dua na serenilotu dredre.” Oqori na gauna au wilika kina na veivosa oqo, ka tukuna sara ga na veika au vakila tiko:

Vukei au [meu vakatagitaka] ena veivakauqeti;
Solia na veivakalougatataki oqo, Turaga, au masuta.
Vukei au meu laveta cake na kauwai ni tamata
Me cecere cake, ka vakaturaga.

Niu wiliwili, au a vakila na vakacegu. Au kila ni kila tu na iVakabula na noqu mosi. Me kena ilutua, ni sa sotava oti o Koya (raica na Alama 7:11–12). Meu kakua ni lako curuma duadua na ka oqo. Au a sega ni namaka, ia au a vakila na Yalo ni Turaga.

Niu sa tekivu vakatagitaka, au a sega tale ni vakila na mosi, kau vakila na veika e kilai ki na noqu idusidusi. Au qai kila ni noqu veiqaravi a boroya na sala ni veivakabulai ka kauti au vakavoleka vua na Tamada Vakalomalagi.

Niu vakasamataka vakatitobu na veika au sotava ena piano, au kila niu a sega ni vakatagi duadua tiko. E tarai au na kaukauwa kei na loloma soliwale i Jisu Karisito—e dua na ka vakayalo a yaco ena noqu a qaravi Koya tiko. Au kila ni na dau tiko o Koya me tokoni keda ka vakaukauwataki keda kevaka eda sa lomasoli meda qaravi Koya.