Nilijisikia Mwenye Amani

Kielelezo na Allen Garns

Nilipopokea miito miwili ya Kanisa kama mpiga kinanda katika wiki hiyo hiyo, nilianza kuwa na wasiwasi kuhusu jinsi ambavyo ningepata muda wa kutimiza majukumu yangu mengine nyumbani, kazini, na shuleni. Moyoni mwangu, nia yangu kuu ilikuwa kumtumikia Bwana na kumleta Roho Wake kwa watu wakati nikinoa talanta zangu. Nilihisi, hata hivyo, mapungufu ya kutokuwa na uwezo wa kujitoa kwenye miito yangu mipya kama ambavyo ningependa.

Wiki iliyofuata, mahitaji katika kampuni ambayo nilifanya kazi yalikuwa makubwa. Kwa sababu kazi yangu yote inahusisha kuandika, mikono yangu na vifundo vilianza kuuma. Nilihofia kama ningeweza kupiga kinanda kama maumivu yangu hayataisha.

Siku ya Jumapili, nilipopiga muziki wa ala kwenye kinanda cha kanisa, misuli yangu ilianza kuuma tena. Haraka nilisali moyoni mwangu, nikiomba nguvu ili niendelee kupiga.

Wakati wa sakramenti, niligundua kwamba wimbo uliofuata uliopangwa kuwa ule ambao sikuwa nimeupiga kwa muda mrefu. “Kana kwamba maumivu yangu hayakutosha,” niliwaza, “sasa inabidi nipige wimbo mgumu.” Hapo ndipo niliposoma maneno haya, ambayo yalisema hasa kile nilichokuwa najisikia:

Nilipokuwa nikisoma, nilijisikia mwenye amani. Nilijua kwamba Mwokozi alijua maumivu yangu. Hata hivyo, Yeye alikuwa ameyapitia hayo (ona Alma 7:11–12). Sihitaji kupitia muda huu pekee yangu. Sikuwa nimetarajia hilo, lakini nilihisi Roho wa Bwana.

Nilipoanza kupiga, sikuhisi maumivu tena, na noti zikaonekana za kawaida kwa vidole vyangu. Nilitambua kwamba huduma yangu ilikuwa imetengeneza njia ya uponyaji na kunileta karibu na Baba wa Mbinguni.

Ninapotafakari uzoefu wangu kwenye kinanda, ninajua sikuwa nikipiga pekee yangu. Niliguswa na nguvu na neema ya Yesu Kristo—uzoefu wa kiroho ambao ulikuja kwa sababu nilikuwa ninamtumikia Yeye. Ninajua daima atakuwa pale kutusaidia na kutuwezesha kama tuko tayari kumtumikia Yeye.