Ang Simbahan diha sa Ecuador

Ang mga misyonaryo sa Ang Simbahan ni Jesukristo sa mga Santos sa Ulahing mga Adlaw unang miabot sa Ecuador niadtong Oktubre 1965, ug ang unang mga kinabig nabunyagan sa hinapos niana nga bulan. Usa ka branch naorganisar niadtong 1966, ug ang unang stake naorganisar niadtong 1978. Ang mga miyembro sa Ecuador nagserbisyo sa usag usa ug sa ilang mga komunidad agi og pagresponde sa mga kalamidad sa kinaiyahan ug ubang mga hagit. Karon, ang Simbahan sa Ecuador adunay:

• 264,800 ka miyembro (gibana-bana)

• 44 ka stake, 327 ka ward ug branch, 6 ka misyon

• 2 ka templo (Guayaquil ug Quito)

Kalinaw diha ni Kristo

Si Alejandro Tersek (ibabaw, sa wala) gikan sa Machala Ecuador Stake miingon, “Naningkamot kami sa pagpabilin sa among kaugalingon nga nakasentro sa Manluluwas. Ang ebanghelyo ni Jesukristo nagdala kanamo og kalinaw nga walay laing makahatag kanamo dinhi sa kalibotan.”