“Mi Wantem Kam Olsem Yu,” Liahona, Septemba 2025.
Ol Voes blong Ol Lata–dei Sent
Mi Wantem Kam Olsem Yu
Mi bin filim wari we i stat tru fraet from filing ia se mi no inaf—kasem taem we mi bin prea.
Pikja foto i kam long Deved Malan
Afta long wan longfala, had dei we i fulap wetem ol hadtaem we i kam from mi stap lukaot long tri smol pikinini, evri samting we mi bin wantem blong mekem i blong go swim mo go long bed.
Mi pulum wan longfala win mo go insaed long rum blong mi blong spel. Taem ia nao we gel blong mitufala we i gat faef yia i kam insaed mo rimaenem mi se hem i taem blong intaviu blong hemwan we i stap hapen evri manis, we mi mo hasban blong mi i bin statem blong stap gat wetem hem mo pikinini boe blong mitufala we i gat faef yia. Bae mitufala i askem tufala abaot ol fevret samting mo wanem tufala i laekem abaot kindi o long taem blong jos. Afta, bae mitufala i rimaenem tufala se tufala i pikinini blong God mo se mitufala i lavem tufala.
Mi laekem ol toktok ia, be mi no filim se mi mi no gat paoa o gat tingting blong mekem. Mi stat blong talem long pikinini gel blong mitufala se bae mifala i gat toktok blong mifala tumoro naet, be mi luksave hamas ol toktok blong mitufala oli impoten long hem.
“I stret,” mi talem wetem filing blong taet, “yumitu go luk papa.”
Mifala tri i sidaon long bed mo statem storian blong mifala. Afta we hasban blong mi i aot long rum blong smoltaem, mi askem pikinini gel blong mitufala se, “?Yu wantem kam wanem taem yu bigwan?”
Mi no rere blong harem ansa blong hem: “Olsem yu.”
Wota blong ae i fulap long ae blong mi, mo hat blong mi i fulap wetem ol filing. Wei we pikinini gel blong mi i filim abaot mi, i tajem hat blong mi, be wari i fulap mi we i stat tru long filing ia blong fraet. Mi tingting long evri risen we i mekem se mi bin stap wan gudfala eksampol long ol pikinini blong mi, mo mi save plante ol wiknes blong mi.
Long naet ia taem mi prea, mi askem wetem tru tingting long Papa long Heven blong helpem mi blong kam wan moa gud eksampol long pikinini gel blong mi mo stap moa klin inaf from respek we gel blong hem i gat long hem. Kwiktaem, wan filing blong kamfot olsem wan wef we i kavremap mi wetem hop mo lav we i wasem mi. Mi kam blong filim save fasin blong talem tangkyu we Papa long Heven mo Sevya i bin gat long mi we i simpol, blong stap olsem wan mama we i stap traem blong kam moa gud. Tufala i luksave ol hadwok blong mi mo Tufala i bin long ples ia blong helpem mi kam mama mo pikinini gel ia we Tufala i luk long mi.
Mi save wetem ful hat blong mi se God i save mo lavem yumi mo se tru long “paoa blong Atonmen blong Sevya we i save mekem samting,” yumi save kam huia we yumi hop blong kam olsem.