O Le Mana Faamama o le Auauna Atu i le Malumalu

Sa ou uluai feiloai i a Paul Coward i Sini i le tausaga e 2000 ina ua matou siitia atu ma lo‘u aiga mai Perth mo galuega. I le taimi lea, sa auauna atu ai Paul o se Peresitene o le Siteki o Sini, Ausetalia Greenwich a o galue foi o se Faatonu o Mataupu Faaletino mo le Eria o le Pasefika. I totonu o le tausaga, sa valaauina ai a‘u e avea ma se fesoasoani i le au epikopo fou, na aumaia ai i ma‘ua i se fegalegalea‘iga vavalalata. I le aluga o tausaga, sa ou faafetaia ai e le gata o lana taitaiga ae o lona tuuto loloto e faatatau i auaunaga tau i malumalu sa.

Sa malolo litaea Paul mai galuega i le tausaga e 2020 ma o le taimi nei o loo auauna atu i le Malumalu faato‘a toe tatala talu ai nei i Hamilitone Niu Sila faatasi ai ma lona faletua o Julie. A o ia tomanatu i ona aafiaga o se epikopo, peresitene o le siteki, peresitene o le misiona, Fitugafulu Eria, ma Faatonu mo Mataupu Faaletino, sa ia faailoa mai ni malamalama‘aga faaleagaga loloto sa ia mauaina. A o faamalosia o ia faaletagata e nei valaauga, sa sili ona musuia Paul i osigataulaga a tagata faatuatua o le ekalesia o e sa fausia le malo o le Atua i le fogaeleele e ala mai i tapuaiga i le maumalu.

O se aafiaga patino sa iai se uunaiga tumau ia te ia. A o auauna atu o se Fitugafulu Eria, a o faanatinati atu Paul i totonu o le malumalu sa ia matauina ai se tama matua o agai lemu mai i fafo. Na sioa atu lana vaai i le tagata matua, ma i lena taimi, na musuia ai o ia e le Agaga, “O ia o se alii paia.” E lei feiloai muamua lava iai Paul, ma e leai se tulaga aloa‘ia o lea alii. Ae peitai, sa faailoaina o ia e le Atua e paia. Sa iloa ai iina e Paul pe a tatou ulufale atu i le maota o le Alii, e oo lava i se vaega o Lona mamalu e oo mai i o tatou luga, ma tatou te aveina ma i tatou pe a tatou foi atu i o tatou fale.

O le faletua o Paul, o Julie, sa fesoasoani foi ia te ia e vaai i auaunaga i le mamalu i se auala loloto atu. O lona tofiga o se Fitugafulu Eria na manaomia ai lona auai atu i le tele o konafesi faalesiteki, ma pe a foi mai i le fale, e masani ona fesili atu Julie, “Na faapefea mai le konafesi?” E na te tali atu, “Lelei.”

Ina ua fesili atu, “Na faapefea mai au lauga?” e na te fai mai, “Ou te manatu sa lelei.” O Julie, e malamalama pea, e tali atu ma le naunautai, “Ou te mautinoa sa lelei uma lava, ae peitai o le tuuina atu o se lauga maoae mai le pulelaa e le o se galuega e matua faigata.” Ma le te‘i, e faalogologo pea Paul a o ia fa’aauau: “O le galuega moni e faia pe afai e pa‘i i loto, ma e faataunuuina le galuega a le Alii i totonu o fale o tagata o le ekalesia ma i totonu o le maota o le Alii.”

E ioeina e Paul, ae a. Afai tatou te mananao e siomia i tatou i le saogalemu o aao o le Faaola, e manaomia ona tatou iai i le malumalu. Afai tatou te filifili le mana e faaolaina ai i le faaeaga, e faatoilalo ai faatosinaga a le lalolagi, e aoao atu ma siitia e pele ia i tatou, ma ia avea le Alii e tauina a tatou taua, tatou te manaomia ona iai i le malumalu.

O tagata ulu i le malumalu—o nei uso ma tuafafine “paia”—ma tagata galulue tuuto o loo auauna atu i le malo o le Alii o masima moni ia o le lalolagi. O i latou o ni agaga ua liua, e tutumau ma le le maluelue. Latou te faatauaina a latou feagaiga, ola i se olaga o le usiusitai ma le ositaulaga. Sa aoaoina e Paul mai aafiaga patino o le ki lenei e lagolagoina ai le liua i a Iesu Keriso ma Lana talalelei.

O le liua moni e le ausia e ala i faaaliga i fafo atu ae e ala i faatinoga filemu faifaipea o le faatuatua. O aoaoga faavae, sauniga, ma feagaiga taua o mea ia ua mautu ai i tatou i le talalelei. O le tapuai soo i le malumalu e faamamaina ma faamalosia le avea ma soo i auala e le mafai e se isi ona faia.

Ua faa‘alia le faafetai loloto o Paul mo molimau ma auaunaga faapaiaina a tagata galulue o le malumalu ma tagata auai. O lo latou faatuatua o se molimau lea o se tuputupu a‘e maoae faaleagaga e le o tupu i se tulaga maoae, ae i le galuega paia, filemu o le malumalu. Aua o totonu o le malumalu, le maota o le Alii, o loo maua ai le paia moni.