?Ofisol Toktok blong Restoresen I Tijim Wanem Trutok?

Josef Smit i stap nildaon long bus blong ol tri

Long Epril 2020 jeneral konfrens, Presiden Russell M. Nelson i ridim “Restoresen blong Gospel blong Jisas Kraes, we I Fulwan: Tu Handred Yia Ofisol Toktok I Go long Wol.” Afta, hem i talem: “Stadi long hem long praevet, mo wetem ol memba blong famli mo ol fren blong yufala. Tingting hevi long ol trutok mo tingting long wei we ol trutok ia bae oli tajem laef blong yu sapos yu stap harem olgeta, lisin gud long olgeta, mo mekem folem olgeta komanmen mo kavenan we oli kam wetem.”

Ol infomesen long tebol ia bae i helpem yu blong folem kaonsel blong profet blong stadi long ofisol toktok ia. Taem yu mekem, tingting blong no makem ol histri we oli hapen nomo long taem blong Restoresen, be tu, han blong Lod we i stap lidim ol samting ia. (Mesej blong ofisol toktok ia i gat i stap long Gospel Laebri o long en blong fas lesen blong Kam Folem Mi blong yia ia.)

Paragraf	Stadi: ?Wanem Ol Trutok We Yu Faenem?	Tingting Hevi: ?Ol Trutok Ia, Oli Tijim Wanem long Yu?	Mekem Folem: ?Olsem Wanem Nao Bae Yu Yusum Ol Trutok Ia long Laef blong Yu?	Serem: ?Olsem Wanem Nao Bae Yu Serem Ol Trutok Ia wetem Famli mo Ol Fren blong Yu?
1
2
3
4
5
6
7
8
9

?From Wanem I Gat Ol Ofisol Toktok Ia?

?Yu yu save se i gat sikis ofisol toktok nomo we Jos Ia blong Jisas Kraes blong Ol Lata-dei Sent i pablisim? Oli pablisim fasfala tri long 1841 mo 1865. Ol trifala laswan blong ol ofisol toktok ia oli bin pablisim long 1980:

“Proclamation from the First Presidency and the Quorum of the Twelve Apostles of The Church of Jesus Christ of Latter-day Saints” (1980), we Presiden Spencer W. Kimball i apruvum long (1895–1985) mo afta-Elda Gordon B. Hinckley i ridim long namba 150 aniveseri blong oganaesesen blong Jos.
“Famle: Wan Ofisol Toktok I Go long Wol” (1995), we Presiden Gordon B. Hinckley i ridim long wan Rilif Sosaeti Jeneral Miting blong serem ofisol stetmen abaot doktrin blong famli.
“Restoresen blong Gospel blong Jisas Kraes, we I Fulwan: Tu Handred Yia Ofisol Toktok I Go long Wol” (2020), we Presiden Russell M. Nelson i ridim long jeneral konfrens blong 2020—200 yia i pas afta long Fas Visen. Hem i talem strong bakegen se Josef Smit i wan profet blong God mo se Jos Ia blong Jisas Kraes blong Ol Lata-dei Sent i Jos Ia blong Jisas Kraes we i bin kambak long wol.

Oli mekem ol ofisol toktok ia i blong evriwan raon long wol. Oli ol “fasin we oli series mo tabu … oli pablisim mo stamba tingting i blong tekem i kam fored, mo bildimap, mo kontrolem ol wok we i stap hapen insaed long Jos olsem kingdom blong God long wol.” Ol Ofisol Toktok, oli no plante mo oli ol testeman we i gat paoa se yumi gat wan profet we i stap laef mo i stap lidim Jos mo wol tedei.