Liège, Belgium

Ang gipahiuli nga ebanghelyo ni Jesukristo lagmit unang miabot sa Belgium sa dihang ang usa ka Santos sa Ulahing mga Adlaw nga kinabig gikan sa Turkey, si Mischa Markow, nagsugod sa pagtudlo sa pamilyang Esselman niadtong 1888. Human sila mabunyagan, ang mga misyonaryo sa Switzerland ug Germany misugod sa pag-alagad sa Belgium. Sa duha ka bulan, 80 ka tawo ang mipasakop sa Simbahan, ug ang mga kongregasyon giorganisar sa Liège, Brussels, ug Antwerp. Karon, Ang Simbahan ni Jesukristo sa mga Santos sa Ulahing mga Adlaw sa Belgium adunay:

• 6,600 ka mga miyembro (gibanabana)

• 2 ka stake (11 ka ward, 2 ka branch)

• 1 ka templo (gipahibalo niadtong 2021, nga pagatukoron sa Brussels)

Mga Panalangin sa Pagtuon sa Kasulatan

Si Karen Wery sa Namur Ward miingon bahin sa iyang pamilya: “Magkauban kami nga magtuon sa among mga kasulatan ug magpakigbahin sa among mga hunahuna ug mga inspirasyon sa usag usa. Among gigamit ang mga kasulatan lakip usab ang mga bidyo ug ubang mga kapanguhaan, sama sa Higala nga magasin, aron sa pagtabang sa among mga anak nga mas makasabot sa doktrina. Ang pinakadako nga epekto nga among naangkon mao ang pagtubo sa panaghiusa sa among balay.”