Ana Mwakuri te Moan Beretitentii

N te rongorongo are e katokaaki n taabo ni kareke rongorongo ni Beberuare 14, 2024, Beretitenti Russell M. Nelson e kaoiia aomata ni kabane bwa a na kabongana Bongin te Valentine bwa te kauring ni manga motinnano n tangiriia kaain rarikiia. E taku Beretietnti Nelson bwa bon te bong teuana are a bukamarua te tangira aomata ni kabuta te aonaaba. Ngkai te tangira n taai tabetai e kona n riki bwa ai aron taian uee, tiaokureti, ao bwaintangira, “te kauoua n tua ae moan te korakora e reiakiniira te aekaki n tangira ae moan te kaokoro—are ti na tangiriia raoi kaain rarikira.”

N Beberuare 15, Beretitenti Nelson ao ana kauntira a butimwaea te beretitenti man te Aba ae Navajo Dr. Buu Nygren ao kainabana, te Moan Aine ae Jasmine Blackwater-Nygren, nakon te Tembora Tikuea. Dr. E motinnanoia Nygren bwa e na karokoi bwaai aika bon oi ni kainnano n aron te ran, te iti, ao tamaroan te kawai nakon mweengaia kaain Navajo ni kabane. Inanon ririki aika a nako, e a tia ana Ekaretia Iesu Kristo n ibuobuoki ni karokoi bwaai akanne nakon te Aba ae Navajo.

N tain te kanakobwanaa ibukin te rao nakon te rao n Maati 9, Beretitenti Dallin H. Oaks, te Moan Kauntira n te Moan Beretitentii, ao buuna, ae Kristen, e taetae ma itiman mai buakoia tibutoruia ake a mena n te roro ae te moanriinan bwa a na kanga n ongo bwanaan te Tamnei ae Raoi ao tera ana mwakuri te Tamnei ae Raoiroi—e kauring, karaunano, kakoaua, kairiiri, e reirei, ao a mwaiti riki.

“Ana reirei Iesu Kristo a kakauongo iroun Iesu Kristo,” e taku Beretitenti Oaks. “N tabetai E anganiira te namakin, n tabetai te iango. N tabetai ti ongo Bwanaana. Ara burabeti, Beretitenti Nelson, e tuangiira bwa ti na kakauongo iroun ara Tia Kamaiu ao n ongo Irouna.”

I mwiin 61 te ririki ni mare, Beretitenti Henry B. Eyring, te Kauoman ni Kauntira n te Moan Beretitentii, e anga ana kaboo nakon buuna ae, Kathleen, are e motirawa n Okitobwa 15, 2023. E taku Beretitenti Eyring, “E a tia n taainako Kathleen ni karikai bwa te aomata ae N na riki bwa te kabanea n tamaroa are N na kona n riki nako iai.”

Ni Maati 24, Beretitenti Eyring e katabua te Red Cliffs Utah Tembora i St. George, Utah, USA. “Ko na kunea te kimwareirei i nanon am mwakuri n ibuobuoki are e tauraoi ikai n akea riki te anga,” e taekinna n te taromauri ni katabu.