Unimwaane Christopher H. Kim

Ngke 14 ana ririki Unimwaane Christopher H. Kim ao e reke ana tai n tibwauaa te euangkerio ma raoraona, e nooria bwa e riai n ataa koauan Ana Boki Moomon e aonga n kona n taetaekinna ma te nanomatoa.

“Ngke I tataro ibukin Ana Boki Moomon, I namakina karauakin nanon tamneiu” e taekinna. “Ao n te tai ae tawe, ao akea te titiraki ke te nano uoua ibukin Ana Boki Moomon.” N te moan tai inanon maiuna, e taku, “I namakina raoi te Tamnei ae Raoiroi, ataa te koaua ibukin Ana Boki Moomon, ao n ataia bwa Iotebwa Timiti bon ana burabeti te Atua.”

Christopher Hyunsu Kim e bungiaki n Nobembwa 18, 1965 i Daegu, Korea Maiaki, ao te karimoa irouia natiia Chinho Kim ao Kuncha Kim aika aman. A kaaina te Ekaretia ana karo ngke e uarereke. E maeka Unimwaane Kim i Daegu ni karokoa are e bane ana tai man te kauarinan ao ana utu a mwaing nakon te United States, ao n maeka i California Maiaki.

Ngke e beku bwa te mitinare n te Washington Seattle Mition, Titita Seongmi (Sue) Hong e beku bwa te mitinare n te California Los Angeles Mition. Ngke e mena ikekei, ao e a kinaa tinan Unimwaane Kim. I mwiina, i mwiin banen aia tai n mitinare Unimwaane Kim ma Titita Hong, a moana aia ikikina. A mareaki n Ritembwa 7, 1991, n te Los Angeles California Tembora. Ti temanna natiia te mmwane ao teniman natiia aine.

E reke ana beeba Unimwaane Kim man te Brigham Young University ae te bachelor’s degree n te sociology n 1995 ao ana master of business administration n 1997. I mwiin ana reirei, e mwakuri n te United States, Thailand, ao Korea Maiaki. Man 2005, e a tia n mwakuri n te Unicity International, te kambwana n karaoa bwain n kamarurung ao ni kabotonaine i Utah, ao n taai riki ake imwiina ao manga te beretitent n te global markets, i Seoul, Korea Maiaki.

E a tia ni beku Unimwaane Kim man 2019 bwa te Itingaun n te Aono. E a tia naba ni beku bwa te beretitenti n te titeiki, kauntira n te beretitentii n te titeiki, te beretitenti n te mition n te titeiki, ao te ibonga ae rietaata.