Unimwaane Michael B. Strong

E moana reiakinan te euangkerio Unimwane Michael B. Strong ni mweengana, ike e reireinaki irouia ana karo.

“E rikirake au koaua ao e rangi ni matoatoa n te tai teuana ma teuana, ni kawai aika aki kona n nooraki,” e taku Unimwaane Strong. Ngke e iangoi taai aika a tia n nako, “I a tia n noora bain te Atua n te tai ae mwaiti i nanon maiu, ma e a tia n nikoaki ao ni barongaaki raoi mai mwiin taneiai tabeua ake e rinanona n te maiu n tamnei ae moan te nano ma ni uaana.”

Ngkai e tabe ni karikirakeia ana utu ngaia ma buuna, a karaurau ao ni booti nanoia nakon te euangkerio ao ni maiuakinna i nanon maiuia. “Ti kataia ni karaoa ara kabanea n tamaroa n ara mwakuri ma ara rinerine ao maiuakinan te euangkerio i nanon maiura” e taku Unimwaane Strong. “Bon aei raoi ngaira.”

E reke ana beebwa ae bubura ae te degree n te tiaeanti Unimwaane Strongchelor n te microbiology ao e minor n te chemistry mai Brigham Young Iuniwetiri n 1989 ao e reke ana medical degree man Baylor College of Medicine n 1993.

E a tia n riki bwa te taokita ao, n te tai are e weteaki iai, e mwakuri bwa te chief medical information officer ibukin te Iuniwetiri i Utah.

E kunea Unimwaane Strong bwa ngkana e kaitara ma kangaanga, n ikotaki ma naake raona n nakoa, e a tia n anganaki te kairi ibukin katokan kangaanga ngkai e karaoi kakaewenako akanne bwa kaekaan ana tataro. “I tii kona n namakinna bwa te Uea e anganai taian iango ao bwaai ake a na katoka te kangaanga a kateretereaki raoi nakoiu nakon are N na aki kona n nooria,” e taku. “I a moanna ni karekea te atatai bwa E rangi n tabeakiniira raoi.”

N te tai are e weteaki iai bwa e na riki bwa te Mataniwi ni Kabuta n te Itingaun, e beku Unimwaane Strong bwa te Itingaun n te Aono n Aonon Utah. E a tia ni beku bwa te beretitenti n te Perú Lima Central Mition, beretitenti n te titeiki, bitiobi, ao te mitinare ae bwanin ana tai n te Bolivia Cochabamba Mition.

E bungiaki Michael Brent Strong i Salt Lake City n Aokati 6, 1965. E mare ma Cristin Connelly n Aokati 22, 1987, n te Salt Lake Tembora. Bon kaaro ao iai natiia aika onoman. A maeka Unimwaane ao Titita Strong i Centerville, Utah, USA.